Con Cristiannan Ta Mira Celo y Yaluci?
Con Cristiannan Ta Mira Celo y Yaluci?
BIJBEL ta anima nos como cristian pa “aspira na amor”, y e ta bisa cu ‘amor no ta yalurs.’ (1 Corintionan 13:4; 14:1) Tambe Bijbel ta bisa nos cu Yehova “ta un Dios yalurs” y e ta manda nos ser “imitadonan di Dios.” (Exodo 34:14; Efesionan 5:1) Pues anto, kico ta e posicion cristian relaciona cu yaluci y celo?
E idioma Hebreo y Griego ta uza e mesun palabra pa “yaluci” y “celo.” E solo palabra aki (na Hebreo, qinah; na Griego, zelos) tin hopi diferente nificacion. Nan por tin sea un conotacion positivo of negativo, dependiendo di e manera cu uza nan. Por ehempel, e palabra Hebreo por nifica “insisti riba debocion exclusivo; no ta tolera rivalidad; celo; celo ferviente; lealtad na normanan husto; yaluci; cudisha loke otro hende tin of cudisha nan posicion; envidia.” E palabra Griego corespondiente tin casi mesun nificacion. E palabranan aki por referi na un emocion desbalansa y ekiboca pa cu un supuesto rival of pa cu un persona cu supuestamente tin un bentaha. (Proverbionan 27:4) Tambe nan por referi na un cualidad positivo cu Dios ta duna hende: e deseo di kier proteha un ser keri contra daño. (2 Corintionan 11:2) Papiamento ta uza dos palabra distinto pa describi e sintimentonan aki: celo y yaluci.
E Ehempel Supremo
Yehova ta pone e ehempel supremo di celo corecto. Su motibonan ta puro y limpi, impulsa pa e deseo di proteha su pueblo di daño spiritual y moral. El a bisa di su pueblo antiguo, figurativamente yama Sion: “Mi ta masha yalurs pa Sion, si, cu gran furia mi ta yalurs p’e.” (Zacarias 8:2) Mescos cu un tata amoroso ta semper alerta pa proteha su yiunan di daño, asina Yehova ta alerta pa proteha su sirbidonan di daño fisico y spiritual.
Pa proteha su pueblo, Yehova a percura su Palabra, Bijbel. Den Bijbel tin hopi animacion pa nan cana na un manera sabi, y tambe yen di ehempel di esnan cu a hacie. Na Isaias 48:17 nos ta lesa: “Ami ta SEÑOR bo Dios, kende ta siña bo, pa bo prospera, kende ta guia bo den e caminda cu bo mester cana.” Ki un gran consuelo pa sa cu su celo ta motiv’e pa cuida nos y vigila nos! Si Yehova no tawatin e celo positivo aki, nos lo a sufri tur tipo di daño debi na nos falta di experencia. Pesei un cos ta sigur, Yehova su expresionnan di celo no ta egoista.
Pues anto, kico ta haci e diferencia entre celo cu ta agrada Dios y yaluci? Pa haya sa, laga nos considera e ehempel di Miriam y esun di Finehas. Tuma nota ta kico a motiva nan.
Miriam y Finehas
Miriam tawata e ruman mohe mayo di Moises cu Aron, e lidernan di Israel durante e Exodo. Tempo cu e Israelitanan tawata den desierto, Miriam a bira yalurs riba su ruman homber Moises. E relato biblico ta bisa: “Anto Miriam y Aron a papia contra Moises pa motibo di e mohe Cusita cu el a casa cu ne . . . Y nan a bisa: ‘Ta pa medio di Moises so SEÑOR a papia anto? E no a papia pa medio di nos tambe?’” Parce cu Miriam ta esun cu a bini cu e idea pa lanta contra Moises, pasobra Yehova a straf Miriam pa su falta di respet—y no Aron—cu un lepra cu a dura un siman largo.—Numbernan 12:1-15.
Kico a pone Miriam lanta contra Moises? Tawata su precupacion pa adoracion berdadero y un deseo pa proteha e otro Israelitanan for di daño? Evidentemente no. Ta parce cu Miriam a permiti un mal deseo pa mas prestigio y autoridad lanta den su curason. Como profeta den Israel, el a haya hopi respet serca e pueblo, specialmente serca e hende mohenan. Ta e a dirigi nan cu musica y cantamento despues di Israel su salbacion milagroso na Lama Cora. Pero awor Miriam kisas lo a bira mucho precupa cu e ta bai perde un poco di su prominencia debi na su supuesto rival, e esposa di Moises. Motiva pa envidia, el a instiga e papiamento contra Moises, esun nombra pa Yehova.—Exodo 15:1, 20, 21.
Finehas (of Finees) di otro banda tawatin un motibo diferente pa su accion. Djis prome cu e nacion di Israel a drenta e Tera Priminti, nan tawata kampeer riba e Sabana di Moab y mohenan Moabita y Madianita a seduci hopi homber Israelita pa comete inmoralidad y idolatria. Pa limpia e campamento y para Yehova su rabia ardiente, e huesnan di Israel a haya e instruccion pa mata tur e hombernan cu a desvia. Zimri, un cabesante di e tribu di Simeon, descaradamente a trece e mohe Madianita Cozbi den e campamento pa propositonan inmoral, “den bista di henter e congregacion di e yiunan di Israel.” Finehas a actua dicidido. Motiva door di celo pa Yehova su adoracion y e deseo di mantene e puresa moral di e campamento, el a ehecuta e fornicadonan den nan tent. El a ser elogia pasobra e tawata “celoso”, es decir, pasobra e “no a tolera ningun rivalidad” pa cu Yehova. Finehas su accion rapido a para e plaga di castigo cu ya caba a mata 24.000 persona, y Yehova a recompens’e cu e aliansa cu pa tempo indefini e sacerdocio lo keda pa su desendientenan.—Numbernan 25:4-13; NW.
Kico tawata e diferencia entre e dos expresionnan aki di e mesun cualidad segun e idioma original di Bijbel? Miriam a actua contra su ruman homber debi na yaluci egoista, mientras cu Finehas a ehecuta husticia a base di su celo pa agrada Dios. Sa tin ocasion cu mescos cu Finehas, nos mester sinti nos mes obliga na expresa nos opinion francamente of tuma un accion na defensa di Yehova su nomber, su adoracion y su pueblo.
Celo Motiva of Basa Riba Ideanan Robes
Pero ta posibel pa nos sinti celo motiva of basa riba ideanan robes? Si. Esaki tawata en general e caso cu e Hudiunan di prome siglo. Nan a proteha e Lei cu Dios a duna, y tambe nan tradicionnan celosamente. Den nan intento pa proteha e Lei, nan a forma un sin fin di regla y restriccion detaya cu a bira un carga pisa pa e pueblo. (Mateo 23:4) Nan no tawata por of no tawata kier a reconoce cu awor Dios a remplasa e Lei di Moises cu e realidad cu e Lei ei a simbolisa. Y nan celo a motiva nan ekibocadamente pa baha nan rabia descontrola riba e siguidonan di Hesucristo. Apostel Pablo, kende tambe un tempo tawata masha celoso pa e Lei, a mustra cu hende cu tawata defende e Lei tawatin “un celo pa Dios, ma no segun conocemento.”—Romanonan 10:2; Galationan 1:14.
Asta hopi di e Hudiunan cu a bira cristian tawatin dificultad pa libra nan mes di e celo exagera aki pa e Lei. Despues di su di tres gira como misionero, Pablo a duna un informe na e cuerpo gobernante di prome siglo tocante e combertimento di e nacionnan. Na e tempo ei miles di Hudiu cristian tawata “yen di celo pa e Lei.” (Echonan 21:20) Esaki tawata hopi aña despues cu e cuerpo gobernante a dicidi cu cristiannan cu antes tawata pagano no tin nodi haci sircuncision. Cuestionnan relaciona cu e wardamento di Lei ainda tawata causa pleito den e congregacion. (Echonan 15:1, 2, 28, 29; Galationan 4:9, 10; 5:7-12) Como cu algun Hudiu cristian no tawata comprende plenamente con Yehova a trata cu su pueblo awor, nan tawata insisti riba nan propio opinionnan y a critica otronan.—Colosensenan 2:17; Hebreonan 10:1.
Pues anto nos tambe tin cu evita e trampa di purba proteha nos propio ideanan faborito of maneranan di haci cos cu no ta firmemente basa riba e Palabra di Dios. Ta miho nos acepta e comprendementonan nobo y mehora di e Palabra di Dios cu ta bini mediante e canal cu Yehova ta uza awe.
Sea Celoso pa Yehova
Sinembargo, celo cu ta agrada Dios tin su luga den adoracion berdadero. Ora nos tin e tendencia di ta demasiado precupa cu nos reputacion of cu nos derecho, e tipo di celo ei ta dirigi nos atencion na Yehova. E ta motiva nos pa busca maneranan pa declara e berdad tocante dje y defende su camindanan y su pueblo.
Akiko, un sirbido di tempo completo di Testigonan di Yehova, a ser rechasa di un mal forma door di un doño di cas cu tawatin ideanan eroneo tocante Dios su lei pa cu sanger. Cu tacto Akiko a defende e Palabra di Dios, y asta el a menciona e complicacionnan y problemanan medico conecta cu transfusion di sanger. Motiva pa un deseo ferviente pa papia tocante Yehova, el a cambia di topico y cuminsa papia riba loke el a ripara tawata e motibo basico di e señora su obhecionnan: e señora no a kere cu ta existi un Creador. Akiko a rasona cu e señora riba e manera cu creacion ta apoya e creencia den un Creador. Akiko su defensa yen di curashi no solamente a kita e prehuicionan infunda di e señora sino tambe a hiba na un studio di Bijbel cu ne. Awe e doño di cas ei cu na prome instante tawata rabia, ta un alabado di Yehova.
Celo pa adoracion berdadero ta motiva nos pa ta alerta y probecha di oportunidadnan pa papia tocante nos fe y defende esaki na trabou, na scol, den tienda y ora nos ta biaha. Midori, por ehempel, no ta perde ningun chens di papia tocante su fe cu su coleganan. Un colega di * y el a ofrec’e pa haci un areglo pa studia e buki cu e yiu mohe. Nan a cuminsa studia, pero e mama no tawata join e studio. Midori a dicidi di laga e señora wak e video Testigonan di Jehova—E Organisacion Tras dje Nomber. * Esaki a kita hopi di e impresionnan robes cu e tawatin. Loke el a mira a conmove bastante y el a bisa: “Mi kier ta manera Testigonan di Yehova”, anto el a join su yiu mohe den su studio di Bijbel.
40 y pico aña a bisa cu e no kier tin nada di aber cu Testigonan di Yehova. Despues, durante un otro combersacion, e señora a keha cu su yiu mohe a desaroya un mal caracter. Midori a mustra e señora e buki Loke hovenan sa puntra—Contesta práctica,Den e congregacion cristian tambe mester tin e celo positivo aki. E ta promove un ambiente caloroso di amor y interes y ta motiva nos pa resisti influencianan cu ta causa division y cu lo por perhudica nos rumannan, cosnan manera hacimento di redo y pensamentonan apostata. Celo ta impulsa nos pa apoya e decisionnan di e ancianonan, kende de bes en cuando ta haya cu mester reprende hende cu haci malo. (1 Corintionan 5:11-13; 1 Timoteo 5:20) Ora Pablo a skirbi tocante su sintimento di yalursheid pa compañeronan den e congregacion di Corinto, el a bisa: “Mi ta yalurs pa boso cu un yalursheid di Dios; pasobra mi a compromete boso cu un esposo, pa mi por presenta boso na Cristo como un birgen puro.” (2 Corintionan 11:2) Asina tambe nos celo of yalursheid ta motiva nos pa haci tur loke nos por pa proteha e puresa di doctrina, y tambe e puresa moral y spiritual di tur ruman den congregacion.
Si, celo cu e motibo corecto—celo cu ta agrada Dios—tin un influencia sano riba otro hende. E ta trece Yehova su aprobacion y mester ta un di e cualidadnan cu bo ta haya den cristiannan djawe.—Huan 2:17.
[Nota]
^ par. 20 Publica door di Testigonan di Yehova.
^ par. 20 Publica door di Testigonan di Yehova.
[Plachi na pagina 29]
Finehas su accion tawata basa riba celo pa Dios
[Plachi na pagina 30]
Evita e trampa di celo basa riba ideanan robes
[Plachi na pagina 31]
Celo pa Dios ta motiva nos pa comparti nos fe y aprecia nos hermandad