Esfuersonan Cu Ta Promove Normanan Moral Halto

Na final di aña 2001, e personanan cu tawata scucha e programa nacional na Radio Mozambique a tende e siguiente anuncio:

“Presidente di Republica a bishita e sucursal di Testigonan di Yehova na Maputo. El a anima e congregacion religioso aki pa intensifica nan esfuersonan pa promove normanan moral halto entre famianan y pa educa adultonan mediante nan lesnan di alfabetisacion. Rond di 10.000 hende a beneficia caba di e lesnan aki. Segun Presidente Chissano, e tipo di iniciativanan aki ta di elogia. Nan ta duna un contribucion balioso pa yuda comunidad soluciona problemanan di educacion cu ainda ta existi den e pais aki.”

Despues di e anuncio, nan a pasa un grabacion parcial di e discurso di e Presidente cu a bisa lo siguiente: “Ta masha alentador pa mira cuanto hende ta interesa pa siña lesa y skirbi. Esaki ta mustra nos cu ciudadanonan comun lo bai yuda nos baha e cantidad di hendenan cu no por lesa ni skirbi. Pesei, mi kier djis anima Testigonan di Yehova pa intensifica nan programanan di alfabetisacion. E idioma no ta importante. Loke ta conta ta pa e hendenan por lesa y skirbi, pa nan por comunica mas facil y den futuro logra mas den enseñansa.”

Testigonan di Yehova na Mozambique ta duna les di lesa y skirbi na 850 sitio den henter e pais pa e hendenan mes por lesa e Palabra di Dios. Ademas, tur siman nan ta conduci mas o menos 50.000 studio di Bijbel gratis. Tur esaki ta parti di un programa educacional mundial di Bijbel cu actualmente ta tuma luga den 235 pais. (Mateo 24:14) Abo tambe por beneficia di e programa aki. Por fabor, sinti bo liber pa tuma contacto cu Testigonan di Yehova den bo bicindario.