Su Perseverancia A Ser Recompensa

Hopi hende di curason recto ta desea pa nan sernan keri siña mas tocante e propositonan di Dios y asina haya felicidad den bida. Ora un persona dedica su mes na Dios, e bon conducta di otronan, tanto hoben como bieu, tambe lo por a contribui na e desision sabi ei. Esei tawata e caso di Jearim, un mucha mohe teenager na Mexico, cu a duna e rumannan e siguiente nota na un dia special di asamblea di Testigonan di Yehova:

“Mi kier comparti mi goso y felicidad cu boso. Laga mi conta boso pakico. Diesocho aña pasa, tempo mi no a nace ainda, mi mayornan a siña e berdad. Mi mama a progresa, y despues ami cu mi ruman homber tambe. Hunto nos tawata pidi Yehova den oracion pa mi tata tambe subi e caminda cu ta hiba na bida. Diesocho aña a pasa, y awe ta un dia masha special pa nos. Mi tata ta bai batisa. Mi ta gradici Yehova cu E no a trece e fin prome cu e momento tan spera aki a yega. Danki, Yehova!”

Den transcurso di añanan, e famia di e hobensita aki sigur tawatin na mente e principionan cu nos por saca for di e conseho inspira na 1 Pedro 3:1 y 2: “Boso, esposanan, sea sumiso na boso mes esposonan, pa si algun di nan ta desobedecido na e palabra, nan por wordo gana sin palabra pa medio di e conducta di nan esposanan, ora nan observa boso conducta puro y respetuoso.” Y casi sigur e hobensita Jearim a aplica e palabranan di Deuteronomio 5:16: “Honra bo tata y bo mama, manera SEÑOR bo Dios a ordena bo.” Door di aplica e principionan ei y spera cu pasenshi riba Yehova, esei sigur a trece bendicion pa Jearim y su famia.