Bo Ta Keda Cordialmente Invita

E Ultimo Cena, cu e Señor Hesucristo a institui un 2.000 aña pasa, ta mas cu djis un evenemento historico. For di dia cu a cuminsa ten’e e tawatin un efecto profundo riba hende. Conmovi pa loke nan a lesa den e relatonan di Evangelio cu a tuma luga e anochi ei, hopi hende a haci esfuerso pa conmemora e Cena di Señor den varios manera.

E interes den e Ultimo Cena ta di compronde, ya cu Hesucristo mes a duna ordo pa su siguidonan celebra e evenemento aki y pa hacie cu regularidad. El a bisa nan spesificamente: “Sigui haci esaki na mi recuerdo.”—Lucas 22:19, NW; 1 Corintionan 11:23-25.

Claro cu pa bo realmente saca beneficio di e celebracion, bo mester compronde kico e ta nifica precis, manera ta ser splica den e Palabra di Dios, Bijbel. Ademas, ta importante pa sa kico Bijbel ta bisa tocante e dia, ora y manera cu mester celebra e evenemento.

Testigonan di Yehova rond mundo, siguiendo e ordo di Hesus, lo reuni hunto riba e anochi di diaranson 16 di april 2003, pa conmemora e morto di Hesus. Ta un ocasion pa nan examina e Scritura y renoba nan fe den Señor Hesucristo y nan amor pa esun cu a bisa: “Dios a stima mundo asina tanto, cu El a duna su Yiu unigenito, pa ken cu kere den dje no bai perdi, ma tin bida eterno.” (Huan 3:16) Bo ta keda cordialmente invita pa reuni hunto cu nan e anochi ei pa asina bo tambe por fortalece bo fe y amor pa Hesucristo y pa e Tata celestial, Yehova Dios.