Kico Ta e Ultimo Cena?

KICO ta bini na bo mente ora bo tende e expresion “e ultimo cena”? Hopi hende lo pensa riba e famoso pintura na Milan, Italia, cu e pintor Leonardo da Vinci (1452-1519) a dibuha den plafon. Si, atrabes di siglonan hopi artista, escritor y musico a uza e Ultimo Cena como tema pa nan obranan.

Pero kico ta e Ultimo Cena, y kico e ta nifica pa hende cu ta biba den siglo 21? Si bo puntra un cristian “kico ta e Ultimo Cena”?, lo e bisa bo cu esei ta e cena cu Hesucristo tawatin cu su apostelnan e anochi prome cu el a sacrifica su bida. Tawata e ultimo cena di Hesus cu su fiel siguidonan, pesei pa tradicion e ta ser yama e Ultimo Cena. Y door cu ta Señor Hesucristo mes a institu’e, tambe por yam’e e Cena di Señor.

Den transcurso di historia, hopi hende a sacrifica nan bida pa loke nan a considera causanan digno. Algun di e mortonan aki a beneficia cierto hende pa un periodo di tempo. Pero, pa digno di merito cu e morto di e hendenan aki cu a sacrifica nan bida por tawata, nan no ta nada na comparacion cu e morto di Hesucristo. Ademas, ningun morto den e historia turbulento di humanidad lo por tin un efecto universal di un alcanse asina largo. Dicon no?

Pa contesta e pregunta ei y pa yuda bo haya sa kico e Cena di Señor ta nifica pa bo, nos ta invita bo pa lesa e siguiente articulo.