Consuelo pa Esnan Cu Ta Sclama pa Yudansa
Consuelo pa Esnan Cu Ta Sclama pa Yudansa
BIJBEL no ta un guia pa salu mental. Sinembargo, e ta duna nos consuelo y ta yuda nos aprecia bida apesar di e problemanan cu nos ta confronta. E Scritura ta bisa na un manera realista: “Hende cu a nace di mohe ta biba poco dia y ta yen di problema.” (Job 14:1) Nos propio imperfeccion ta responsabel pa algun di nos pruebanan. Pero ken ta principalmente responsabel pa sufrimento humano?
Bijbel ta identific’e como un spirito malbado cu yama Diabel y Satanas. E ta “gaña henter mundo” y ta causa hopi di e problemanan cu ta tormenta humanidad. Sinembargo, Bijbel ta bisa nos tambe cu su tempo ta cabando. (Revelacion 12:9, 12) Pronto Dios lo interveni pa pone un fin na tur e angustia cu Satanas ta trece riba e habitantenan di tera. Segun Bijbel, e mundo nobo di husticia cu Dios a priminti lo pone fin na miseria y desesperacion.—2 Pedro 3:13.
Ta un gran consuelo pa sa cu sufrimento humano ta algo temporal! Bou di gobernacion di Dios su Reino celestial den man di Hesucristo, lo no tin inhusticia ni sufrimento mas. E Scritura ta declara relaciona cu Dios su Rei nombra: “E lo libra esun den necesidad ora cu e sclama pa yudansa, esun aflihi tambe y esun cu no tin ningun hende pa yud’e. E lo tin compasion di e pober y di esun den necesidad, y e lo salba bida di esnan den necesidad. E lo rescata nan bida for di opresion y violencia; y nan sanger lo ta precioso den su bista.”—Salmo 72:12-14.
E tempo pa e palabranan profetico aki cumpli ta masha serca. Nos lo por gosa di bida eterno den un paradijs riba tera bou di condicionnan maraviyoso. (Lucas 23:43; Huan 17:3) Conocemento di e bunita promesanan biblico aki ta duna speransa y consuelo na esnan cu ta sclama pa yudansa.
[Reconocemento di plachi na pagina 32]
Mucha mohe tristo: Photo ILO/J. Maillard