Compronde e Proposito di Disiplina
Compronde e Proposito di Disiplina
ORA bo tende e palabra “disiplina”, kico ta bin na bo mente? Un diccionario ta defini disiplina como “e practica di pone hende obedece regla- of normanan di conducta, y di castiga nan ora nan keda sin hacie.” Aunke tin varios otro definicion pa e palabra aki, awendia hopi hende ta mira tur loke tin di aber cu disiplina den un lus negativo.
Di otro banda, Bijbel ta papia di disiplina for di un punto di bista diferente. Salomon e rei sabi a skirbi: “Mi yiu, no rechasa e disiplina di SEÑOR.” (Proverbionan 3:11) Aki e no ta papiando di disiplina en general, sino di “e disiplina di SEÑOR”, esta, disiplina basa riba Dios su principionan eleva. Ta e tipo di disiplina ei so ta productivo, beneficioso y asta deseabel den sentido spiritual. En cambio, hopi bes ora hende duna disiplina basa riba nan propio pensamento, y na conflicto cu Yehova su principionan eleva, nan ta hacie na un manera severo y perhudicial. Esei ta splica dicon hopi hende tin un actitud negativo tocante disiplina.
Dicon Bijbel ta anima nos asina fuertemente pa acepta Yehova su disiplina? E Scritura ta bisa cu Dios su disiplina ta un manera di demostra su amor pa su criaturanan humano. Pesei Salomon a bisa: “Esun cu SEÑOR ta stima, e ta reprende, mescos cu un tata ta reprende e yiu cu e tin delicia den dje.”—Proverbionan 3:12.
Disiplina, of Castigo?
Ora Bijbel ta papia di disiplina e por nifica hopi cos—guia, instruccion, entrenamento, reprendemento, coreccion y asta castigo. Pero den tur caso, ta amor ta motiva Yehova pa disiplina nos, y semper e ta hacie cu nos bienestar na mente. Nunca Yehova no ta duna nos disiplina unicamente pa castiga nos.
Di otro banda, ora Dios ta castiga, no ta semper e ta hacie pa corigi of educa esun cu e ta castiga. Por ehempel, for di e dia cu Adam cu Eva a peca, nan a cuminsa sufri consecuencia di nan desobediencia. Yehova a expulsa nan for di e paradijs di Eden, y nan a sucumbi na e efectonan di imperfeccion, enfermedad y biehes. Despues di varios siglo di bida doloroso, nan a muri pa semper. Tur esei tawata un castigo di Dios, pero e no tawata un disiplina. Adam cu Eva a actua deliberadamente; nan no a repenti, y pesei nan no por a ser corigi.
Otro ehempelnan di ehecucion di castigo di Yehova ta e Dilubio den tempo di Noe, e destruccion di Sodoma cu Gomora y eliminacion di e ehersito Egipcio den Lama Cora. Yehova no a haci e cosnan aki cu intencion di duna guia, instruccion ni entrenamento na esnan cu el a castiga. Papiando di e tipo di ehecucionnan di castigo ei di parti di Dios, apostel Pedro a skirbi: “[Dios] no a spar e mundo antiguo, ma a preserva Noe, un predicado di husticia, hunto cu shete otro persona mas, ora cu el a trece un dilubio riba e mundo di e impionan; y . . . el a condena e stadnan Sodoma y Gomora pa destruccion door di haci nan bira shinishi, haciendo nan un ehempel pa esnan cu despues lo a biba den impiedad.”—2 Pedro 2:5, 6.
Con asina e ehecucionnan di castigo aki ta sirbi como “un ehempel pa esnan cu despues lo a biba den impiedad”? Den Pablo su carta na e Tesalonicensenan, e ta referi na nos era actual como e tempo ora Dios, pa medio di su Yiu Hesucristo, lo “duna pago mereci na esnan 2 Tesalonicensenan 1:8, 9) Claramente, e castigo ei su meta no ta pa siña ni rafina esnan cu ricibie. Sinembargo, ora Yehova ta invita su adoradonan pa acepta su disiplina, e no ta papiando di e castigo cu ta bin riba pecadonan cu no ta repenti.
cu no conoce Dios y na esnan cu no ta obedece e evangelio.” Pablo ta agrega: “Esakinan lo paga e castigo di perdicion eterno.” (Ta bon pa remarca cu Bijbel no ta describi Yehova na prome luga como un dunado di castigo. Mas bien, cu mas frecuencia e ta describi Dios como un maestro amoroso y un entrenador cu pasenshi. (Job 36:22; Salmo 71:17; Isaias 54:13) Si, ora Dios disiplina nos cu e proposito di corigi nos, semper e ta hacie cu amor y pasenshi. Si un cristian compronde e proposito tras di disiplina, e ta den un miho posicion pa acept’e y tambe pa disiplina otro hende cu e actitud corecto.
Disiplina di Mayornan Amoroso
Ta importante pa den ambiente di famia y den congregacionnan cristian, tur hende compronde e proposito cu tin tras di disiplina. Esaki ta asta mas importante pa esnan cu ta den un posicion di autoridad, manera por ehempel mayornan. Proverbionan 13:24 ta declara: “Esun cu laga di uza bara ta odia su yiu, ma esun cu ta stim’e ta disiplin’e for di tempran.”
Con mayornan mester duna disiplina? Bijbel ta splica: “Boso, tatanan, no proboca boso yiunan na rabia, ma lanta nan den e disiplina y instruccion di Señor.” (Efesionan 6:4) E spiertamento aki ta bolbe bin dilanti den e siguiente palabranan: “Tatanan, no proboca boso yiunan, pa nan no perde animo.”—Colosensenan 3:21.
Mayornan cristian cu compronde e proposito di disiplina lo no actua na un manera bruto. E principio declara na 2 Timoteo 2:24 por ser aplica na e manera con mayornan mester duna disiplina. Pablo a skirbi: “E sirbido di Señor no mester ta pleitado, ma cariñoso cu tur hende, cu capasidad pa siña.” Atakenan histerico di rabia y palabranan insultante of humiliante dificilmente por ser categorisa como disiplina amoroso. No tin espacio pa e tipo di comportacion aki den bida di un cristian.— Efesionan 4:31; Colosensenan 3:8.
Pa mayornan corigi nan yiunan, nan mester haci hopi mas cu djis duna nan castigo inmediato y decisivo. Mayoria mucha mester ricibi spiertamento bes tras bes prome cu nan cambia nan manera di pensa. Pues, mayornan tin cu dedica tempo, mustra pasenshi y pensa bon
con nan ta duna disiplina. Nan tin cu tene na mente cu e muchanan mester ‘ser lanta den e disiplina y instruccion di Yehova.’ Esei ta nifica cu ta pa hopi aña mester entrena nan.Wardadonan Cristian Ta Disiplina cu Suavidad
E mesun principionan ta aplicabel den caso di ancianonan cristian. Como wardadonan amoroso, nan ta haci tur nan esfuerso pa edifica e tou door di duna nan instruccion, direccion y reprendemento ora ta necesario. Ora nan ta duna disiplina, nan ta tene bon na mente kico ta e berdadero proposito di disiplina. (Efesionan 4:11, 12) Si ta riba castigo nan ta enfoca, anto nan lo djis impone un castigo riba un hende cu a faya, anto keda te ei. Pero disiplina di Dios ta encera hopi mas. Amor ta motiva ancianonan pa keda den contacto cu e persona, y sigui gui’e te ora cu nan conseho duna fruta. Debi cu nan interes ta sinsero, cu frecuencia nan ta reuni varios bes cu e persona pa anim’e y entren’e.
Di acuerdo cu loke 2 Timoteo 2:25 y 26 ta bisa, asta ora ancianonan ta trata cu un persona cu no ta acepta disiplina mucho lihe, nan mester instru’e “cu suavidad.” Direct despues e texto ta bisa kico ta e proposito di tal disiplina: “Pa kisas Dios duna nan repentimento cu ta hiba na conocemento di e berdad, y nan bin na nan sano huicio y scapa for di e trampa di Diabel.”
Tin bes ta necesario pa expulsa un malechor for di congregacion ora e no ta repenti. (1 Timoteo 1:18-20) Pero nos mester mira asta e medida drastico ei como un forma di disiplina, y no djis como un castigo. Tempo tempo ancianonan ta haci esfuerso pa bishita hende expulsa cu no ta practicando maldad activamente mas. Durante bishitanan asina, ancianonan ta actua na harmonia cu e berdadero proposito di disiplina door di splica e persona cua ta e pasonan cu e mester dal pa e por bolbe na e congregacion cristian.
Yehova Ta e Hues Perfecto
Mayornan, wardadonan cristian y otro personanan cu tin autoridad biblico pa duna disiplina mester haci esfuerso pa tuma e responsabilidad ei na serio. Nan no mester haci e fout di husga cu cierto hendenan ta completamente incorigibel. Pesei mes, nunca e disiplina cu nan ta duna no mester bira manera un castigo motiva pa vengansa of enemistad.
Ta berdad cu Bijbel ta bisa cu Yehova lo trece castigo na un manera severo y total. Hebreonan 10:31) Pero nunca ningun ser humano no mester ni purba compara su mes cu Yehova, ni den e sentido aki ni den ningun otro sentido. Y ningun hende lo no mester sinti cu ta un cos teribel pa cai den man di un mayor of un cierto anciano den congregacion.
De echo, e Scritura ta bisa cu “ta un cos teribel pa cai den man di e Dios bibo.” (Yehova tin e capasidad di duna disiplina na un manera perfectamente balansa. Hende si no por. Dios por lesa curason y determina ki ora un persona a bira completamente incorigibel, y cu pues lo e mester ricibi castigo decisivo y total. Pero hende si no ta capas pa husga na e manera ei. Pa e motibo ei, ora bira necesario pa duna disiplina, semper esnan cu ta den puesto di autoridad mester disiplina cu e proposito di corigi so.
Acepta Yehova Su Disiplina
Nos tur tin mester di Yehova su disiplina. (Proverbionan 8:33) De echo, nos mester anhela disiplina basa riba e Palabra di Dios. Segun cu nos ta studia e Palabra di Dios, nos por acepta disiplina cu ta bin directamente for di Yehova via e Scritura. (2 Timoteo 3:16, 17) Pero tin bes cu nos lo ricibi disiplina for di nos compañeronan cristian tambe. Si nos compronde cu ki intencion nan ta hacie, lo ta mas facil pa nos acepta e disiplina aki di buena gana.
Apostel Pablo a reconoce cu “na e momento mes ningun disiplina no ta parce di ta causa di goso, sino di dolor.” Pero el a agrega: “Ma pa esnan cu a wordo entrena door di dje, despues e ta duna e fruta pacifico di husticia.” (Hebreonan 12:11) Yehova su disiplina ta un demostracion di e amor profundo cu e ta sinti pa nos. Sea cu nos ta ricibi of duna disiplina, laga nos tene na mente kico ta e proposito tras di Dios su disiplina, y laga nos obedece e conseho sabi aki di Bijbel: “Gara instruccion [“disiplina”, NW]; no lag’e bai. Cuid’e, pasobra e ta bo bida.”—Proverbionan 4:13.
[Plachinan na pagina 21]
Pecadonan cu no repenti ta ricibi Dios su ehecucion di castigo, no su disiplina corectivo
[Plachinan na pagina 22]
Amor ta motiva ancianonan pa dedica tempo na haci investigacion y yuda esnan cu faya
[Plachi na pagina 23]
Cu pasenshi y amor, mayornan ta duna nan yiunan “e disiplina y instruccion” di Yehova