Sea Prepara pa e Dia di Yehova
Sea Prepara pa e Dia di Yehova
“Sea prepara, pasobra e Yiu di hende lo bini na un ora cu boso no ta pensa.”—MATEO 24:44.
1. Dicon nos mester ta hopi interesa den e dia di Yehova?
DIA di Yehova lo ta un dia di bataya y furia, di agonia y angustia, di scuridad y desolacion. Yehova su “dia grandi y temibel” lo bin sigur riba e sistema malbado aki, mescos cu e Dilubio a hoga e mundo malbado di tempo di Noe. Definitivamente lo e bin. Sinembargo, “ken cu invoca e nomber di [“Yehova”, NW] lo wordo libra.” (Joel 2:30-32; Amos 5:18-20) Dios lo destrui su enemigonan y salba su pueblo. Cu un urgencia, profeta Sofonias a declara: “E gran dia di SEÑOR ta serca; e ta serca y e ta bini masha lihe mes.” (Sofonias 1:14) Pero ki dia e huicio dibino aki lo ser ehecuta?
2, 3. Dicon ta di sumo importancia pa nos prepara nos mes pa e dia di Yehova?
2 “Ma di e dia y e ora ei ningun hende no sa, ni e angelnan di shelo tampoco, ni e Yiu, sino Mateo 24:36) Siendo cu nos no sa e dia ni e ora exacto, ta di sumo importancia pa nos tuma na pecho e palabranan di nos texto di aña pa 2004: “Sea alerta . . . Sea prepara.”—Mateo 24:42, 44.
e Tata so”, Hesus a bisa. (3 Pa indica con diripiente esnan cu ta prepara lo ser hiba na siguridad mientras cu otronan lo ser bandona, Hesus a bisa: “Lo tin dos homber den cunucu; un lo wordo tuma y e otro lo wordo laga atras. Dos mohe lo ta mula na molina; un lo wordo tuma y e otro lo wordo laga atras.” (Mateo 24:40, 41) Na e etapa crucial ei, con nos situacion personal lo ta? Nos lo ta prepara, of e dia ei lo coi nos di sorpresa? Esei ta depende hopi di e medidanan cu nos ta tuma awor. Pa demostra cu nos ta prepara pa e dia di Yehova nos mester evita un cierto actitud cu ta reina awe, nos no mester entrega na un estado spiritual en particular y nos mester keda leu for di cierto estilonan di bida.
Evita un Actitud Desprecupa y Satisfecho cu Nos Mes
4. Ki actitud e hendenan di e tempo di Noe tawatin?
4 Considera e tempo di Noe. “Pa medio di fe Noe, siendo spierta pa Dios tocante di cosnan cu no a wordo mira ainda, cu temor di Dios a prepara un arca pa salbacion di e hendenan di su cas”, Bijbel ta declara. (Hebreonan 11:7) E arca lo tawata algo extraordinario y basta riparabel. Ademas, Noe tawata “un predicado di husticia.” (2 Pedro 2:5) Ni Noe su construccion di e arca ni su predicacion no a motiva e hendenan di su tempo pa cambia nan rumbo. Dicon? Pasobra nan ‘tawata come y bebe, hombernan tawata casa y mohenan a ser duna den matrimonio.’ E hendenan cu Noe a predica na dje tawata asina absorba den asuntonan personal y placer cu “nan no a haci caso te cu e dilubio a bini y a bari nan tur.”—Mateo 24:38, 39, NW.
5. Ki punto di bista e habitantenan di Sodoma tawatin den tempo di Lot?
5 Den tempo di Lot tawata mescos. E Scritura ta bisa nos: “Nan tawata come, nan tawata bebe, nan tawata cumpra, nan tawata bende, nan tawata planta, nan tawata traha cas; ma riba e dia cu Lot a sali for di Sodoma a yobe candela y suafel for di shelo y a destrui nan tur.” (Lucas 17:28, 29) Despues cu angel a spierta Lot di e destruccion inminente, Lot a bai papia cu su yernonan tocante loke tawata bai sosode. Pero, den nan bista “tawata parce cu ta chansa e tawata chansa.”—Genesis 19:14.
6. Ki actitud nos tin cu evita?
6 Hesus a bisa cu mescos cu den e tempo di Noe y Lot, “asina e binida di e Yiu di hende lo ta.” (Mateo 24:39; Lucas 17:30) Si, e actitud cu ta reina awe serca mayoria hende ta un actitud desprecupa y satisfecho cu nan mes. Nos tin cu vigila pa nos no ser influencia pa un actitud asina. No tin nada malo den disfruta di bon cuminda y bebida cu moderacion. Asina tambe, matrimonio ta un areglo di Dios. Sinembargo, si e cosnan ei a bira lo mas importante den nos bida y nos a pone interesnan spiritual un banda, nos lo por bisa cu personalmente nos ta prepara pa e dia temibel di Yehova?
7. Ki pregunta importante nos mester haci nos mes prome cu nos participa den cualkier actividad, y dicon?
7 Apostel Pablo a bisa: “Tempo ta cortico, asina ta cu for di awor esnan cu tin esposa mester ta como si fuera nan no tin esposa.” (1 Corintionan 7:29-31) Ta un tempo limita a resta pa nos termina e trabou cu Dios a duna nos di predica e Reino. (Mateo 24:14) Pablo a spierta asta esnan cu ta casa pa nan no consentra asina tanto riba nan casa cu nan ta pone interesnan di Reino na di dos luga den nan bida. Ta bisto cu e inclinacion mental cu Pablo tawata recomenda ta lo contrario di un actitud desprecupa y satisfecho cu bo mes. Hesus a bisa: “Ma busca prome e reino di Dios y su husticia.” (Mateo 6:33) Ora di tuma cualkier decision of prome cu nos bai participa den cualkier actividad, ta sumamente importante pa nos puntra: ‘Ki efecto esaki lo tin riba mi esfuerso pa mantene interesnan di Reino na prome luga den mi bida?’
8. Kico nos mester haci si ta actividadnan di bida diario a bira nos precupacion principal?
8 Pero kico si nos realisa cu ya caba nos ta asina ocupa cu actividadnan di bida diario cu no tin luga pa asuntonan relaciona cu cosnan spiritual? Tin masha tiki diferencia entre nos estilo di bida y e esun di nos biciñanan cu no tin conocemento exacto di e Scritura y cu no ta proclamado di Reino? Si esei ta e caso, anto nos tin cu haci oracion tocante e asunto aki. Yehova por yuda nos haya e actitud mental corecto. (Romanonan 15:5, NW; Filipensenan 3:15) E por yuda nos mantene interesnan di Reino na prome luga, haci loke ta corecto y cumpli cu e obligacion cu nos tin cu ne.—Romanonan 12:2; 2 Corintionan 13:7.
Lucha pa Nos No Cabisha Spiritualmente
9. Segun Revelacion 16:14-16, dicon ta importante pa nos lucha pa no cabisha spiritualmente?
9 E profecia cu ta papia di e benidero “guera di e gran dia di Dios Todopoderoso” na Armagedon ta spierta cu algun hende lo no keda lanta. Señor Hesucristo ta bisa: “Mira, mi ta bini manera ladron. Bendiciona ta esun cu keda lanta y keda cu su pañanan bisti, pa e no cana sunu y hende mira su berguensa.” (Revelacion 16:14-16) E pañanan menciona aki ta referi na loke ta identifica nos como Testigonan cristian di Yehova. Esaki ta entre otro nos trabou como proclamado di Reino y nos comportacion cristian. Si pocopoco nos bira inactivo como si fuera nos a pega soño, nos lo perde nos identidad cristian y keda sunu. Esei ta un berguensa y e ta peligroso. Nos mester lucha pa nos no bira flou of cabisha spiritualmente. Con nos por resisti tal inclinacion?
10. Dicon lesamento di Bijbel tur dia ta yuda nos keda spiritualmente alerta?
10 Bijbel bes tras bes ta enfatisa e necesidad di keda lanta y keda cu sano huicio (sobrio). Por ehempel, e relatonan di Evangelio ta Mateo 24:42; 25:13; Marco 13:35, 37); “sea prepara” (Mateo 24:44; Lucas 12:40); “tene cuidou, keda alerta” (Marco 13:33). Despues di declara cu e dia di Yehova ta bai bin inesperadamente riba e mundo aki, apostel Pablo a urgi su rumannan den fe: “No laga nos drumi manera otronan ta haci, ma laga nos ta alerta y sobrio.” (1 Tesalonicensenan 5:6) Den e ultimo buki di Bijbel, Cristo Hesus glorifica ta enfatisa con repentino su binida lo ta, bisando: “Mi ta bini pronto.” (Revelacion 3:11; 22:7, 12, 20) Hopi di e profetanan Hebreo tambe a describi Yehova su gran dia di huicio y a spierta hende p’e. (Isaias 2:12, 17; Yeremias 30:7; Joel 2:11; Sofonias 3:8) Lesa e Palabra di Dios tur dia y reflexiona riba loke nos lesa, ta un gran yudansa pa keda spiritualmente alerta.
recorda nos: “Sea alerta” (11. Dicon studio di Bijbel personal ta esencial pa keda spiritualmente lanta?
11 Si, studio personal diligente di e Scritura, uzando publicacionnan percura door di e “esclabo fiel y prudente”, ta un gran estimulo pa nos keda spiritualmente lanta! (Mateo 24:45-47) Sinembargo, pa studio personal produci beneficio, e mester ta progresivo y consistente. (Hebreonan 5:14–6:3) Nos tin cu alimenta nos mes cu regularidad cu cuminda spiritual solido. Podise awendia no ta facil pa haya e tempo pa haci esaki. (Efesionan 5:15, 16) Sinembargo, no ta basta pa lesa Bijbel y publicacionnan biblico solamente ora esei ta cumbiniente. Studio personal regular ta esencial pa nos por keda lanta y “sano den fe.”—Tito 1:13.
12. Con reunion-, asamblea- y congresonan cristian ta yuda nos combati cabishamento spiritual?
12 Reunion-, asamblea- y congresonan cristian tambe ta yuda nos combati cabishamento spiritual. Con? Pa medio di e instruccion cu nos ta ricibi. No ta asina cu regularmente nos ta ser recorda na e reunionnan aki cu e dia di Yehova ta hopi serca? Tambe reunionnan cristian semanal ta percura oportunidad pa “stimula otro pa stima y haci bon obra.” Tal stimulacion ta yuda un persona keda spiritualmente lanta. Pesei no ta nada straño cu nos ta ser manda pa reuni regularmente segun cu nos ta “mira cu e dia ta yegando serca.”—Hebreonan 10:24, 25.
13. Con e sirbishi cristian ta yuda nos keda spiritualmente lanta?
13 Un otro cos cu ta yuda nos keda lanta ta ora nos ta participa di henter alma den e sirbishi cristian. E miho manera pa keda conciente di e señalnan di e temponan y nan nificacion ta door di papia cu otro hende tocante nan. Y ora nos mira e personanan cu nos ta studia Bijbel cu ne haci progreso y cuminsa actua di acuerdo cu loke nan ta siña, nos propio sentido di urgencia ta aumenta. Apostel Pedro a bisa: “Fortifica boso mente pa actividad, mantene boso sano huicio completamente.” (1 Pedro 1:13, NW) Un bon remedi pa ora nos ta spiritualmente groggy ta di ‘semper abunda den e trabou di Señor.’—1 Corintionan 15:58.
Evita Estilonan di Bida Cu Ta Causa Daño Spiritual
14. Manera tin para skirbi na Lucas 21:34-36, contra ki estilonan di bida Hesus a duna spiertamento?
14 Den Hesus su profecia remarcabel tocante e señal di su presencia, el a duna un otro spiertamento mas. El a bisa: “Tene cuidou pa boso curason no ta carga pa causa di paranda [“comemento di mas”, NW] y buracheria y e precupacionnan di bida, y e dia ei no bini diripiente riba boso manera un trampa; pasobra e lo bini riba tur esnan cu ta biba riba superficie di henter mundo. Ma sea alerta tur ora bai, haciendo oracion pa boso por tin forsa pa scapa di tur e cosnan aki cu ta bai tuma luga, y pa para dilanti di e Yiu di hende.” (Lucas 21:34-36) Hesus a describi precis e estilonan di bida cu hende en general ta sigui: come di mas, bebe burachi y hiba un bida cu ta trece precupacion.
15. Dicon nos tin cu evita di come y bebe di mas?
Proverbionan 23:20) Pero comemento y bebemento no mester yega dje leu ei pa nan ta peligroso. Hopi prome cu nos hacie na un manera di mas, e por haci nos groggy y floho. Un proverbio di Bijbel ta bisa: “Alma di e hende floho ta antoha y no ta haya nada.” (Proverbionan 13:4) Un persona asina kisas kier haci e boluntad di Dios, pero pa motibo di negligencia su deseo no ta cumpli.
15 Comemento di mas y bebemento pisa ta contra principionan di Bijbel y nos mester evita nan. Bijbel ta declara: “No anda cu esnan cu ta gusta dal nan biña, ni cu esnan cu ta golos pa come carni.” (16. Con nos por evita cu precupacion relaciona cu nos famia ta bira un peso pa nos?
16 Cua ta e precupacionnan di bida cu Hesus a spierta p’e? Nan ta encera precupacionnan personal, con pa mantene nos famia, y cosnan por estilo. Lo ta un bobedad pa nos laga e cosnan aki bira un peso pa nos! Hesus a puntra: “Cual di boso, door di precupa, por añadi un codo na su haltura”, es decir, na su duracion di bida? El a conseha su oyentenan: “No precupa boso mes anto, bisando: ‘Kico nos lo come?’ of ‘Kico nos lo bebe?’ of ‘Kico nos lo bisti?’ Pasobra tur e cosnan aki e paganonan ta busca; ma boso Tata celestial sa cu boso tin mester di tur e cosnan aki.” Door di pone interesnan di Reino na prome luga den nos bida y confia cu Yehova lo percura pa nos necesidadnan, nos lo por controla nos precupacionnan y keda lanta.—Mateo 6:25-34.
17. Con coremento tras di actividadnan materialista por causa precupacion?
17 Core tras di actividadnan materialista tambe por causa precupacion. Por ehempel, tin hende ta complica nan bida door di biba riba nan forsa. Otronan a ser atrai door di plannan pa gana hopi placa den un tempo cortico y door di inversionnan financiero riscante. Pa otro hende, sigui tras di educacion como un manera pa alcansa exito financiero 1 Timoteo 6:9.
ta bira un trampa. Mester admiti si cu un cierto nivel di educacion por ta util pa haya empleo. Sinembargo, ta un echo cu algun hende den nan buskeda di un educacion avansa cu ta kita hopi tempo, a causa daño spiritual na nan mes. Ta masha peligroso pa ta den un situacion asina segun cu e dia di Yehova ta acerca! Bijbel ta adverti: “Esnan cu kier bira rico ta cai den tentacion y den trampa y den hopi deseonan loco y dañino, cualnan ta hundi hende den ruina y destruccion.”—18. Ki habilidad nos tin cu cultiva pa evita cu nos ta cai den un estilo di bida materialista?
18 Un factor importante pa evita cu nos ta cai den un estilo di bida materialista ta di cultiva e habilidad di distingui entre loke ta bon y loke ta malo ora di tuma decision. Nos ta desaroya e habilidad aki door di alimenta nos mes regularmente cu ‘cuminda solido cu ta pa hende madura’ y door di ‘entrena nos mente mediante practica.’ (Hebreo 5:13, 14) Haci sigur “di e cosnan mas importante” ora di fiha nos prioridadnan, tambe lo proteha nos di tuma decisionnan robes.—Filipensenan 1:10, NW.
19. Kico nos mester haci si nos ripara cu nos tin masha tiki tempo pa actividadnan spiritual?
19 Un estilo di bida materialista por ciega nos, y laga masha tiki tempo of nada mes pa actividadnan spiritual. Con nos por examina nos mes y evita di cai den e trampa di un estilo di bida asina? Nos tin cu haci oracion y considera con nos por simplifica nos bida y te na ki grado. Rei Salomon di Israel di antiguedad a bisa: “Soño di e homber trahado ta dushi, sea cu e ta come poco of hopi. Ma bariga-yen di e homber rico no ta lag’e drumi.” (Eclesiastes 5:12) Acaso gran parti di nos tempo y energia ta ser uza pa atende pocesionnan material innecesario? Mas cos nos tin, mas cos nos tin cu mantene, sigura y proteha. Nos lo por beneficia si nos simplifica nos bida door di deshaci di cierto pertenencianan?
Di Tur Manera, Sea Prepara
20, 21. (a)Ki garantia apostel Pedro ta duna relaciona cu e dia di Yehova? (b) Menciona algun cos cu nos mester ta haciendo, cu ta cai bou di conducta santo y deboto, pa demostra cu nos ta prepara pa e dia di Yehova.
20 Tempo a caba pa e mundo di e dianan di Noe, y lo e caba pa e sistema actual. Apostel Pedro ta sigura nos: “E dia di Señor lo bini manera un ladron, den cual e shelonan lo pasa bai cu un boroto inmenso, y e elementonan lo wordo destrui cu un calor intenso, y e tera y su obranan lo wordo kima completamente.” Ni e shelonan simbolico—gobiernonan malbado—ni e tera simbolico—humanidad aleha for di Dios—lo sobrevivi e furia di Dios su rabia ardiente. Indicando con nos por demostra di ta prepara pa e dia ei, Pedro a declara: “Como cu tur e cosnan aki lo wordo destrui di e manera aki, ki sorto di hende boso mester ta den un conducta santo y deboto, sperando y purando e binida di e dia di Dios!”—2 Pedro 3:10-12.
21 Un parti di e conducta deboto aki ta encera asisti regularmente na reunionnan cristian y participa den predicacion di e bon nobo. Laga nos haci nan cu debocion sinsero na Dios mientras cu nos ta warda cu pasenshi riba e gran dia di Yehova. Laga nos ta ‘diligente pa Dios haya nos den pas, sin mancha y sin culpa.’—2 Pedro 3:14.
Bo Ta Corda?
• Dicon nos mester demostra cu nos ta prepara pa e dia di Yehova?
• Kico nos mester haci si ta actividadnan normal di bida a bira nos precupacion principal?
• Kico lo yuda nos den nos lucha pa no cabisha spiritualmente?
• Ki estilonan di bida cu ta causa daño nos tin cu evita, y con?
[Preguntanan di Estudio]
[Plachinan na pagina 20, 21]
E hendenan den tempo di Noe no a haci caso di e huicio inminente, abo si ta haci caso?
[Plachi na pagina 23]
Bo por simplifica bo bida pa bo haya mas tempo pa actividadnan spiritual?