Yehova Ta Grandi den Amor Leal
Yehova Ta Grandi den Amor Leal
“SEÑOR ta . . . grandi den misericordia [“bondad amoroso”, NW].”—SALMO 145:8.
1. Con grandi e amor di Dios ta?
“DIOS ta amor.” (1 Huan 4:8) E expresion alentador ei ta demostra cu Yehova su manera di goberna ta basa riba amor. Imagina bo, asta hende cu no ta obedece Dios ta beneficia di e solo y e awasero cu e ta percura den su gran amor! (Mateo 5:44, 45) Pa motibo di su amor pa e mundo di humanidad, asta su enemigonan por repenti, comberti y haya bida eterno. (Huan 3:16) Pero pronto Yehova lo destrui e malbadonan incorigibel pa asina hende cu ta stim’e por gosa di bida eterno den un husto mundo nobo.—Salmo 37:9-11, 29; 2 Pedro 3:13.
2. Ki tipo di amor special Yehova ta mustra na esnan cu a dedica nan mes na dje?
2 Yehova ta mustra amor na su adoradonan berdadero den un manera hopi special y duradero. E palabra Hebreo pa e tipo di amor ei ta wordo traduci como “bondad amoroso” of “amor leal.” Rei David di e Israel di pasado a balora Dios su bondad amoroso profundamente. A base di su experencia personal y su meditacion riba Dios su trato cu otro hende, EÑOR ta . . . grandi den misericordia [amor leal].”—Salmo 145:8.
cu confiansa David por a canta: “SKen Ta Dios Su Lealnan
3, 4. (a) Con Salmo 145 ta yuda nos sa ken ta Yehova su lealnan? (b) Con e lealnan di Dios ta ‘bendicion’e’?
3 Hana (Ana), mama di profeta Samuel, a bisa tocante Yehova Dios: “E ta warda e pianan di su santonan [“lealnan”, NW].” (1 Samuel 2:9) Ken ta e “lealnan” aki? Rei David a duna e contesta. Despues cu el a elogia e cualidadnan maraviyoso di Yehova, el a declara: “Bo santonan [“lealnan”, NW] lo bendiciona bo.” (Salmo 145:10) Kisas bo ta puntra bo mes con hende por bendiciona Dios. Nan ta haci esei principalmente door di alab’e of papia bon di dje.
4 E lealnan di Yehova ta e personanan cu ta uza nan boca pa papia bon di dje. Na ocasionnan social y na reunionnan cristian, di kico nan sa papia mas tanto? No ta di Yehova su Reino? Dios su sirbidonan leal tin e mesun sintimentonan cu David, kende a canta: “Nan lo papia di e gloria di bo [Yehova su] reino, y papia di bo poder.”—Salmo 145:11.
5. Con nos por sa cu Yehova ta tuma nota ora su lealnan ta papia bon di dje?
5 Yehova ta tuma nota ora su lealnan ta alab’e? Si, e ta presta atencion na loke nan ta papia. Den un profecia relaciona cu adoracion berdadero den nos tempo, Malakias a skirbi: “E ora ei esnan cu a teme SEÑOR a papia cu otro, y SEÑOR a presta atencion y a tende esaki, y un buki di memoria a wordo skirbi su dilanti pa esnan cu ta teme SEÑOR y cu ta honra su nomber.” (Malakias 3:16) Yehova ta keda hopi contento ora su lealnan ta papia bon di dje, y e ta corda riba nan.
6. Ki actividad ta yuda nos reconoce e lealnan di Dios?
6 Tambe nos por reconoce Yehova su sirbidonan leal na nan curashi y na e iniciativa cu nan ta tuma pa papia cu hende cu no ta adorado di e Dios berdadero. Si, e lealnan di Dios ta “haci yiunan di hende conoce [su] echonan poderoso, y e mahestad glorioso di [su] reino.” (Salmo 145:12) Abo ta busca oportunidad y ta probecha plenamente di esakinan pa papia cu otro hende cu no ta creyente ainda tocante e reino di Yehova? Distinto di gobiernonan humano cu lo disparce pronto, su reino ta eterno. (1 Timoteo 1:17) Ta urgente pa hende siña tocante Yehova su reino eterno y apoy’e activamente. David a canta: “Bo reino ta un reino eterno, y bo dominio ta di generacion pa generacion.”—Salmo 145:13.
7, 8. Kico a tuma luga na 1914, y ki prueba tin cu Dios ta reinando awor pa medio di e Reino di su Yiu?
7 Desde 1914 tawatin mas motibo ainda pa papia tocante e reino di Yehova. Den e aña ei, Dios a establece e Reino Mesianico den shelo cu Cristo Hesus, Yiu di David, como Rei. Di e manera ei, Yehova a cumpli cu su promesa di cu e reino di David lo a keda firmemente estableci pa tempo indefini.—2 Samuel 7:12, 13; Lucas 1:32, 33.
8 E cumplimento progresivo di e señal di e presencia di Hesus ta un prueba cu Yehova ta reinando awor pa medio di e Reino di su Yiu, Hesucristo. E aspecto mas sobresaliente di e señal ei ta e obra cu Hesus a profetisa cu tur Mateo 24:3-14) Pa motibo cu e lealnan di Dios ta cumpliendo yen di entusiasmo cu e profecia ei, awor mas cu seis miyon homber, mohe y mucha ta haciendo e trabou impresionante aki cu hamas lo ser ripiti. E fin pa tur opositor di Yehova su Reino lo yega pronto.—Revelacion 11:15, 18.
Yehova su lealnan lo haci, ora el a bisa: “E evangelio aki di e reino lo wordo predica den henter mundo como un testimonio na tur nacion, y e ora ei e fin lo yega.” (Beneficia di Yehova Su Soberania
9, 10. Ki contraste tin entre Yehova y gobernantenan humano?
9 Si nos ta cristiannan dedica, nos relacion cu Señor Soberano Yehova ta trece hopi beneficio pa nos. (Salmo 71:5; 116:12) Por ehempel, door cu nos ta teme Dios y ta practica husticia, nos tin su aprobacion y den sentido spiritual nos a hala serca dje. (Echonan 10:34, 35; Santiago 4:8) Na contraste, hopi bes nos por mira gobernantenan humano den compania di hendenan importante manera lidernan militar, comerciantenan rico, of celebridadnan di deporte y di farandula. Segun e corant Africano Sowetan, un funcionario prominente di gobierno a bisa lo siguiente tocante zonanan pober den su pais: “Mi ta compronde dicon mayoria di nos no kier bai na e luganan ei. Ta pasobra simplemente nos kier lubida cu e situacionnan ei ta existi. E ta molestia nos consenshi y nos ta sinti nos masha incomodo den e [autonan] caro cu nos ta core.”
10 Claro cu tin algun gobernante humano cu tin e bienestar di nan subditonan masha na pecho. Pero ni esnan di mas noble den nan no conoce nan subditonan intimamente. En berdad, nos por puntra nos mes: Tin un gobernante cu ta interesa asina tanto den tur su subditonan cu e ta cla pa yuda nan den tempo di dificultad? Si, tin uno. David a skirbi: “SEÑOR ta sostene tur cu cai, y ta lanta tur cu ta abati.”—Salmo 145:14.
11. Ki pruebanan e lealnan di Dios sa haya nan aden, y ki yudansa nan tin?
11 E lealnan di Yehova Dios ta haya nan cu hopi prueba y calamidad pa motibo cu nan ta biba den un mundo controla pa Satanas “e malbado.” Y nan mes imperfeccion tambe ta contribui na esei. (1 Huan 5:19; Salmo 34:19) Por ehempel, cristiannan ta wanta persecucion. Algun ta sufri di un enfermedad cronico of a perde un ser keri. Tin biaha e erornan cu e lealnan di Yehova mes ta comete ta laga nan keda “abati” of kibra. Sinembargo, ora nan haya nan cu prueba, Yehova ta semper cla pa duna cada un di nan consuelo y fortalesa spiritual. E Rei Hesucristo tin e mesun interes amoroso den su subditonan leal.—Salmo 72:12-14.
Cuminda Cu Ta Satisface na Su Debido Tempo
12, 13. Con bon Yehova ta percura pa e necesidadnan di “tur ser bibo”?
12 Pa motibo di Yehova su gran bondad amoroso, e ta satisface tur necesidad di su sirbidonan. Esaki ta encera duna nan cuminda nutritivo. Rei David a skirbi: “Wowo di tur hende ta spera riba bo [Yehova], y bo ta duna nan nan cuminda na su debido tempo. Bo ta habri bo man, y ta satisface e deseo di tur ser bibo.” (Salmo 145:15, 16) Asta den tempo di calamidad, Yehova por maniobra cosnan pa su lealnan por haya nan “pan di cada dia.”—Lucas 11:3; 12:29, 30.
13 David a menciona cu “tur ser bibo” lo keda satisfecho. Esei ta inclui bestia tambe. Si no tawata pa e vegetacion abundante di tera y mata den awa, ni bestia di lama, ni parha ni animal riba tera lo no haya oxigeno pa hala rosea ni cuminda pa come. (Salmo 104:14) Ma Yehova ta percura pa satisface tur nan necesidadnan.
14, 15. Con cuminda spiritual ta ser percura awe?
14 Distinto di bestia, hende tin un necesidad spiritual. (Mateo 5:3, NW) Yehova ta satisface e necesidadnan spiritual di su lealnan na un manera maraviyoso! Prome cu su morto, Hesus a priminti cu “e esclabo fiel y prudente” lo duna siguido di Hesus cuminda spiritual “na su debido tempo.” (Mateo 24:45) Awe, e resto di e 144.000 rumannan ungi ta forma e esclabo ei. Pa medio di nan, Yehova en berdad a suministra alimento spiritual na abundancia.
15 Por ehempel, mayoria sirbido di Yehova ta beneficia aworaki di un traduccion di Bijbel moderno y exacto den nan mes idioma. E Traduccion di Mundo Nobo di e Santo Scritura si tawata un bendicion maraviyoso! Ademas, actualmente ta publicando miyones di medionan pa studia Bijbel den mas cu 300 idioma. Tur e cuminda spiritual aki tawata un bendicion pa adoradonan berdadero rond mundo. Ken mester haya e merito pa tur esaki? Yehova Dios. Den su gran bondad amoroso, Lucas 23:42, 43.
el a haci posibel pa e esclabo duna “cuminda na su debido tempo.” Pa medio di e percuracionnan ei, Yehova ta satisfaciendo “e deseo di tur ser bibo” den e paradijs spiritual di e tempo aki. Y cuanto Yehova su sirbidonan ta alegra den e speransa di por mira e tera transforma pronto den un paradijs literal!—16, 17. (a) Ki ehempelnan tin di cuminda spiritual cu a bin na ora? (b) Con Salmo 145 ta expresa e sintimentonan di e lealnan di Dios relaciona cu e cuestion principal cu Satanas a lanta?
16 Considera un ehempel sobresaliente di cuminda spiritual ricibi na ora, na su debido tempo. Na 1939, Segundo Guera Mundial a cuminsa na Europa. Den e mesun aña ei, E Toren di Vigilancia [na Ingles] di 1 di november a contene un articulo cu e tema “Neutralidad.” E informacion hopi cla presenta a yuda Testigonan di Yehova rond mundo compronde cu nan mester a keda strictamente neutral den asuntonan di e nacionnan cu tawata den guera contra otro. Esaki a resulta den odio di parti di gobiernonan na ambos banda di e conflicto ei cu a dura seis aña. Sinembargo, apesar cu nan a ser prohibi y persigui, e lealnan di Dios a sigui predica e bon nobo di Reino. Di 1939 pa 1946, nan a wordo bendiciona cu un aumento asombroso di 157 porshento. Ademas, nan registro notabel di neutralidad durante e guera ei ta sigui yuda hende identifica e religion berdadero.—Isaias 2:2-4.
17 E cuminda spiritual cu Yehova ta percura no ta solamente oportuno sino tambe e ta satisface un necesidad. Mientras cu e nacionnan tawata den furia di bataya di Segundo Guera Mundial, Yehova a yuda su pueblo enfoca riba algo mucho mas importante cu nan mes salbacion. El a laga nan compronde cu e cuestion principal, cu a encera henter universo, ta relaciona cu Su soberania legitimo. Pues, cada Testigo di Yehova cu a keda leal, a contribui na e vindicacion di Yehova su soberania y a duna prueba cu Diabel ta un mentiroso, y esei ta motibo di hopi satisfaccion! (Proverbionan 27:11) Distinto di Satanas, kende ta calumnia Yehova y su manera di goberna, e lealnan di Yehova ta sigui declara publicamente: “SEÑOR ta husto den tur su camindanan.”—Salmo 145:17.
18. Ki ehempel resien nos tin di cuminda spiritual cu a yega na ora y cu ta satisface un necesidad?
18 Un otro ehempel di cuminda spiritual cu a yega na ora y cu ta satisface un necesidad ta e buki Hala Serca Yehova, cu a wordo presenta rond mundo na centenares di Congreso di Districto “Proclamadonan Celoso di e Reino” durante 2002/2003. E buki aki, produci door di “e esclabo fiel y prudente” y publica door di Testigonan di Yehova, ta enfoca riba Yehova Dios su cualidadnan maraviyoso, incluso esnan menciona na Salmo 145. E buki excelente aki sigur lo bai yuda e lealnan di Dios hala mas y mas serca dje.
Un Tempo pa Hala Mas Serca Yehova
19. Ki tempo crucial ta acercando, y con nos por trata cu esaki?
19 Un di e momentonan crucial pa resolve e cuestion di e soberania di Yehova ta yegando serca. Manera Ezekiel capitulo 38 ta profetisa, pronto Satanas lo hunga su rol di “Gog di e tera di Magog.” Esaki lo encera un atake mundial riba e pueblo di Yehova den un intento dicidido di parti di Satanas pa kibra integridad di e lealnan di Dios. Manera nunca prome, Yehova su adoradonan lo tin cu invoc’e cu fervor, asta sclama pa yudansa. Nan temor respetuoso di Dios y amor p’e lo resulta di ta en vano? No, pasobra en berdad Salmo 145 ta bisa: “SEÑOR ta serca di tur esnan cu ta sclama na dje, serca di tur esnan cu ta sclama na dje den berdad. E lo cumpli cu e deseo di esnan cu ta tem’e; tambe e lo tende nan sclamacion y lo salba nan. SEÑOR ta warda tur cu ta stim’e, ma tur e malbadonan e lo destrui.”—Salmo 145:18-20.
20. Con e palabranan di Salmo 145:18-20 lo cumpli den futuro cercano?
20 Nos relacion estrecho cu Yehova y e echo cu nos por experencia su poder di salba ora e destrui tur e malbadonan lo ta algo emocionante! Na e tempo crucial ei cu ta asina serca awor, Yehova lo scucha solamente “esnan cu ta sclama na dje den berdad.” E hipocritanan lo no haya oido serca dje. E Palabra di Dios ta mustra bon cla cu, manera semper, ta pornada e malbadonan ta invoca su nomber na ultimo momento.—Proverbionan 1:28, 29; Mikeas 3:4; Lucas 13:24, 25.
21. Con e lealnan di Yehova ta mustra cu nan ta uza e nomber dibino gustosamente?
21 Awor mas cu nunca ta tempo pa esnan cu ta teme Yehova “sclama na dje den berdad.” Gustosamente su lealnan ta uza su nomber den nan oracionnan y tambe ora nan ta duna comentario na nan reunionnan. Nan ta uza e nomber dibino den nan combersacionnan priva. Y cu curashi nan ta declara Yehova su nomber den nan ministerio publico.—Romanonan 10:10, 13-15.
22. Pakico ta vital pa nos sigui resisti actitud y deseo di mundo?
22 Pa sigui beneficia di nos relacion intimo cu Yehova Dios, ta vital tambe pa nos sigui resisti cosnan cu por perhudica nos salu spiritual manera materialismo, dibirticion insaludabel, un actitud indispuesto pa pordona of indiferencia pa cu hende den necesidad. (1 Huan 2:15-17; 3:15-17) Si nos no elimina e empeñonan y caracteristicanan ei, nan por pone nos cai den e practica di pica serio y despues perde Yehova su aprobacion. (1 Huan 2:1, 2; 3:6) Ta sabi di nos parti pa corda cu ta unicamente si nos keda fiel na dje, lo e sigui mustra bondad amoroso, of amor leal, na nos.—2 Samuel 22:26.
23. Ki futuro grandioso ta spera tur leal di Dios?
23 Pesei laga nos mantene nos pensamentonan fiha riba e futuro grandioso cu ta warda tur Yehova su lealnan. Door di haci esei, nos tin e prospecto maraviyoso di ser conta den esnan cu lo halsa, bendiciona y alaba Yehova “tur dia” y “pa semper.” (Salmo 145:1, 2) Pesei, laga nos ‘conserva nos mes den e amor di Dios cu anticipacion di bida eterno.’ (Hudas 20, 21) Segun cu nos ta sigui beneficia di e cualidadnan maraviyoso di nos Tata celestial, incluso e gran bondad amoroso cu e ta desplega pa cu esnan cu ta stim’e, laga nos sintimentonan semper ta manera esnan cu David a expresa den e palabranan final di Salmo 145: “Mi boca lo papia di e alabansa di SEÑOR; y tur carni lo bendiciona su nomber santo pa semper y semper.”
Con Lo Bo Contesta?
• Con Salmo 145 ta yuda nos reconoce e lealnan di Dios?
• Con Yehova ta ‘satisface e deseo di tur ser bibo’?
• Pakico nos tin cu hala mas serca Yehova?
[Preguntanan di Estudio]
[Plachi na pagina 16]
E lealnan di Dios ta papia gustosamente di su actonan poderoso
[Plachi na pagina 17]
Cu curashi Yehova su sirbidonan ta yuda hende cu no ta creyente ainda pa siña tocante e gloria di su reino
[Plachi na pagina 18]
Yehova ta percura cuminda pa “tur ser bibo”
[Reconocemento]
Animalnan: Parque de la Naturaleza de Cabárceno
[Plachi na pagina 19]
Yehova ta duna forsa y guia na su lealnan cu ta busca su yudansa den oracion