Fe Por Cura Hende Enfermo?

ORA nos ta malo, nos ta busca cura. Probablemente, bo sa cu Bijbel ta bisa cu na varios ocasion Hesucristo a cura tur sorto di enfermedad y a trece alivio pa hopi hende cu tawata sufri. Con el a efectua e curacionnan ei? Bijbel ta bisa cu esei tawata ‘cu poder di Dios.’ (Lucas 9:42, 43, NW; Echonan 19:11, 12) Cu otro palabra, ta e spirito santo di Dios a causa e curacionnan; no djis e fe di e personanan en cuestion. (Echonan 28:7-9) Pa e motibo ei Hesus no a exigi pa hende enfermo expresa nan fe den dje pa nan a cura.

Kisas bo ta puntra: ‘No tin curacion milagroso mas? Of e tipo di curacionnan cu Hesus a efectua lo tuma luga algun dia atrobe? Ki speransa tin pa esnan cu ta sufriendo di un enfermedad doloroso of incurabel?’

Bijbel ta splica cu den Dios su mundo nobo di husticia, e poder di Dios lo bolbe causa e tipo di curacionnan milagroso cu Hesus a efectua tempo cu e tawata riba tera. Gustosamente, Testigonan di Yehova den bo bicindario lo mustra bo con y na ki tempo Dios lo realisa loke ningun sanado di fe hamas lo por haci, esta, elimina tur malesa y tambe morto. Si, Dios “lo traga morto pa semper.”—Isaias 25:8.