Bo Ta Corda?

Bo a disfruta di e edicionnan resien di E Toren di Vigilancia? Wel, wak si bo por contesta e siguiente preguntanan:

• Kico e Poliglota Complutense tawata, y dicon e tawata importante?

E tawata un Bijbel multilingue cu nan a imprimi. El a contene e miho texto cu tawatin disponibel e tempo ei na Hebreo, Griego y Latin, hunto cu algun pasashi na Arameo, cada un den columnanan paralelo banda di otro. E Bijbel Poliglota of multilingue aki tawata un adelanto grandi den produci un texto mas exacto di e idiomanan original.—15/4, pagina 28-31.

• Con hende por haci Dios contento?

Como un persona bibo y real, Yehova por pensa y actua y e tin sintimento. E ta “e Dios felis” y e tin deleite den cumpli cu su proposito. (1 Timoteo 1:11, NW; Salmo 104:31) Mas nos siña conoce Dios su sintimentonan, mas conciente nos lo bira di loke nos por haci pa alegra su curason.—15/5, pagina 4-7.

• Dicon David a permiti pa su casa Mical tin un idolo of imagen di terafin?

Ora cu Rei Saul a traha un complot pa mata David, Mical a yud’e scapa door di pone un imagen riba cama cu aparentemente tawatin forma di un hende. Mical kisas tawatin un imagen di terafin pasobra su curason no tawata completo pa cu Dios. Podise David no tawata sa tocante e imagen di terafin of el a permitie pasobra Mical tawata yiu mohe di Rei Saul. (1 Cronicanan 16:25, 26)—1/6, pagina 29.

• Dios su decretonan tocante sanger a dirigi atencion na cua berdad basico?

Mediante loke Dios a declara despues di Dilubio, den e Lei di Moises y den e decreto cu tin na Echonan 15:28 y 29, el a dirigi atencion na e sacrificio cu a encera Hesus su sanger drama. Ta solamente pa medio di e sanger ei nos por haya pordon y tin pas cu Dios. (Colosensenan 1:20, NW)—15/6, pagina 14-19.

• Cuanto milager di Hesus Bijbel ta menciona?

E Evangelionan ta referi na 35 milager di Hesus. Pero, e cantidad exacto di milager cu Hesus a haci, entre nan esnan cu no ta ser menciona, Bijbel no ta revela. (Mateo 14:14)—15/7, pagina 5.