Profecianan Principal di Bijbel Ta Señala na Cristo
Profecianan Principal di Bijbel Ta Señala na Cristo
“E testimonio di Hesus ta e spirito di profecia.”—REVELACION 19:10.
1, 2. (a) Cuminsando na aña 29 di nos era, ki decision Israel mester a tuma? (b) Kico nos lo considera den e articulo aki?
TAWATA aña 29 di nos era. E habitantenan di Israel tawata papia cu entusiasmo tocante e Mesias priminti. E ministerio di Huan Bautista a crea gran expectativa. (Lucas 3:15) Huan mes a nenga di ta e Cristo. Mas bien, mustrando riba Hesus di Nazaret, el a bisa: “[Mi] a duna testimonio cu esaki ta e Yiu di Dios.” (Huan 1:20, 34) No a tarda mucho cu multitud di hende a cuminsa sigui Hesus pa scucha su siñansa y haya curacion serca dje.
2 Den e lunanan cu a sigui, Yehova a duna bastante evidencia tocante su Yiu. E Hudiunan cu a studia e Scritura y cu a observa e obranan di Hesus tawatin un base solido pa nan pone fe den dje. Ma net e pueblo aki cu tawatin un pacto cu Dios, por lo general a mustra un falta di fe. Masha poco di nan a reconoce cu Hesus ta e Cristo, Yiu di Dios. (Huan 6:60-69) Kico abo lo a haci si bo tawata biba den e tempo ei? Lo bo a sinti bo motiva pa acepta Hesus como e Mesias y bira su fiel siguido? Ban considera e evidencia cu Hesus mes a duna tocante su identidad ora nan a acus’e di ta kibra sabat, y tuma nota tambe di e pruebanan cu el a duna despues pa fortalece e fe di su disipelnan fiel.
Hesus Mes A Duna e Evidencia
3. Ki circunstancianan a obliga Hesus na duna evidencia di ken e tawata?
3 Tawata tempo di Pasco Hudiu na aña 31 di nos era. Hesus tawata na Herusalem. El a Huan 5:1-9, 16-18) Hesus a defende su mes presentando tres argumento poderoso cu lo a combence cualkier Hudiu di curason honrado ken realmente e tawata.
caba di cura un homber cu tawata malo pa 38 aña. Ma e Hudiunan a persigui Hesus pasobra el a haci esaki riba sabat. Tambe nan a acus’e di blasfemia y a busca manera di mat’e pasobra el a yama Dios su Tata. (4, 5. Kico tawata e proposito di Huan su ministerio, y con bon el a cumpli cu ne?
4 Na prome luga, Hesus a señala na e testimonio di esun cu a bai dilanti dje, esta, Huan Bautista, bisando: “Boso a manda mensahero serca Huan, y el a duna testimonio di e berdad. E tawata e lampi cu tawata sendi y cu tawata lusa, y pa un tempo boso tawata kier regociha den su lus.”—Huan 5:33, 35.
5 Prome cu Herodes a encarsela Huan Bautista inhustamente, Huan den un sentido tawata manera un “lampi cu tawata sendi y cu tawata lusa”, ya cu el a cumpli cu e asignacion cu Dios a dun’e pa prepara e caminda pa e Mesias. Huan a bisa: “Pa e [Mesias] por wordo manifesta na Israel, mi a bin ta batisa cu awa. . . . Mi a mira e spirito ta baha for di shelo manera un paloma, y el a keda riba dje. Mi no tawata conoc’e, ma Esun cu a manda mi batisa cu awa a bisa mi: ‘Esun cu bo mira e spirito baha y keda riba dje, ta esaki ta esun cu ta batisa cu spirito santo.’ Y mi a mira y a duna testimonio cu esaki ta e Yiu di Dios.” * (Huan 1:26-37) Huan spesificamente a identifica Hesus como e Yiu di Dios, esta, e Mesias priminti. Huan su testimonio tawata asina combencente cu un ocho luna despues di su morto, hopi Hudiu di curason honrado a confesa: “Tur e cosnan cu Huan a bisa di e homber aki tawata berdad.”—Huan 10:41, 42.
6. Pakico e obranan di Hesus lo mester a combence e hendenan cu e tawatin e respaldo di Dios?
6 Siguientemente, Hesus a uza un otro argumento pa confirma su credencialnan como e Mesias. El a señala na su mes obranan excelente como evidencia di cu e tawatin e respaldo di Dios, bisando: “E testimonio cu mi tin ta mas grandi cu esun di Huan, pasobra e obranan cu e Tata a duna mi pa cumpli cu ne, e mesun obranan cu mi ta haci, ta duna testimonio di mi cu ta e Tata a manda mi.” (Huan 5:36) Ni Hesus su enemigonan no por a nenga e evidencia aki, cu a inclui masha hopi milager. Un par di nan a puntra despues: “Kico nos ta haci? Pasobra e homber aki ta haci hopi milager.” (Huan 11:47) Sinembargo, algun a reacciona faborablemente y a puntra: “Ora cu e Cristo bin, lo e haci mas milager cu esnan cu e homber aki ta haci?” (Huan 7:31) E hendenan cu a scucha Hesus tawata den un bon posicion pa ripara e cualidadnan di e Tata den e Yiu.—Huan 14:9.
7. Con e Scritura Hebreo ta duna testimonio tocante Hesus?
7 Finalmente, Hesus a hala atencion na un testimonio irefutabel. El a bisa: “E Scrituranan . . . ta duna testimonio di mi.” Anto el agrega: “Si boso a kere Moises, boso lo a kere mi; pasobra el a skirbi di mi.” (Huan 5:39, 46) Naturalmente, Moises tawata djis un di e tantisimo testigonan precristian cu a skirbi tocante Cristo. Y loke nan a skirbi a inclui cientos di profecia y genealogia detaya cu a señala na e Mesias. (Lucas 3:23-38; 24:44-46; Echonan 10:43) Y kico di e Lei di Moises? Apostel Pablo a skirbi cu e “Lei a bira nos tutor pa guia nos na Cristo.” (Galationan 3:24) Si, “e testimonio di Hesus ta e spirito [of, henter e inclinacion, intencion y proposito] di profecia.”—Revelacion 19:10.
8. Pakico hopi Hudiu no a pone fe den e Mesias?
8 Tur e evidencianan aki—Huan su testimonio bon cla, Hesus su mes obranan Huan 5:42) En bes di “busca e gloria cu ta bin for di e unico Dios”, nan tawata “ricibi gloria un for di otro.” No ta nada straño anto cu nan no tawata di acuerdo cu Hesus, kende, mescos cu su Tata, ta odia tal manera di pensa!—Huan 5:43, 44; Echonan 12:21-23.
poderoso y su cualidadnan cu ta refleha esnan di Dios y tambe e testimonio hopi amplio di e Scritura—lo no a combence bo cu Hesus tawata e Mesias? Ken cu tawatin un berdadero amor pa Dios y pa su Palabra lo a mira esaki mesora y eherce fe den Hesus como e Mesias priminti. Sinembargo, basicamente no tawatin e tipo di amor ei den Israel. Hesus a bisa su opositornan: “Mi conoce boso, cu boso no tin e amor di Dios den boso mes.” (Un Vision Profetico A Fortalece Nan
9, 10. (a) Pakico e señal cu Hesus a duna su disipelnan a yega na un momento oportuno? (b) Ki promesa remarcabel Hesus a haci na su disipelnan?
9 A pasa mas cu un aña desde cu Hesus a duna e prueba menciona anteriormente di cu e ta e Mesias. E Pasco di aña 32 a yega te pasa bai. Hopi hende cu tawata kere den Hesus a stop di siguie, podise pa motibo di persecucion, materialismo of e precupacionnan di bida. Algun kisas a keda confundi of desapunta pasobra Hesus a rechasa e esfuersonan di e pueblo pa hacie rei. Ora e lidernan religioso Hudiu a cuestiona su autoridad, el a nenga di duna un señal di shelo pa glorifica su mes. (Mateo 12:38, 39) Esaki lo a straña algun hende. Ademas, Hesus a cuminsa revela algo na su disipelnan cu nan a haya masha dificil pa compronde, esta, cu “e mester bai Herusalem, y sufri hopi cos na man di e ancianonan y sacerdotenan principal y escribanan, y wordo mata.”—Mateo 16:21-23.
10 Tawata falta apenas nuebe pa dies luna pa Hesus “a laga e mundo aki y bai serca e Tata.” (Huan 13:1) Profundamente precupa pa su disipelnan leal, Hesus a priminti algun di nan net loke el a nenga e Hudiunan sin fe—un señal for di shelo. El a bisa: “Di berdad mi ta bisa boso, tin algun di esnan cu ta para akinan cu lo no experencia morto prome cu nan mira e Yiu di hende bin den su reino.” (Mateo 16:28) Ta obvio cu aki Hesus no tawata kiermen cu algun di su disipelnan lo a biba te dia e Reino Mesianico ser estableci na 1914. Loke Hesus tawatin na mente tawata pa duna tres di su disipelnan intimo un bista adelanta di su gloria den poder di Reino. E vision espectacular aki yama e transfiguracion.
11. Describi e vision di e transfiguracion.
11 Seis dia despues, Hesus a bai cu Pedro, Santiago y Huan riba un sero halto, probablemente riba un di e topnan di Sero Hermon. Ei, Hesus a “transfigura nan dilanti; y su cara tawata briya manera solo, y su pañanan a bira mes blanco cu lus.” E profetanan Moises y Elias tambe a aparece, y tawata papia cu Hesus. E suseso asombroso aki probablemente a tuma luga anochi, y esei a hacie mas impactante ainda. De echo, e tawata asina Mateo 17:1-6.
real cu Pedro a ofrece pa lanta tres tent of tabernakel—un pa Hesus, un pa Moises y un pa Elias. Mientras cu Pedro tawata papiando, sombra di un nubia briyante a tapa nan y un bos for di e nubia a bisa: “Esaki ta mi Yiu stima, den kende mi tin goso; tende na dje!”—12, 13. Ki impacto e vision di e transfiguracion tawatin riba e disipelnan di Hesus, y pakico?
12 Ta berdad cu un poco mas prome Pedro a bisa cu Hesus ta “e Cristo, Yiu di e Dios bibo.” (Mateo 16:16) Pero imagina bo ta tende Dios mes duna su testimonio, confirmando e identidad y papel di su Yiu ungi! E vision di e transfiguracion sigur tawata un experencia cu a fortalece e fe di Pedro, Santiago y Huan! Cu un fe mucho mas fuerte awor, nan tawata miho prepara pa loke tawata spera nan y pa e papel importante cu nan lo hunga den e futuro congregacion.
13 E transfiguracion a laga un impresion duradero riba e disipelnan. Mas cu 30 aña despues, Pedro a skirbi: “[Hesus] a ricibi honor y gloria di Dios Tata, un bos manera esaki a wordo dirigi na dje door di e gloria mahestuoso: ‘Esaki ta mi yiu stima, den kende mi tin mi goso’—y nos mes a tende e bos aki bin for di shelo, ora nos tawata hunto cu ne riba e sero santo.” (2 Pedro 1:17, 18) Huan tambe a keda impresiona cu e suseso aki. Mas cu 60 aña despues cu el a tuma luga, el a referi aparentemente na dje cu e palabranan: “Nos a mira su gloria, gloria manera di e unigenito di e Tata.” (Huan 1:14) Sinembargo, e transfiguracion no ta e ultimo vision cu e siguidonan di Hesus a haya.
Mas Comprondemento pa Dios Su Sirbidonan Leal
14, 15. Den ki sentido apostel Huan mester a keda te ora Hesus a bin?
14 Despues cu Hesus a resusita, el a aparece na su disipelnan na Lama di Galilea. Ei el a bisa Pedro: “Si mi kier pa [Huan] keda te ora mi bin, ta bo asunto esei?” (Huan 21:1, 20-22, 24) Acaso e palabranan aki ta indica cu apostel Huan lo a biba mas cu e otro apostelnan? Ta parce cu si pasobra Huan a sirbi Yehova fielmente pa casi 70 aña mas. Sinembargo, Hesus tawata kiermen mas cu esei.
15 E expresion “te ora mi bin” ta pone nos corda riba Hesus su referencia na ‘e Yiu di hende biniendo den su reino.’ (Mateo 16:28) Huan a keda te ora Hesus a bini den sentido cu despues Huan a haya un vision profetico di Hesus biniendo como Gobernante di e Reino. Ora Huan tawata yegando na fin di su bida, tempo cu e tawata den exilio riba e isla di Patmos, el a ricibi e Revelacion cu tur su señalnan profetico asombroso di susesonan cu mester a tuma luga durante “e dia di Señor.” E visionnan espectacular aki a conmove Huan asina profundamente cu ora Hesus a bisa, “Si, mi ta bin pronto”, Huan a responde mesora: “Amen. Bin, Señor Hesus.”—Revelacion 1:1, 10; 22:20.
16. Pakico ta importante pa nos sigui fortalece nos fe?
16 E hendenan di curason honrado cu tawata biba den prome siglo a acepta Hesus como Mesias y a pone fe den dje. En bista di e gran falta di fe cu a reina rond di nan, y debi na e trabou cu nan tawatin cu haci, y e
pruebanan cu tawatin nan dilanti, tawata necesario pa fortifica nan fe. Hesus a duna prueba amplio di cu e tawata e Mesias y el a duna visionnan profetico instructivo cu tawata un estimulo pa su siguidonan leal. Awe, nos ta hopi leu den “e dia di Señor.” Pronto, Cristo lo destrui henter e mundo malbado di Satanas y libra e pueblo di Dios. Nos tambe tin cu fortifica nos fe door di probecha plenamente di tur loke Yehova a suministra pa nos bienestar spiritual.Proteha Atrabes di Scuridad y Tribulacion
17, 18. Ki contraste skerpi a existi den prome siglo entre e siguidonan di Hesus y hende cu a opone e proposito di Dios, y kico tawata e resultado final pa cada grupo?
17 Despues di Hesus su morto, su disipelnan yen di curashi a obedece su mandamento pa duna testimonio di dje “na Herusalem y na henter Hudea y Samaria, y te na e parti mas aleha di mundo.” (Echonan 1:8) Apesar di e ola di persecucion, Yehova a bendiciona e congregacion cristian resien forma cu iluminacion spiritual y cu hopi disipel nobo.—Echonan 2:47; 4:1-31; 8:1-8.
18 Di otro banda, e futuro di hende cu a opone e bon nobo tawata birando mas y mas scur. Proverbionan 4:19 ta bisa: “Caminda di e malbado ta manera scuridad; nan no sa riba kico nan ta trompica.” E “scuridad” a bira mas intenso na aña 66 di nos era ora forsanan Romano a rondona Herusalem. Despues cu nan a retira temporalmente sin ningun aparente motibo, e Romanonan a bini bek na aña 70, y e biaha aki si nan a destrui e stad. Segun e historiado Hudiu Yosefo, mas cu un miyon Hudiu a perde nan bida. Sinembargo, e cristiannan fiel a scapa. Con bin? Pasobra ora e Romanonan a retira nan trupanan e prome biaha, nan a obedece Hesus su mandamento pa hui.—Lucas 21:20-22.
19, 20. (a) Dicon e pueblo di Dios no tin motibo pa tene miedo segun cu e mundo aki ta yegando su fin? (b) Ki comprondemento remarcabel Yehova a duna su pueblo den e decadanan prome cu 1914?
19 Awe nos ta den un situacion similar. E benidero gran tribulacion lo nifica fin di henter e mundo malbado di Satanas. Pero e pueblo di Dios no tin motibo pa tene miedo, pasobra Hesus a priminti: “Mi ta cu boso semper, te na fin di mundo.” (Mateo 28:20) Pa Hesus por a fortalece e fe di su prome disipelnan y tambe prepara nan pa loke tawatin den futuro, el a duna nan un bista adelanta di su gloria celestial como Rei Mesianico. Kico di nos awe? Na 1914, e vision ei a bira un realidad. Y esei sigur a fortalece e fe di e pueblo di Dios! E ta encera e promesa di un futuro maraviyoso y Yehova su sirbidonan a haya un comprondemento progresivo di e Reino Mesianico ei. Meimei di e scuridad creciente di e mundo aki, “e berea di e husto ta manera lus di aurora, cu ta briya mas y mas te ora cu bira di dia cla.”—Proverbionan 4:18.
20 Asta prome cu 1914, un grupo chikito di cristian ungi a cuminsa compronde berdadnan importante tocante e regreso di Señor. Por ehempel, nan a discerni cu Hesus lo a bini bek na un manera invisibel, y nan a conclui esei for di e palabranan di e dos angelnan cu a aparece na aña 33 na e disipelnan na momento cu Hesus tawata subiendo na Echonan 1:9-11.
shelo. Despues cu un nubia a kita Hesus for di bista di su disipelnan, e angelnan a bisa: “E Hesus aki, kende a wordo tuma for di boso na shelo, lo bolbe di e mesun manera cu boso a mir’e ta bai shelo.”—21. Kico nos lo considera den e siguiente articulo?
21 Ta Hesus su siguidonan leal so a mir’e bai. Mescos cu e transfiguracion, no tawatin un manifestacion publico; mundo en general no tawata sa mes kico a sosode. Mescos lo a tuma luga ora Cristo regresa den poder di Reino. (Huan 14:19) Ta su fiel disipelnan ungi so lo a discerni cu e tawata presente como rei. Den e siguiente articulo nos lo mira ki efecto profundo e comprondemento ei tawatin riba nan, locual a culmina den e recohemento di miyones di persona cu lo a bira subdito di Hesus riba tera.—Revelacion 7:9, 14.
[Nota]
^ par. 5 Tur cos ta indica cu na e bautismo di Hesus, ta Huan so a tende e bos di Yehova. E Hudiunan cu Hesus a papia cu ne “no a tende [Dios] su bos nunca, ni a mira su forma.”—Huan 5:37.
Bo Ta Corda?
• Ora nan a acusa Hesus di ta kibra sabat y di ta blasfema, ki evidencia el a duna pa mustra cu e tawata e Mesias?
• Con e prome disipelnan di Hesus a beneficia di e transfiguracion?
• Kico Hesus tawata kiermen ora el a bisa cu Huan lo a keda te ora el a bin?
• Na 1914, ki vision a bira realidad?
[Preguntanan di Estudio]
[Plachi na pagina 10]
Hesus a presenta evidencia cu e tawata e Mesias
[Plachi na pagina 12]
E vision di e transfiguracion a fortalece fe di e disipelnan
[Plachi na pagina 13]
Huan mester a keda te ora Hesus “bin”