Bon Conducta Ta “Dorna e Doctrina di Dios”

MARIA, un hobensita di Kransnoyarsk, Rusia, ta canta asina bon cu su maestra a hinc’e den e koor di scol. Un poco despues di esei, cu masha respet Maria a acerca un di su maestranan y a splic’e cu e no por canta cierto canticanan. Dicon no? Pasobra canta canticanan cu conotacion religioso ta na conflicto cu su conviccionnan basa riba Bijbel. Sorprendi, e maestra a puntra: ‘Pero kico di malo por tin den glorifica Dios cu un cantica?’

Pa Maria mustr’e dicon lo e nenga di canta un cantica tocante un Dios cu ta consisti di tres dibino persona, Maria a habri su Bijbel y a splic’e cu Dios y Hesucristo no ta un solo Dios y cu e spirito santo ta Dios su forsa activo. (Mateo 26:39; Huan 14:28; Echonan 4:31) Maria a conta: “Esaki no a afecta mi relacion cu e maestra. Por lo general nos tin masha bon maestro na nos scol. Nan kier pa nos ta nos mes.”

Atrabes di e aña escolar, e posicion cu Maria a tuma a pone cu el a gana respet di tanto e maestronan como di e hobennan den su klas. Maria a bisa: “Principionan di Bijbel ta yuda mi den mi bida. Na fin di e aña escolar, mi a ricibi un premio pa honestidad y pasobra mi cosnan semper ta na ordo. Anto mi mayornan a ricibi un carta oficial di gradicimento pasobra nan a duna nan yiu mohe un bon educacion.”

Maria a batisa dia 18 di augustus 2001. El a bisa: “Mi ta contento cu mi por sirbi un Dios asina maraviyoso manera Yehova!” Rond mundo hobennan Testigo di Yehova ta cumpli cu e palabranan di Tito 2:10, cu ta bisa: “Dorna e doctrina di Dios nos Salbador den tur cos.”

[Plachi na pagina 32]

Maria cu su mayornan despues di su bautismo

[Plachi na pagina 32]

Carta di aprecio y certificado di merito