Un Evento pa Recorda

CUA evento esei ta? Esei ta morto di un homber cu a muri casi 2.000 aña pasa. El a bisa: “Mi ta duna mi bida pa mi bolbe tum’e. Ni un hende no ta kit’e for di mi, ma di mi mes mi ta entreg’e.” (Huan 10:17, 18) E homber ei tawata Hesucristo.

Hesus a instrui su siguidonan pa conmemora su morto sacrificial. E ocasion aki ta ser yama tambe “e Cena di Señor.” (1 Corintionan 11:20) Testigonan di Yehova y nan amigonan lo celebra e Memorial cu Hesus a institui pa conmemora su morto riba diahuebs 24 di maart 2005, despues cu solo baha.

Un discurso basa riba Bijbel lo splica e nificacion di e pan sin zuurdeeg y e biña cora cu ta ser uza pa e ocasion aki. (Mateo 26:26-28) Ademas, e discurso lo contesta preguntanan manera: Cada cuanto tempo Cristiannan mester conmemora e evento aki? Ken por tuma for di e emblemanan, esta, e pan y e biña? Ken ta beneficia for di Hesus su morto? E celebracion importante aki lo yuda tur hende compronde e proposito di Hesus su bida y morto.

Lo bo ricibi un caluroso bonbini na e Conmemoracion di Hesus su morto. Por fabor, check cu Testigonan di Yehova den bo bicindario pa bo haya sa e ora y luga exacto caminda e reunion aki lo tuma luga.