Con Exacto Historia Biblico Ta?

CHAIM HERZOG, expresidente di e Estado di Israel, y Mordechai Gichon, profesor emerito di arkeologia na Universidad di Tel Aviv, ta bisa lo siguiente den nan buki Battles of the Bible (Batayanan di Bijbel):

“Descripcion di e tacticanan di combate di e batayanan di Bijbel ... no por ta cos cu hende a inventa. Loke ta proba esei fuera di tur duda ta por ehempel si haci un comparacion entre e campaña di Gideon contra e Madianitanan y nan aliadonan, segun e relato den Huesnan 6-8, y e batayanan di e Guera di Troya cu Homero a describi den su obra Iliada. Pa e obra di Homero, cualkier costa accesibel y un stad fortifica no mucho leu lo a sirbi como un bon esena geografico ... Pero esei no ta e caso cu e relato biblico di e campaña di Gideon. E descripcionnan detaya di tacticanan di combate y di encuentronan, basa riba e relacion entre rasgonan spesifico di e terenonan y e accionnan di tanto amigo y enemigo—riba un escenario di guera cu tawata un 60 kilometer largo—simplemente no por ser reproduci ningun caminda ... Pues practicamente nos ta ser obliga na acepta cu e naracion di e tacticanan di combate di e batayanan manera Bijbel ta describi, ta veridico.”

Podise bo por studia Gideon su campaña door di uza e mapa riba pagina 18 y 19 den e foyeto estilo atlas “Mira e Tera Bunita.” * E relato ta cuminsa ora “tur e Madianitanan y e Amalekitanan y e yiu hombernan di oriente a reuni; y nan a crusa pasa y a campa den e Vaye di Jezreel.” Gideon a pidi e tribunan den bicindario pa bin yud’e. E susesonan a tuma luga for di e fuente di Harod te na e Sero di More, y despues mas abou den e Vaye di Yordan. Despues cu Gideon a crusa Yordan persiguiendo su enemigonan, el a domina nan.—Huesnan 6:33–8:12.

E mapa den “Mira e Tera Bunita” ta mustra e sitionan principal cu ta ser menciona y e caracteristicanan di e terenonan envolvi. Un otro mapa (pagina 15) ta identifica e teritorionan di e tribunan di Israel. E dos mapanan aki por yuda bo mira con exacto e relato di Bijbel ta.

Esaki ta ilustra e comentario di defunto profesor Yohanan Aharoni: “Den caso di e tera di Bijbel, tin un conexion asina estrecho entre geografia y historia cu realmente bo no por compronde ni un di dos sin yudansa di e otro.”

[Nota]

[Reconocemento pa Potret na pagina 32]

Mapa den background: Basa riba mapanan cu permit di Pictorial Archive (Near Eastern History) Est. and Survey of Israel