“Persigui pa Causa di Su Fe”
“Persigui pa Causa di Su Fe”
E STAD Cernobbio den e parti nort di Italia a establece un area conmemorativo den un parke local pa recorda personanan cu a bira victima di violacion di derechonan humano. Un di e plakkaatnan cu nan a desvela na e sitio aki ta dedica na Narciso Riet. Su mayornan tawata Italiano y el a nace na Alemania y a bira Testigo di Yehova durante e decada di 1930. Durante e regimen di Hitler, Testigonan di Yehova a ser persigui pasobra nan a nenga di halsa Hitler riba e Dios berdadero, Yehova.
Ora Gestapo a descubri cu Riet tawata yuda pa E Toren di Vigilancia drenta den camponan di consentracion, el a hui bai Cernobbio. Einan nan a pidie pa traduci E Toren di Vigilancia na Italiano y distribui e entre su compañeronan di fe den bicindario. Nan a descubri su actividad energico. Un funcionario di SS hunto cu su hombernan a haci un inval den cas di Riet, arest’e y a confisca e evidencia “criminal”—dos Bijbel y algun carta! Nan a deporta Riet pa Alemania, encarsel’e den e campo di consentracion Dachau, y a ehecut’e un poco prome cu Segundo Guera Mundial a termina. El a ser “persigui pa causa di su fe”, e plakkaat na Cernobbio ta bisa.
E fe di Narciso Riet y di centenares di otro Testigo di Yehova cu a bira victima di persecucion nazi ta un animacion pa cristiannan djawe keda fiel na Yehova, e unico Personahe den universo cu ta merece nan adoracion. (Revelacion 4:11) Hesus a bisa: “Bendiciona ta esnan cu ta wordo persigui pa causa di husticia.” Dios lo corda nan echonan y recompensa e curashi cu nan a demostra.—Mateo 5:10; Hebreonan 6:10.