Admiracion pa Nan Interes den Bijbel

MARIANNA, un Testigo di Yehova den sur di Italia, tin 18 aña di edad y ta den su ultimo aña di scol secundario. E ta asisti na e mesun scol cu algun otro Testigo hoben.

Marianna a skirbi: “Pa un par di aña caba, algun di nos ta lesa e texto di Bijbel di dia for di Eksaminando e Skritura Diariamente den pauze. E unico luga cu nos por a haci esei tawata den un di e gangnan banda di e koffiekamer di e maestronan. E gang no tawata un luga mucho keto. Mayoria di e maestronan tawata mira nos ora nan tawata pasa, y algun tawata para pa mira kico nos tawata haciendo. Hopi bes esaki a duna nos oportunidad pa contesta nan preguntanan. Como promedio, tur dia un maestro tawata para un rato serca nos. Varios di nan a yega di keda pa scucha nos consideracion di e texto di Bijbel y a expresa nan admiracion pa e interes cu nos como Testigo tin den cosnan spiritual. Un biaha, e asistent di e cabes di scol a invita nos pa tene e consideracion den e koffiekamer.

Despues cu mi maestro a mira unda nos tawata considera e texto, el a puntra e cabes di scol si nos por a consider’e den un di e klasnan, caminda lo tawata mas keto. E cabes di scol a duna permit, y mi maestro a elogia nos dilanti henter e klas pa e bon ehempel cu nos ta pone. Nos tur ta masha contento pa e gran privilegio cu Yehova a duna nos.”