Lo Bo Refleha e Gloria di Dios?
Lo Bo Refleha e Gloria di Dios?
“Nos ... ta refleha manera spiel e gloria di Yehova.”—2 CORINTIONAN 3:18, NW.
1. Kico Moises a mira, y kico a pasa despues?
TAWATA un di e visionnan di mas impresionante cu cualkier hende a yega di experencia. Mientras cu Moises tawata su so te den halto aya riba Sero Sinai, Dios a cumpli cu un peticion inusual cu Moises a haci. E tawatin mag di mira loke ningun hende a yega di mira—e gloria di Yehova. Ta mas cu claro cu Moises no a mira Yehova directamente. Dios su aparencia ta asina glorioso cu ningun hende por mir’e y keda na bida. Yehova mas bien a tapa Moises cu su “man” como proteccion te ora cu El a caba di pasa, evidentemente uzando un representante angelical. Caba el a permiti Moises mira e resplandor cu a keda atras despues di e manifestacion divino aki di gloria. Tambe Yehova a papia cu Moises mediante un angel. Bijbel ta describi loke a pasa despues: “A sosode cu ora Moises tawata baha for di Sero Sinai ... e cutis di su cara tawata briya pa motibo cu el a papia cu SEÑOR.”—Exodo 33:18–34:7, 29.
2. Kico apostel Pablo a skirbi tocante e gloria cu cristiannan ta refleha?
2 Imagina bo riba e sero ei hunto cu Moises. Ki emocionante lo tawata pa mira e splendor briyante di e Todopoderoso y scucha su palabranan! Lo tawata ki un gran privilegio di por baha for di Sero Sinai hunto cu Moises, e mediado di e pacto of aliansa di Lei! Pero bo tawata sa cu cristiannan berdadero ta refleha e gloria di Dios den algun manera cu ta surpasa asta e manera cu Moises a refleh’e? E detaye masha interesante ei nos ta haya den un carta di apostel Pablo. El a skirbi cu cristiannan ungi “ta refleha manera spiel e gloria di Yehova.” (2 Corintionan 3:7, 8, 18, NW) Den un sentido, cristiannan cu tin e speransa di biba riba tera tambe ta refleha e gloria di Dios.
Con Cristiannan Ta Refleha e Gloria di Dios
3. Con nos a siña conoce Yehova den maneranan cu Moises no por a conoc’e?
3 Con ta posibel cu nos por refleha e gloria di Dios? Nos no a mira ni tende Yehova den e manera cu Moises si a mir’e y tend’e. Sinembargo, nos a siña conoce Yehova den maneranan cu Moises no tawata por. Hesus a presenta como e Mesias casi 1.500 aña despues cu Moises a muri. Consecuentemente, Moises no por tawata sa cu e Lei lo a cumpli den Hesus, kende a muri pa libra hende for di e opresion teribel causa pa pica y morto. (Romanonan 5:20, 21; Galationan 3:19) Ademas, ta na un manera limita so Moises por a mira con magnifico Yehova su proposito tawata, un proposito cu a enfoca riba e Reino Mesianico y e Paradijs terenal cu esaki lo trece. Pues, nos ta mira e gloria di Yehova, no cu nos wowo literal, sino cu nos wowo di fe basa riba e siñansanan di Bijbel. Ademas, nos a tende Yehova su bos, no mediante un angel, sino via Bijbel, specialmente e Evangelionan, cu na un manera masha bunita ta describi e siñansanan y ministerio di Hesus.
4. (a) Con cristiannan ungi ta refleha e gloria di Dios? (b) Den ki maneranan cristiannan cu tin e speransa terenal ta refleha e gloria di Dios?
4 Aunke cristiannan no ta refleha e gloria di Dios pa medio di briyo cu ta sali for di nan cara, nan caranan practicamente ta briya ora nan ta conta otro hende tocante Yehova su personalidad y propositonan glorioso. Relaciona cu nos tempo, profeta Isaias a predeci cu Isaias 66:19) Ademas, na 2 Corintionan 4:1 y 2, nos ta lesa: “Como cu nos tin e ministerio aki, ... nos a renuncia e cosnan scondi pa motibo di berguensa y no ta cana cu astucia ni ta uza e palabra di Dios cu engaño, ma pa medio di e manifestacion di berdad nos ta recomenda nos mes na e consenshi di tur hende den bista di Dios.” Pablo tawata referi particularmente na cristiannan ungi, kendenan ta “sirbidonan di un aliansa nobo.” (2 Corintionan 3:6) Pero nan ministerio tawatin un efecto riba masha hopi hende cu a haya e speransa di bida eterno riba tera. E ministerio di ambos grupo ta encera refleha e gloria di Yehova no solamente den loke nan ta siña otro hende sino tambe den e manera cu nan ta biba. Nos tin e responsabilidad y e privilegio di refleha manera spiel e gloria di e Dios Haltisimo!
e pueblo di Dios “lo declara [Yehova su] gloria meimei di e nacionnan.” (5. Nos prosperidad spiritual ta prueba di kico?
5 Awe, e glorioso bon nobo di e Reino di Dios ta ser predica den henter mundo, manera Hesus a profetisa. (Mateo 24:14) Personanan di tur nacion, tribu, pueblo y lenga a reacciona entusiasma riba e bon nobo y a transforma nan bida pa nan por haci e boluntad di Dios. (Romanonan 12:2; Revelacion 7:9) Mescos cu e prome cristiannan, nan no por stop di papia tocante e cosnan cu nan a mira y tende. (Echonan 4:20) Mas cu seis miyon persona, mas tanto cu na cualkier otro tempo den historia, ta refleha e gloria di Dios awe. Abo ta un di nan? E prosperidad spiritual di e pueblo di Dios ta duna prueba combencente cu nan tin Yehova su bendicion y proteccion. E echo cu Yehova su spirito ta riba nos ta asta mas bisto ainda si tuma na cuenta e forsanan poderoso cu tin contra nos. Laga nos mira ta dicon nos por bisa cu Yehova su spirito di berdad ta riba nos.
Nan Lo No Silencia e Pueblo di Dios
6. Dicon nos mester tin fe y curashi pa tuma un posicion na fabor di Yehova?
6 Supone cu bo a wordo yama pa bai testifica den corte contra un criminal sin escrupulo. Bo sa cu e criminal ei tin un organisacion poderoso y cu lo e uza tur loke e tin na su alcanse pa stroba bo di desenmascar’e. Pa bo testifica contra un criminal asina bo mester tin curashi y tambe confiansa cu autoridadnan lo proteha bo contra dje. Nos ta den un situacion similar. Ora nos ta duna testimonio tocante Yehova y su propositonan, nos ta testificando contra Satanas e Diabel, y ta desenmascar’e como un matado y un gañado cu ta gaña henter mundo. (Huan 8:44; Revelacion 12:9) Pa bo tuma un posicion na fabor di Yehova y contra e Diabel bo mester tin fe y curashi.
7. Cuanto influencia Satanas tin, y kico e ta purba haci?
7 Naturalmente, Yehova ta e Supremo. Su poder ta infinitamente superior cu esun di Satanas. Nos por tin sigur cu Yehova no solamente por proteha nos segun cu nos ta sirbie fielmente, sino tambe ta ansioso pa hacie. (2 Cronicanan 16:9) Sinembargo, Satanas ta prins of gobernante di tanto e demoñonan como di e mundo di humanidad aleha for di Dios. (Mateo 12:24, 26; Huan 14:30) Siendo cu Satanas ta limita na e bicindario di mundo y tin “gran furia”, e ta opone Yehova su sirbidonan amargamente y ta uza e mundo bou di su control pa purba sera boca di tur hende cu ta predica e bon nobo. (Revelacion 12:7-9, 12, 17) Con e ta haci esaki? E ta uza por lo menos tres manera.
8, 9. Con Satanas ta uza amor mal dirigi, y dicon nos mester scohe cu masha cuidou e personanan cu ken nos ta asocia?
8 Un manera cu Satanas ta purba distrae nos ta door di precupacionnan di bida. Hende den e ultimo dianan aki ta stimado di placa, stimado di nan mes y stimado di placer. Nan no ta stimado di Dios. (2 Timoteo 3:1-4) Door cu mayoria hende ta completamente absorba den e asuntonan di bida diario, nan ‘no ta haci caso’ di e bon nobo cu nos ta trece pa nan. Simplemente nan no ta interesa pa siña e berdad di Bijbel. (Mateo 24:37-39, NW) Nan actitud por contagia nos y pone nos baha nos actividad y bira floho of indiferente den sentido spiritual. Si nos permiti nos mes cultiva amor pa cosnan material y pa e placernan di bida, nos amor pa Dios lo fria.—Mateo 24:12.
9 Pa e motibo aki, cristiannan ta scohe cu masha cuidou e personanan cu ken nan ta asocia. Rei Salomon a skirbi: “Esun cu anda cu hende sabi lo ta sabi, ma un compañero di hende bobo lo sufri daño.” (Proverbionan 13:20) Laga nos “anda” cu esnan cu ta refleha e gloria di Dios. Anto esta dushi esei ta! Ora nos reuni hunto cu nos rumannan spiritual na nos reunionnan y na otro ocasion, nan amor, nan fe, nan goso y nan sabiduria ta anima nos. E tipo di asociacion saludabel ei ta fortalece nos determinacion pa persevera den nos ministerio.
10. Den ki maneranan Satanas a uza bofon contra hende cu ta refleha e gloria di Dios?
10 Un di dos manera cu Satanas ta purba stop tur cristian di refleha e gloria di Dios ta door di bofon. E tactica aki no mester ta un sorpresa pa nos. Durante Hesucristo su ministerio riba tera hende a haci bofon di dje, nan a harie y el a wordo chercha, maltrata y asta scupi. (Marco 5:40; Lucas 16:14; 18:32) E prome cristiannan tambe tawata e blanco di bofon. (Echonan 2:13; 17:32) Sirbidonan di Yehova di tempo moderno ta confronta mesun maltrato. Segun apostel Pedro, hende de echo lo clasifica nan como “profeta falso.” Pedro a profetisa: “Den e ultimo dianan bofonadonan lo bin cu nan bofon, siguiendo nan mes pasionnan, y bisando: ‘Unda e promesa di su binida ta? Pasobra ... tur cos ta keda mescos cu nan tawata for di principio di creacion.’” (2 Pedro 3:3, 4) Hende ta haci bofon di Dios su pueblo pasobra supuestamente nan lo no ta biba cu realidad di bida. E hendenan ei ta considera e normanan moral di Bijbel como ouderwets. Pa hopi di nan, e mensahe cu nos ta predica ta bobedad of locura. (1 Corintionan 1:18, 19) Como cristian, nos por haya nos cu bofon na scol, na trabou y tin biaha asta den e circulo di famia. Nos no ta laga esaki desanima nos pero ta sigui refleha e gloria di Dios mediante nos predicacion, sabiendo mescos cu Hesus, cu e Palabra di Dios ta berdad.—Huan 17:17.
11. Con Satanas a uza persecucion pa purba silencia cristiannan?
Mateo 24:9) Si, como Testigo di Yehova, nos ta confronta persecucion violento y cruel den hopi parti di tera. Nos sa cu hopi tempo pasa Yehova a profetisa cu lo desaroya odio, of enemistad, entre esnan cu ta sirbi Dios y esnan cu ta sirbi Satanas e Diabel. (Genesis 3:15) Nos sa tambe cu door di mantene integridad bou di prueba, nos ta duna testimonio cu Yehova su soberania universal ta esun legitimo. Teniendo esaki na mente por yuda nos keda fuerte asta bou di e circunstancianan di mas dificil. Si nos keda dicidido pa refleha e gloria di Dios lo no tin ningun persecucion cu por silencia nos pa semper.
11 Un di tres tactica cu Diabel ta uza den un intento pa silencia nos ta oposicion of persecucion. Hesus a bisa su siguidonan: “Nan lo entrega boso na tribulacion y lo mata boso, y tur nacion lo odia boso pa causa di mi nomber.” (12. Dicon nos mester alegra segun cu nos ta keda fiel apesar di Satanas su oposicion?
12 Bo ta resisti e atraccion di mundo y ta duna prueba di ta fiel apesar di bofon y oposicion? Si ta asina, bo tin motibo pa alegra. Hesus a sigura esnan cu lo a siguie: “Bendiciona boso ta ora cu hende insulta boso y persigui boso, y ta gaña tur clase di maldad riba boso pa mi causa. Regociha y sea contento, pasobra boso recompensa den shelo ta grandi; pasobra asina nan a persigui e profetanan cu tawata prome cu boso.” (Mateo 5:11, 12) Bo perseverancia ta duna prueba cu Yehova su spirito santo poderoso ta riba bo, y ta capasita bo pa refleha su gloria.—2 Corintionan 12:9.
Ta Yehova Ta Duna Perseverancia
13. Menciona un motibo principal pakico nos ta persevera den nos ministerio cristian.
13 Un motibo principal pakico nos ta persevera den e ministerio ta pasobra nos ta stima Yehova y ta un placer pa nos refleha su gloria. Hende tin e tendencia di imita personanan cu nan ta stima y respeta, y no tin ningun persona mas digno di imitacion cu Yehova Dios. Debi na su gran amor, el a manda su Yiu na tera pa duna testimonio di e berdad y pa libra humanidad obediente. (Huan 3:16; 18:37) Mescos cu Dios, nos tambe kier pa tur clase di hende bin na repentimento y haya salbacion; ta pesei nos ta predica na nan. (2 Pedro 3:9) E deseo aki, hunto cu nos determinacion pa imita Dios, ta motiva nos pa sigui persevera den refleha su gloria mediante nos ministerio.
14. Con Yehova ta fortifica nos pa persevera den nos ministerio?
14 Pero basicamente nos fortalesa pa persevera den e ministerio cristian ta bin di Yehova. E ta sostene nos y fortifica nos pa medio di Romanonan 15:5, NW; Santiago 1:5) Ademas, Yehova no ta permiti nos pasa den ningun prueba cu ta imposibel pa soporta. Si nos confia den Yehova, lo e provee e salida di manera cu nos por sigui refleha su gloria.—1 Corintionan 10:13.
su spirito, su organisacion y su Palabra, Bijbel. Yehova “ta suministra perseverancia” na esnan cu ta dispuesto pa refleha su gloria. E ta contesta nos oracionnan y ta duna nos e sabiduria pa trata cu prueba. (15. Kico ta yuda nos persevera?
15 Perseverancia den nos ministerio ta duna prueba cu Dios su spirito ta riba nos. Pensa riba e ilustracion aki: Supone cu un hende pidi bo parti un cierto tipo di pan, di cas pa cas, anto gratis. Bo ta haya e instruccion pa haci esaki riba bo propio gasto y den bo tempo liber. Ademas, despues di poco tempo bo ta haya sa cu eigenlijk ta masha tiki hende kier bo pan; tin hende asta lo bai contra di bo esfuerso pa parti e pan. Bo ta kere cu lo bo sigui cu e tarea ei luna den luna afo, aña den aña afo? Probablemente cu no. Sinembargo pa añanan, asta pa decadanan, podise bo a haci hopi esfuerso si pa declara e bon nobo den bo tempo liber y riba bo propio gasto. Dicon? No ta pasobra bo stima Yehova y pa medio di su spirito el a bendiciona bo esfuerso door di yuda bo persevera? Sigur cu si!
Un Obra Inolvidabel
16. Kico perseverancia den nos ministerio ta nifica pa nos y pa esnan cu scucha nos?
16 E ministerio di e aliansa nobo ta un regalo incomparabel. (2 Corintionan 4:7) Di manera similar, e ministerio cristian cu e otro carnenan ta efectua rond mundo ta un tesoro. Segun cu bo ta sigui persevera den bo ministerio, bo por “sigura salbacion, tanto pa bo mes como pa esnan cu ta tende bo”, manera Pablo a skirbi Timoteo. (1 Timoteo 4:16) Pensa un rato kico esei ta nifica. E bon nobo cu bo ta predica ta ofrece otro hende e oportunidad di biba pa semper. Bo por forma lasonan fuerte di amistad cu esnan cu bo yuda spiritualmente. Imagina ki un goso lo ta pa biba pa semper den Paradijs hunto cu e hendenan cu abo a yuda siña conoce Dios! Nan sigur lo no lubida nunca e esfuerso cu bo a haci pa yuda nan. Esei si lo duna gran satisfaccion!
17. Dicon nos tempo ta un periodo unico den historia humano?
17 Bo ta biba den un periodo unico den historia humano. Nunca mas hende lo bolbe predica e bon nobo den un mundo aleha for di Dios. Noe a biba den un mundo asina, y el a mir’e pasa bai. Noe lo mester a keda hopi contento di sa cu el a cumpli fielmente cu Dios su boluntad pa traha un arca, locual a hiba na su salbacion y di su famia! (Hebreonan 11:7) Bo tambe por tin mesun goso. Pensa con lo bo sinti den e mundo nobo ora cu bo corda bek riba bo actividad durante e ultimo dianan aki, sabiendo cu bo a haci loke bo tawata por pa promove interesnan di Reino.
18. Ki siguransa y animacion Yehova ta duna su sirbidonan?
18 Pues, laga nos sigui refleha e gloria di Dios. Esei lo ta algo cu nos lo corda pa semper. Yehova tambe ta corda nos obra. Bijbel ta duna e animacion aki: “Dios no ta inhusto pa lubida boso trabou y e amor cu boso a mustra pa su nomber, door cu boso a sirbi y ainda ta sirbi e santonan. Y nos ta desea cu cada un di boso lo mustra e mesun diligencia pa asina realisa e siguransa completo di speransa te na fin, pa boso no flakia, ma pa boso ta imitadonan di esnan cu pa medio di fe y pasenshi ta hereda e promesanan.”—Hebreonan 6:10-12.
Bo Por Splica?
• Con cristiannan ta refleha e gloria di Dios?
• Cua ta algun tactica cu Satanas ta uza den su intento pa silencia e pueblo di Dios?
• Ki prueba tin cu Dios su spirito ta riba nos?
[Preguntanan di Estudio]
[Plachi na pagina 15]
Moises su cara a refleha gloria
[Plachinan na pagina 16, 17]
Nos ta refleha e gloria di Dios den nos ministerio