Nos Lo Cana den e Nomber di Yehova Nos Dios
Nos Lo Cana den e Nomber di Yehova Nos Dios
“Pa loke ta nos, nos si lo cana den e nomber di [“Yehova”, NW] nos Dios pa semper y semper.”—MIKEAS 4:5.
1. Pa loke ta moralidad, con e situacion tawata den tempo di Noe, y con Noe tawata diferente?
E PROME homber cu Bijbel ta menciona cu a cana cu Dios tawata Enok. E di dos tawata Noe. Bijbel ta conta nos: “Noe tawata un homber husto, perfecto den su generacionnan: Noe tawata cana cu Dios.” (Genesis 6:9) Pa tempo di Noe, humanidad en general a desvia for di adoracion puro. Loke a haci e situacion piyo tawata cu angelnan infiel a forma union innatural cu hende mohe y a produci yiu gigante of nefilim, e “hombernan poderoso”, of “hombernan di fama” di e tempo ei. Nada straño anto cu e tera a yena cu violencia! (Genesis 6:2, 4, 11) Sinembargo, Noe a demostra cu e tawata un homber ireprochabel y e tawata “un predicado di husticia.” (2 Pedro 2:5) Ora Dios a dun’e ordo pa traha un arca pa conserva bida, Noe a obedec’e y “conforme tur loke Dios a orden’e, el a haci.” (Genesis 6:22) Di berdad, Noe a cana cu Dios.
2, 3. Ki excelente ehempel Noe a pone pa nos awe?
2 Pablo a inclui Noe riba su lista di testigonan fiel ora el a skirbi: “Pa medio di fe Noe, siendo spierta pa Dios tocante di cosnan cu no a wordo mira ainda, cu temor di Dios a prepara un arca pa salbacion di e hendenan di su cas, pa medio di cual el a condena mundo y a bira un heredero di e husticia cu ta segun fe.” (Hebreonan 11:7) Ki un excelente ehempel! Siendo sigur cu Yehova su palabra lo ser realisa, Noe a uza su tempo, energia y recursonan pa por a cumpli cu e mandamentonan di Dios. Den un manera similar, hopi cristian awe ta bira lomba pa oportunidadnan den e mundo aki y ta uza nan tempo, energia y recursonan pa obedece Yehova su mandamentonan. Nan fe ta remarcabel y lo resulta den nan propio salbacion y tambe di otro hende.—Lucas 16:9; 1 Timoteo 4:16.
3 Pa Noe y su famia a eherce fe lo mester tawata mes dificil cu e tawata pa Enok, e bisawelo di Noe cu nos a trata den e articulo anterior. Den tempo di Noe mescos cu den tempo di Enok, adoradonan berdadero tawata un minoria chikito, apenas ocho persona a resulta fiel y a sobrevivi e Diluvio. Noe a predica husticia den un mundo violento y inmoral. Ademas, e cu su famia tawata traha un inmenso arca di palo como preparacion pa un diluvio mundial, aunke ningun hende no a yega di mira un diluvio asina. Esei lo mester a parce hopi straño pa e hendenan cu tawata observa nan.
4. Hesus a hala atencion na ki fayo di e hendenan di Noe su tempo?
4 Ta interesante pa nota cu ora Hesus a referi na e dianan di Noe, e no a papia di e violencia, e religion falso ni di e inmoralidad, pa teribel cu e cosnan ei tawata. E fayo cu Hesus a hala atencion na dje tawata e echo cu e hendenan a nenga di haci caso di e spiertamento cu tawata ser duna. El a bisa cu nan tawata “come y bebe, nan tawata casa y duna pa casa, te dia cu Noe a bai den e arca.” Kico Mateo 24:38, 39.
tawatin di malo den come, bebe, casa y duna pa casa? E hendenan tawata gewoon hiba un bida “normal”! Pero tawatin un diluvio na caminda, y Noe tawata predica husticia. Su palabranan y su conducta lo mester tawata un spiertamento pa nan. Sinembargo, segun e Traduccion di Mundo Nobo, “nan no a haci caso te cu e diluvio a bini y a bari nan tur.”—5. Ki cualidadnan Noe y su famia tawatin mester di dje?
5 Ora nos wak bek na e tempo ei, nos ta mira cu Noe su estilo di bida a demostra sabiduria. Sinembargo, den e dianan prome cu Diluvio, curashi tawata necesario pa ta diferente for di tur otro hende. Noe cu su famia mester tawatin conviccion firme pa traha e arca inmenso y pa yen’e cu representante di e diferente bestianan. Acaso algun di e poco hendenan fiel ei a yega di desea cu nan tawata menos riparabel y cu nan por a djis hiba un bida “normal”? Asta si tal pensamento a pasa den nan mente, nan no a debilita den nan integridad. Despues di hopi hopi aña—mas tempo cu cualkier un di nos lo tin cu persevera den e sistema di cosnan aki—e fe di Noe a hiba na su salbacion durante e Diluvio. Sinembargo, Yehova a ehecuta huicio riba tur esnan cu tawata hiba un bida “normal” y cu no a haci caso di e importancia di e tempo cu nan tawata biba aden.
Violencia un Biaha Mas Ta Asota Humanidad
6. Despues di Diluvio, ki situacion tawata existi ainda?
6 Despues cu e awanan di Diluvio a baha, humanidad tawatin un comienso nobo. Sinembargo, hende ainda tawata imperfecto, y “e intencion di curason di hende” a sigui ta “malo for di su hubentud.” (Genesis 8:21) Ademas, aunke e demoñonan no por a bisti curpa humano mas, ainda nan tawata masha activo. E mundo di humanidad malbado a demostra rapidamente cu e tawata “bou di control di e malbado”, y mescos cu awe, adoradonan berdadero tawatin cu lucha contra “e trampanan di Diabel.”—1 Huan 5:19; Efesionan 6:11, 12.
7. Con violencia a escala den e mundo despues di Diluvio?
7 Por lo menos for di e tempo di Nimrod, e tera despues di Diluvio a yena un biaha mas cu actonan di violencia humano. Debi na e crecemento di poblacion y e progreso di tecnologia, e violencia ei a escala den transcurso di tempo. Na principio, tawatin spada, lansa, boog cu flecha, y garoshi di guera. Den temponan mas resien a bin bazuca y cayon, despues rifle y e artiyeria sofistica na comienso di siglo 20. Prome Guera Mundial a introduci armanan mas spantoso, manera avion, tanki di guera, submarino y gas venenoso. Den e guera ei, e armanan aki a caba cu bida di miyones di hende. Esei tawata un cos inespera? No.
8. Con Revelacion 6:1-4 a cumpli?
8 Na aña 1914, Hesus a keda entronisa como Rei di Dios su Reino celestial, y “e dia di Señor” a cuminsa. (Revelacion 1:10) Den un vision cu e buki di Revelacion ta informa di dje, nos ta mira Hesus como Rei ta core victoriosamente riba un cabai blanco. Otro hinetenan ta siguie, cada un representando un plaga distinto cu ta asota humanidad. Un di e hinetenan ta core un cabai cora, y na dje a wordo permiti “pa kita pas for di riba tera, y pa haci hende mata otro; y un spada grandi a wordo duna na dje.” (Revelacion 6:1-4) E cabai aki cu su hinete ta simbolisa guera, y e spada grandi ta representa e destruccion sin precedente cu guera moderno cu su armanan poderoso ta causa. Awe e armanan ei ta inclui armanan nuclear, cada un cu e capasidad di destrui dies di miles di hende; raketnan cu por lansa e armanan nuclear ei riba obhetivonan cu ta keda miles di kilometer leu; y tambe armanan kimico y biologico sofistica cu por causa destruccion masal.
Nos Si Ta Haci Caso di e Spiertamentonan di Yehova
9. Con e mundo djawe ta compara cu esun cu a existi prome cu Diluvio?
9 Den tempo di Noe, Yehova a destrui humanidad debi na e violencia extremo di hende malbado y tambe di e gigantenan. Kico di awe? Mundo ta menos violento cu e tempo aya? Definitivamente cu no! Ademas, mescos cu den tempo di Noe, hende awe ta sigui cu nan bida di tur dia, purbando di hiba un bida “normal”, y ta nenga di haci caso di e spiertamento cu ta ser proclama. (Lucas 17:26, 27) Tin cualkier motibo anto pa nos duda cu Yehova un biaha mas lo destrui humanidad? No.
10. (a) Ki spiertamento nos ta haya bes tras bes den profecia biblico? (b) Kico ta e unico proceder sabi pa sigui awe?
10 Cientos di aña prome cu Diluvio, Enok a profetisa tocante e destruccion cu lo mester bin den nos tempo. (Hudas 14, 15) Hesus tambe a papia di e benidero “gran tribulacion.” (Mateo 24:21) Otro profetanan a duna spiertamento di e tempo ei. (Ezekiel 38:18-23; Daniel 12:1; Joel 2:31, 32) Y den e buki di Revelacion nos ta haya un descripcion masha bibo di e destruccion final ei. (Revelacion 19:11-21) Cada un di nos personalmente ta imita Noe y ta activo como predicadonan di husticia. Nos ta tuma nota di Yehova su spiertamentonan y amorosamente nos ta yuda nos prohimo haci mescos. Pues, mescos cu Noe, nos ta cana cu Dios. De echo, ta masha importante pa ken cu ta desea bida, sigui cana cu Dios. Con nos por haci esei apesar di e presionnan cu nos ta confronta tur dia? Nos tin cu cultiva un fe firme cu Dios su proposito lo ser realisa.—Hebreonan 11:6.
Sigui Cana cu Dios den Tempo Turbulento
11. Den ki manera nos ta imita cristiannan di prome siglo?
11 Den prome siglo, cristiannan ungi tawata pertenece na e asina yama “E Caminda.” Echonan 9:2) Henter nan estilo di bida tawata consentra riba fe den Yehova y Hesucristo. Nan a sigui den e caminda cu nan Shon a cana. Awe, cristiannan fiel ta haci mescos.
(12. Kico a pasa despues cu Hesus a alimenta un multitud milagrosamente?
12 E importancia di fe ta keda bisto den un suseso cu a tuma luga durante Hesus su ministerio. Na un ocasion, Hesus milagrosamente a alimenta un multitud di mas o menos 5.000 hende. E hendenan a keda asombra y encanta. Pero tuma nota loke a sosode despues. Nos ta lesa: “Ora cu e hendenan a mira e milager cu Hesus a haci, nan a bisa: ‘Esaki berdaderamente ta e profeta cu mester a bin den mundo.’ Hesus anto, sabiendo cu nan tawatin intencion di bin y gar’e pa hacie rei, a retira atrobe bai riba e sero, e so.” (Huan 6:10-15) E anochi ei el a bai un otro caminda. E echo cu Hesus a nenga di bira rei probablemente a decepciona hopi hende. Al fin y al cabo, el a demostra cu e tawata suficiente sabi pa ta rei y cu e tawatin e poder pa satisface e hendenan su necesidadnan fisico. Sinembargo, no tawata Yehova su tempo ainda pa e goberna como Rei. Ademas, Hesus su Reino lo tawata celestial, no terenal.
13, 14. Ki punto di bista hopi disipel a revela, y con nan fe a ser getest?
13 Pero e multitud tawata dicidido y a sigui Hesus y a hay’e “na e otro banda di lama”, segun e relato di Huan. Dicon nan a siguie apesar cu el a rechasa nan esfuerso pa hacie rei? Cu nan accion, hopi di nan a revela cu nan tawatin un punto di bista carnal, papiando enfaticamente di e provisionnan material cu Yehova a percura den desierto den tempo di Moises. Indirectamente nan a duna di compronde cu Hesus lo mester a sigui percura materialmente pa nan. Hesus a ripara nan mal motivacion, y el a cuminsa siña nan berdadnan spiritual cu lo por a yuda ahusta nan manera di pensa. (Huan 6:17, 24, 25, 30, 31, 35-40) Como reaccion, algun a murmura contra dje, specialmente ora cu el a duna e ilustracion aki: “Di berdad, di berdad, mi ta bisa boso, si boso no come e carni di e Yiu di hende y bebe su sanger, boso no tin bida den boso. Esun cu come mi carni y bebe mi sanger tin bida eterno, y lo mi lant’e den e ultimo dia.”—Huan 6:53, 54.
14 Hesus su ilustracionnan hopi biaha a motiva hende pa demostra si di berdad nan tawata desea di cana cu Dios. E ilustracion aki no tawata un excepcion. El a causa reaccionnan fuerte. Nos ta lesa: “Hopi di su disipelnan, ora nan a tende esaki, a bisa: ‘E discurso aki ta ofensivo; ken por scuch’e?’” [NW] Hesus e ora ei a splica nan cu nan mester busca e nificacion spiritual di su palabranan. El a bisa: “Ta e spirito ta esun cu ta duna bida; e carni no bal nada; e palabranan cu mi a papia cu boso ta spirito y ta bida.” Sinembargo, hopi di nan no kier a scucha, y e relato ta informa nos: “Como resultado di esaki hopi di su disipelnan a retira y no tawata cana cu ne mas.”—Huan 6:60, 63, 66.
15. Ki punto di bista corecto algun di e siguidonan di Hesus tawatin?
15 Pero no ta tur disipel di Hesus a reacciona na e manera ei. Ta berdad cu e disipelnan leal no a compronde bon bon kico Hesus a bisa. Toch nan confiansa den dje a keda masha Huan 6:68) Ki un actitud excelente y ki un tremendo ehempel!
firme. Pedro, un di e disipelnan leal aki, a expresa e sintimento di tur cu si a keda ora el a bisa: “Señor, serca ken nos lo bai? Abo tin e palabranan di bida eterno.” (16. Con nos por ser getest, y ki punto di bista corecto nos mester cultiva?
16 Awe nos por ser getest mescos cu e prome disipelnan ei. Den nos caso, nos lo por ta desapunta cu Yehova su promesanan no ta cumpliendo lihe manera nos personalmente lo tin gana di mira nan cumpli. Nos lo por sinti cu e splicacionnan di e Scritura den nos publicacionnan basa riba Bijbel ta dificil pa compronde. E comportacion di un ruman cristian lo por decepciona nos. Lo ta corecto pa stop di cana cu Dios pa e motibonan aki of otronan similar? Claro cu no! E disipelnan cu a bandona Hesus a demostra cu nan manera di pensa tawata carnal. Nos tin cu evita di haci mescos.
“Nos No Ta di Esnan Cu Ta Hala Atras”
17. Kico por yuda nos sigui cana cu Dios?
17 Apostel Pablo a skirbi: “Tur Scritura ta inspira pa Dios.” (2 Timoteo 3:16) Via e paginanan di Bijbel, Yehova ta bisa nos bon cla: “Esaki ta e caminda, cana den dje.” (Isaias 30:21) Obediencia na e Palabra di Dios ta yuda nos ‘mira bon con nos ta cana.’ (Efesionan 5:15) Studia Bijbel y medita riba loke nos ta siña ta yuda nos sigui ‘cana den berdad.’ (3 Huan 3) En realidad, manera Hesus a bisa, “ta e spirito . . . ta duna bida; e carni no bal nada.” E unico guia confiabel pa dirigi nos pasonan ta guia spiritual, cu ta bin mediante Yehova su Palabra, su spirito y su organisacion.
18. (a) Ki cosnan cu no ta sabi algun cristian ta haci? (b) Ki clase di fe nos ta cultiva?
18 Awe, esnan cu ta bira malcontento debi na un manera di pensa carnal of debi na expectativanan cu no a cumpli hopi bes ta cuminsa bai tras di tur loke e mundo aki tin di ofrece. Nan ta perde nan sentido di urgencia y nan no ta mira e necesidad mas pa ‘keda alerta.’ Ademas, nan ta scohe pa sigui tras di metanan egoista en bes di pone interesnan di Reino na prome luga. (Mateo 24:42) Cana den e manera ei no ta ni un tiki sabi. Tuma nota di e palabranan di apostel Pablo: “Nos no ta di esnan cu ta hala atras pa destruccion, sino di esnan cu tin fe pa preservacion di e alma.” (Hebreonan 10:39) Mescos cu Enok y Noe, nos ta biba den tempo turbulento, anto mescos cu nan, nos tin e privilegio di cana cu Dios. Door di haci esei, nos tin e speransa sigur cu nos lo mira Yehova su promesanan cumpli, maldad ser destrui y e comienso di un husto mundo nobo. Ki un perspectiva maraviyoso!
19. Con Mikeas ta describi e caminda di adoradonan berdadero?
19 E profeta inspira Mikeas a bisa di e nacionnan di mundo cu nan lo a cana “cada un den e nomber di su dios.” Caba el a papia di su mes y otro adoradonan fiel y a bisa: “Pa loke ta nos, nos si lo cana den e nomber di [“Yehova”, NW] nos Dios pa semper y semper.” (Mikeas 4:5) Si bo tin e mesun determinacion cu Mikeas, keda serca di Yehova sin importa con turbulento nos tempo bira. (Santiago 4:8) Laga e deseo sinsero di cada un di nos ta pa cana cu Yehova nos Dios awor y pa eternidad!
Con Lo Bo Contesta?
• Ki similaridadnan tin entre e tempo di Noe y awe?
• Ki caminda Noe y su famia a sigui, y con nos por imita nan fe?
• Ki punto di bista robes algun siguido di Hesus tawatin?
• Kico cristiannan berdadero ta determina pa haci?
[Preguntanan di Estudio]
[Plachi na pagina 20]
Mescos cu den tempo di Noe, awendia hende ta completamente absorba den nan actividadnan diario
[Plachi na pagina 21]
Como predicadonan di Reino, “nos no ta di esnan cu ta hala atras”