Armagedon​—Un Fin Catastrofico?

ARMAGEDON! Riba kico e palabra aki ta pone bo pensa? Riba un destruccion masal of un cataclismo grandi den cua tur cos den universo ta caba na candela? Den hopi parti di mundo, “Armagedon” ta un di e poco palabranan di Bijbel cu tur dia ta den boca di pueblo. Por lo general, nan ta uz’e pa describi e futuro scur cu tin dilanti hende. Peliculanan a yena hende su imaginacion cu esenanan spantoso di un benidero “Armagedon.” E palabra ta rondona pa misterio y conceptonan eroneo. Aunke tin hopi idea encuanto su nificacion, mayoria di nan no ta cuadra cu loke Bijbel—e fuente di e expresion—ta siña tocante Armagedon.

Siendo cu Bijbel ta conecta Armagedon cu “fin di mundo”, bo no ta di acuerdo cu ta sumamente importante pa nos compronde bon cla kico e palabra ta nifica realmente? (Mateo 24:3, E Testament Nobo) Y lo no ta logico pa acudi na e fuente supremo di e berdad, e Palabra di Dios, pa haya sa kico ta Armagedon y kico lo e nifica pa abo y bo famia?

E analisis ei lo laga bo mira cu en bes di trece un fin catastrofico, Armagedon lo introduci un comienso felis pa hende cu ta desea di biba y gosa di bida den un husto mundo nobo. Ora bo sigui e consideracion den e siguiente articulo encuanto e berdadero nificacion di Armagedon, lo bo wordo recompensa cu un comprondemento cla di e berdad biblico importante aki.

[Cuadro/Plachi na pagina 3]

KICO BO TA KERE ARMAGEDON TA?

• Un destruccion nuclear

• Un desaster di medioambiente

• Un choke entre un cuerpo celestial cu tera

• Destruccion di e malbadonan na man di Dios