E Palo di Aña Nobo Ta un Tradicion Ruso? Ta un Tradicion Cristian?

“NA CUMINSAMENTO di añanan ’30 di siglo 18, ainda nan tawata papia di e palo semper berde como un ‘concepto Aleman atractivo.’ Na fin di e decada ei, el a ‘bira un custumber’ den cas di e clase elite di St. Petersburg ... Ta e lidernan religioso y e campesinonan so no a adopta e custumber di pone e palo semper berde den nan cas den siglo 19 ...

Prome cu esei, e palo ... no tawata un palo hopi gusta. E echo cu a mir’e como un simbolo di morto y su conexion cu ‘e mundo di spirito’ segun tradicion Ruso, y tambe e tradicion di pone e palo riba dak di bar, tawata na contraste cu e cambionan den actitud cu a tuma luga meimei di siglo 19 ... Ta masha logico cu den e proceso di aceptacion, e tradicion stranhero lo a haya e mesun nificacion cu a ser atribui na e kerstboom den e mundo Occidental, cu su conexion cu e tema di Pasco ...

E proceso di cristianisa e palo no a bai sin su dificultadnan na Rusia. El a haya oposicion di parti di Iglesia Ortodox. E miembronan di clero a mira den e celebracion nobo un ‘accion demoniaco’, un tradicion pagano, cu no tawatin nada di aber cu nacemento di e Salbador. Ademas, e tawata un tradicion di e mundo Occidental.”—Profesor Yelena V. Dushechkina, doctor di ciencia filologico na e Universidad di Estado di St. Petersburg.

[Reconocemento pa Potret na pagina 32]

Potret: Nikolai Rakhmanov