Persigui, Pero Despues Acepta

ALGUN aña pasa, Santiago cu su casa, Lourdes, a muda bai e pueblo pintoresco di Huillcapata, Peru, pa comparti e mensahe di speransa di Bijbel cu e hendenan einan. Pero un poco despues, un pasto a bini for di Cuzco y a yama un reunion cu e habitantenan di e pueblo. E pasto a spierta nan cu e presencia di Testigonan di Yehova lo trece un plaga mortal y caida pisa di sneu cu lo mata nan bestianan y caba cu nan cultivonan.

Hopi hende a bai tras di e “profecia” aki, y pa mas cu seis luna ningun habitante no a acepta e invitacion di Santiago cu Lourdes pa studia Bijbel cu nan. Un autoridad di e pueblo cu yama Miguel, e gezaghebber, tawata bai tras di Santiago cu Lourdes riba caya y manda nan cu piedra. Pero semper nan a comporta nan na un manera cristian y pacifico.

Cu tempo, algun habitante di e pueblo a acepta un estudio di Bijbel. Asta Miguel a cambia su actitud. El a cuminsa studia cu Santiago, a stop di bebe di mas y a bira un persona pacifico. Cu tempo Miguel, su esposa y dos di su yiu mohenan a acepta e berdad di Bijbel.

Awe tin un congregacion progresivo di Testigonan di Yehova den e pueblo aki. Miguel ta contento cu mayoria di e piedranan cu el a tira riba Santiago cu Lourdes a hera, y e ta gradici e pareha pa nan ehempel excelente como hendenan pacifico.

[Plachi na pagina 32]

E caracter pacifico di Santiago cu Lourdes (ariba) a cambia Miguel (te na man drechi) su actitud