Recohiendo Cosnan den Shelo y Cosnan Riba Tera
Recohiendo Cosnan den Shelo y Cosnan Riba Tera
“Ta segun su gusto . . . pa recohe tur cos hunto atrobe den e Cristo, e cosnan den shelo y e cosnan riba tera.”—EFESIONAN 1:9, 10, NW.
1. Kico ta Yehova su “gusto” pa shelo y tera?
PAS UNIVERSAL! Esei ta e proposito glorioso di Yehova, “e Dios di pas.” (Hebreonan 13:20) El a inspira apostel Pablo pa skirbi cu Su “gusto” ta “pa recohe tur cos hunto atrobe den e Cristo, e cosnan den shelo y e cosnan riba tera.” (Efesionan 1:9, 10, NW) Kico precis e verbo traduci den e versiculo aki como ‘recohe hunto atrobe’ ta indica? E experto riba tereno di idioma biblico, J. B. Lightfoot a remarca: “E expresion ta indica henter e harmonia di universo, cual lo no bai contene partinan incompatibel y cu ta causa desunion mas, sino mas bien tur parti lo consentra y ta uni den Cristo. Pica y morto, tristesa y fracaso y sufrimento, lo stop di existi.”
“Cosnan den Shelo”
2. Ken ta “e cosnan den shelo” cu tin cu ser recohi?
2 Apostel Pedro a resumi e maraviyoso speransa cu cristiannan berdadero tin ora el a skirbi: “Segun su promesa nos ta sperando shelonan nobo y un tera nobo, den cual ta biba husticia.” (2 Pedro 3:13) E “shelonan nobo” priminti aki ta referi na e autoridad gubernamental nobo, e Reino Mesianico. “E cosnan den shelo” cu Pablo a menciona den su carta na e Efesionan mester ser recohi of reuni ‘den Cristo.’ Nan ta e cantidad limita di hende scohi pa goberna cu Cristo den shelo. (1 Pedro 1:3, 4) E 144.000 cristiannan ungi aki a ser “cumpra for di tera”, “cumpra for di entre hende”, pa ta coheredero cu Cristo den su Reino celestial.—Revelacion 5:9, 10; 14:3, 4; 2 Corintionan 1:21; Efesionan 1:11; 3:6.
3. Den ki sentido por ser bisa cu unginan ta ‘sinta den e luganan celestial’ mientras cu ainda nan ta riba tera?
3 Cristiannan ungi ta nace di nobo mediante e spirito santo pa bira yiunan spiritual di Yehova. (Huan 1:12, 13; 3:5-7) Siendo cu Yehova ta adopta nan como su “yiunan”, nan ta bira ruman di Hesus. (Romanonan 8:15; Efesionan 1:5) Como tal, mientras nan ta riba tera ainda, Bijbel ta bisa cu nan ‘a lanta y a sinta hunto cu Cristo Hesus den e luganan celestial.’ (Efesionan 1:3; 2:6) Nan ta ocupa e posicion spiritual eleva aki pasobra nan a “wordo seya cu e spirito santo di promesa, [cu] ta e garantia di [nan] herencia”, reserva pa nan den shelo. (Efesionan 1:13, 14; Colosensenan 1:5) Esakinan pues ta “e cosnan den shelo”, di cua mester a recohe of reuni e cantidad total cu Yehova a predetermina.
E Recohemento Ta Cuminsa
4. Na ki tempo y con e recohemento di “e cosnan den shelo” a cuminsa?
4 Di acuerdo cu Yehova su “administracion”, of manera di maneha cosnan, e recohemento di “e cosnan den shelo” mester a cuminsa “n’e limite completo di e tempo señala.” (Efesionan 1:10, NW) E debido tempo ei a yega na Pentecoste di aña 33 di nos era. Riba e dia ei, spirito santo a ser drama riba e apostelnan y un grupo di disipel cu a consisti di hende homber y hende mohe. (Echonan 1:13-15; 2:1-4) Esaki a duna prueba cu e aliansa nobo a drenta na vigor, marcando asina nacemento di e congregacion cristian y di e nacion nobo di Israel spiritual, “e Israel di Dios.”—Galationan 6:16; Hebreonan 9:15; 12:23, 24.
5. Dicon Yehova a crea un “nacion” nobo pa remplasa Israel carnal?
5 E aliansa di Lei cu Dios a sera cu Israel carnal no a produci “un reino di sacerdotenan y un nacion santo” cu lo a sirbi pa semper den shelo. (Exodo 19:5, 6) Hesus a bisa e lidernan religioso Hudiu: “E reino di Dios lo wordo kita for di boso, y duna na un nacion cu si ta hacie produci fruta.” (Mateo 21:43) E nacion ei, Israel spiritual, ta consisti di cristiannan ungi cu a ser inclui den e aliansa nobo. Apostel Pedro a skirbi na esakinan: “Boso ta un rasa scohi, un sacerdocio real, un nacion santo, un pueblo peculiar, pa boso por proclama e alabansanan di esun cu a yama boso for di scuridad na su lus maraviyoso; pasobra un tempo boso no tawata un pueblo, ma awor boso ta e pueblo di Dios.” (1 Pedro 2:9, 10) Pues e pueblo di Israel carnal no tawata e pueblo cu Yehova tawatin un pacto cu ne mas. (Hebreonan 8:7-13) Manera Hesus a profetisa, e privilegio di ser un parti di e Reino Mesianico a ser kita for di nan y duna na e 144.000 miembronan di Israel spiritual.—Revelacion 7:4-8.
Inclui den e Aliansa di Reino
6, 7. Ki pacto of aliansa special Hesus a sera cu su rumannan engendra pa spirito santo, y kico esaki ta nifica pa nan?
6 Durante e anochi cu Hesus a institui e Conmemoracion of Memorial di su morto, el a bisa su fiel apostelnan: “Boso ta esnan cu a keda na mi lado den mi pruebanan; y mescos cu mi Tata a laga un reino pa mi, mi ta laga pa boso [of, “mi ta sera un pacto cu boso, mescos cu mi Tata a sera un pacto cu mi, pa un reino”, NW], pa boso come y bebe na mi mesa den mi reino, y boso lo sinta riba trononan pa husga e diesdos tribunan di Israel.” (Lucas 22:28-30) Aki Hesus a referi na un pacto of aliansa special cu el a sera cu su 144.000 rumannan engendra pa spirito santo, kendenan lo a keda “fiel te na morto” y asina demostra cu nan ta ‘vencedo.’—Revelacion 2:10; 3:21.
7 Personanan di e grupo limita aki ta renuncia tur speransa di biba pa semper riba tera como hende di carni y weso. Nan lo reina hunto cu Cristo den shelo, y sinta riba trono pa husga humanidad. (Revelacion 20:4, 6) Laga nos analisa awor otro textonan biblico cu ta aplica solamente na e unginan aki y cu ta mustra dicon e “otro carnenan” no ta tuma di e emblemanan di Memorial.—Huan 10:16.
8. Kico e unginan ta indica door di tuma di e pan? (Wak e cuadro na pagina 23.)
8 E unginan lo sufri mescos cu Cristo a sufri y nan ta dispuesto pa somete nan mes na un morto manera esun di Hesus. Pablo, siendo parti di e grupo di ungi, a declara cu e tawata prepara pa haci cualkier sacrificio afin cu lo e por ‘gana Cristo y por conoc’e, y conoce e poder di su resureccion y e comunion di su sufrimentonan.’ Si, Pablo tawata dispuesto pa ‘bira semehante na dje den su morto’, es decir, muri mesun morto cu ne. (Filipensenan 3:8, 10) Hopi cristian ungi a soporta den nan curpa di carni “e tratamento mortifero duna na Hesus.”—2 Corintionan 4:10, NW.
9. Cua curpa e pan di Memorial ta representa?
9 Ora Hesus a institui e Cena di Señor, el a bisa: “Esaki ta mi curpa.” (Marco 14:22) El a referi na su curpa literal cu pronto nan lo a bati y laga tur na sanger. Pan sin zuurdeeg tawata un simbolo apropiado di e curpa ei. Dicon? Pasobra den Bijbel, zuurdeeg por nifica pica of maldad. (Mateo 16:4, 11, 12; 1 Corintionan 5:6-8) Hesus tawata perfecto, y su curpa humano tawata sin pica. Lo el a ofrece e curpa perfecto ei como un sacrificio di propiciacion es decir, di reconsiliacion. (Hebreonan 7:26; 1 Huan 2:2) E acto ei lo a beneficia tur cristian fiel, sea cu nan tawatin e speransa di bida den shelo of bida eterno den un paradijs riba tera.—Huan 6:51.
10. Den ki manera esnan cu ta bebe di e biña di Memorial ‘ta participa den e sanger di Cristo’?
1 Corintionan 10:16) Den ki manera esnan cu bebe di e biña ta ‘participa den e sanger di Cristo’? Nan sigur no ta participa door di percura e sacrificio di rescate, ya cu nan mes tin mester di redencion. Pa medio di nan fe den e poder di rescata di e sanger di Cristo, nan picanan ta ser pordona y nan ta ser declara husto pa bida den shelo. (Romanonan 5:8, 9; Tito 3:4-7) Ta a base di e balor di Cristo su sanger drama cu e 144.000 coherederonan di Cristo ta ser “santifica”, aparta, limpia di pica pa nan ta e “santonan.” (Hebreonan 10:29; Daniel 7:18, 27; Efesionan 2:19) Si, ta cu su sanger drama Cristo “a cumpra pa Dios hende for di tur tribu y lenga y pueblo y nacion. Y . . . a haci nan bira un reino y sacerdotenan pa nos Dios; y nan lo reina riba tera.”—Revelacion 5:9, 10.
10 Relaciona cu e biña cu cristiannan ungi ta bebe di dje na Memorial, Pablo a skirbi: “E copa di bendicion cu nos ta bendiciona, no ta un comunion [“participacion”, NW] e ta den e sanger di Cristo?” (11. Kico e unginan ta indica door di bebe di e biña di Memorial?
11 Ora cu Hesus a inicia e Conmemoracion di su morto, el a entrega e copa di biña na su fiel apostelnan y a bisa nan: “Boso tur bebe for di dje; pasobra esaki ta mi sanger di e aliansa, cu ta wordo drama pa hopi pa pordon di pica.” (Mateo 26:27, 28) Mescos cu pa medio di e sanger di toro y cabrito e aliansa di Lei entre Dios y e nacion di Israel a bira valido, asina pa medio di Hesus su sanger e aliansa nobo cu Yehova lo a sera cu Israel spiritual lo a bira valido, cuminsando na Pentecoste di aña 33. (Exodo 24:5-8; Lucas 22:20; Hebreonan 9:14, 15) Door di bebe e biña cu ta simbolisa e “sanger di e aliansa”, e unginan ta indica cu nan a ser inclui den e aliansa nobo y ta ricibiendo su beneficionan.
12. Con e unginan ta ser batisa den Cristo su morto?
12 E unginan ta ser recorda di un cos mas door di tuma di e emblemanan. Hesus a bisa su disipelnan fiel: “E copa cu ami ta bebe, boso lo bebe; y boso lo wordo batisa cu e bautismo cu cual ami ta wordo batisa.” Marco 10:38, 39) Apostel Pablo mas despues a menciona cu cristiannan lo wordo “batisa den [Cristo] su morto.” (Romanonan 6:3) E unginan ta hiba un bida di sacrificio. Nan morto ta un morto di sacrificio pasobra nan ta renuncia cualkier speransa di bida eterno riba tera. E bautismo di e cristiannan ungi aki den Cristo su morto ta wordo completa ora cu despues cu nan a muri fielmente, nan ser resusita como criaturanan spiritual pa “reina” hunto cu Cristo den shelo.—2 Timoteo 2:10-12; Romanonan 6:5; 1 Corintionan 15:42-44, 50.
(Tumando di e Emblemanan
13. Dicon e personanan cu tin e speransa terenal no ta tuma di e emblemanan di Memorial, pero dicon toch nan ta asisti na Memorial?
13 Pues, ora un hende tuma di e pan cu e biña cu ta pasa durante di Memorial esei ta encera tur loke nos a caba di considera. Ta mas cu claro anto cu lo ta inapropiado pa personanan cu tin un speransa terenal tuma di e emblemanan. Esnan cu un speransa terenal ta compronde cu nan no ta miembro ungi di e curpa di Cristo, tampoco nan no ta den e aliansa nobo cu Yehova a sera cu esnan cu lo goberna hunto cu Hesucristo. Ya cu “e copa” ta representa e aliansa nobo, ta solamente e personanan den e aliansa nobo ta tuma di e emblemanan. Esnan cu ta anticipa bida eterno como hende perfecto riba tera bou di e Reino no a ser batisa den Hesus su morto ni nan no a wordo yama pa goberna hunto cu ne den shelo. Si nan mester tuma di e emblemanan, esei lo ta nifica algo cu no ta berdad den nan caso. Pesei nan no ta tuma di e emblemanan, maske nan ta asisti si na e Memorial como observadonan respetuoso. Nan ta gradicido pa tur loke Yehova a haci pa nan pa medio di su Yiu, incluso pa e echo cu el a extende pordon na nan a base di Cristo su sanger drama.
14. Con e unginan ta ser fortaleci spiritualmente door di tuma di e pan cu e biña?
14 E seyamento final di e cantidad relativamente chikito di cristiannan yama pa reina cu Cristo den shelo ta serca di ser completa. Tanten cu e unginan no yega na fin di nan bida cu nan ta bai sacrifica, nan ta ser fortaleci spiritualmente door di tuma di e emblemanan di Memorial. Nan ta sinti un laso di union cu nan otro rumannan ungi como miembro di e curpa di Cristo. Ora nan tuma di e pan cu e biña, nan ta ser recorda di nan responsabilidad di keda fiel te na morto.—2 Pedro 1:10, 11.
Recohiendo “Cosnan Riba Tera”
15. Ken a ser recohi na e banda di e cristiannan ungi?
15 For di meimei di decada di 1930, un cantidad creciente di “otro carnenan” a pone nan mes na e banda di e unginan. E “otro carnenan” aki no ta forma parti di e “tou chikito” y nan speransa ta bida eterno riba tera. (Huan 10:16; Lucas 12:32; Zacarias 8:23) Nan a bira e compañeronan leal di e rumannan di Cristo, dunando nan yudansa balioso den e trabou di predica “e evangelio aki di e reino” como un testimonio na tur nacion. (Mateo 24:14; 25:40) Door di haci esei, nan tin e oportunidad cu Cristo lo husga nan faborablemente como su “carnenan” y lo pone nan na su “man drechi” di aprobacion ora cu e bin pa husga e nacionnan. (Mateo 25:33-36, 46) Door di pone fe den Cristo su sanger, nan lo ta parti di e “multitud grandi” cu lo sobrevivi “e gran tribulacion.”—Revelacion 7:9-14.
16. Di ken “e cosnan riba tera” lo consisti, y con nan tur lo tin e oportunidad di bira “yiunan di Dios”?
Revelacion 7:1-4) Durante e Reinado di Mil Aña di Cristo y su rei- y sacerdotenan cogobernante, un cantidad grandi no spesifica di hende resusita lo join e multitud grandi. (Revelacion 20:12, 13) Nan lo tin e oportunidad di bira ciudadano terenal permanente di e Rei Mesianico, Cristo Hesus. Na fin di e Reinado di Mil Aña, tur e “cosnan riba tera” aki lo ser someti na un ultimo prueba. Esnan cu resulta fiel lo ser adopta como ‘yiunan terenal di Dios.’—Efesionan 1:10; Romanonan 8:21; Revelacion 20:7, 8.
16 E seyamento final di e 144.000 lo habri caminda pa los e “bientonan” di destruccion contra Satanas su mal sistema di cosnan riba tera. (17. Con Yehova su proposito lo ser cumpli?
17 Asina Yehova, pa medio di su “administracion” of manera infinitamente sabi di maneha cosnan, lo a cumpli cu su proposito di “recohe tur cos hunto atrobe den e Cristo, e cosnan den shelo y e cosnan riba tera.” Tur criatura inteligente den shelo y riba tera lo a ser recohi den pas universal, sometiendo nan mes gososamente na e soberania husto di Yehova, e Gran Cumplidor di Proposito.
18. Con tanto e unginan como nan compañeronan lo saca beneficio door di asisti na Memorial?
18 Riba 12 di april 2006, ora cu e cantidad chikito di ungi reuni hunto cu miyones di nan compañeronan, e otro carnenan, esei sin duda lo ta algo cu lo fortalece nan tur su fe. Nan lo tene e Conmemoracion di e morto di Cristo, precis manera Hesus a manda: ‘Sigui haci esaki na mi recuerdo.’ (Lucas 22:19) Tur hende cu asisti mester corda kico Yehova a haci pa nan mediante su Yiu stima, Cristo Hesus.
Como Repaso
• Kico ta Yehova su proposito pa cosnan den shelo y pa cosnan riba tera?
• Ken ta “e cosnan den shelo”, y con nan a ser recohi?
• Ken ta “e cosnan riba tera”, y ki speransa nan tin?
[Preguntanan di Estudio]
[Cuadro na pagina 23]
“E Curpa di Cristo”
Na 1 Corintionan 10:16 y 17, Pablo a menciona “curpa” den un sentido special den su comentario relaciona cu e pan cu el a dirigi na e rumannan di Cristo ungi cu spirito santo. El a bisa: “E pan cu nos ta kibra, no ta un comunion e ta den e curpa di Cristo? Pasobra nos, siendo hopi, ta un pan y un curpa; pasobra nos tur ta tuma parti na esun pan ei.” Ora cu cristiannan ungi ta tuma di e pan di Memorial, nan ta declara nan union den e congregacion di unginan, cu ta manera un curpa cu tin Cristo como e Cabes.—Mateo 23:10, NW; 1 Corintionan 12:12, 13, 18.
[Plachi na pagina 23]
Dicon ta e unginan so ta tuma di e pan cu e biña?
[Plachi na pagina 25]
Mediante Yehova su administracion, tur criatura den shelo y riba tera lo ta uni