Daniel y Su Badge di Congreso

HESUS a scual e lidernan religioso cu tabata husto den nan mes bista pasobra nan a rabia ora nan a mira algun mucha alaba Dios publicamente. Hesus, cu rason, a puntra nan: “Boso no a lesa nunca: ‘For di boca di mucha chikito y di yiunan na pecho bo a prepara alabansa pa bo mes’?”—Mateo 21:15, 16.

Daniel, un mucha homber di seis aña cu ta asocia cu un congregacion Ruso na Alemania, ta un prueba cu mucha chikito te awe ta alabando Jehova. Hunto cu su mama y su ruman muher, el a asisti na un congreso di Testigonan di Jehova na Duisburg. Tabata prome biaha cu nan a asisti na un congreso asina grandi. Tur cos tabata nobo pa nan: e hotel, e auditorio grandi, sinta keto tres dia largo, bautismo, pa no papia mes di e drama. Y con Daniel a comporta su mes? Masha bon mes.

Dialuna despues di e congreso, Daniel tabata na cas atrobe, y el a lanta mainta tempran pa bai scol. Pero kico tabatin na su jas ainda? E badge cu a identific’e como un delegado di congreso! Su mama a splic’e: “Congreso a pasa. Awe bo por kita e badge.” Pero Daniel a bisa: “Mi kier pa tur hende wak unda mi a bai y sa kico mi a siña.” Pues, henter dia na scol el a cana rond orguyosamente cu su badge bisti. Ora cu su juffrouw a puntr’e tocante e badge, el a conta juffrouw tocante e programa di congreso.

Haciendo esei, Daniel a sigui e ehempel di miles di mucha homber y mucha muher cu atrabes di siglonan a duna alabansa na Jehova publicamente.