Un Hues Por Ser Corigi?

SLADJANA, un Testigo di Jehova na Croacia, mester a aparece den corte pa algun asunto financiero. El a yega na tempo y a presenta dilanti un hues. Pero e contrapartida tabata lat. Sladjana tabata ansioso pa papia tocante Bijbel, pues mientras tur hende tabata wardando, el a tuma un curashi pa papia cu e hues.

El a puntr’e: “Señor Hues tabata sa cu pronto lo no tin hues ni corte riba tera?” Naturalmente e tabata referiendo na e huesnan cu nos conoce awe.

Sorprendi, e hues a simplemente wak e, sin bisa ni un pia di palabra. Net na e momento ei e caso a cuminsa. Ora nan a caba y Sladjana a lanta para pa firma un documento, e hues a leun dilanti y puntr’e na bos abou: “Bo tin sigur di loke bo a caba di bisa mi, esta, cu pronto lo no tin hues ni corte riba tera?”

“Si, Señor Hues. Mi ta shen porciento sigur!” Sladjana a contest’e.

“Ki prueba bo tin di esei?” e hues a puntr’e.

“Señor Hues por haya esei den Bijbel”, Sladjana a contest’e.

E hues a bis’e cu lo e tabatin gana di mira esei, pero cu e no tabatin un Bijbel. E ora ei, Sladjana a ofrec’e pa trece un p’e. E Testigonan a bishita e hues, nan a dun’e un Bijbel y a anim’e pa e tuma un estudio semanal di Bijbel. E hues a acepta e oferta y despues di poco tempo el a bira un Testigo di Jehova.

E profesia di Salmo 2:10 ta bisa: “P’esei anto, o reinan, uza sabiduria; acepta spiertamento [“laga boso mes ser corigi”, NW], o huesnan di tera.” Ta masha conmovedor pa mira con personanan humilde ta acepta Jehova su guia amoroso!

[Plachi na pagina 32]

Sladjana hunto cu e hues