Kico Bo Por Siña for di Mucha?
Kico Bo Por Siña for di Mucha?
“BO TA haci mescos cu mucha chikito!” Si un hende bisa nos e palabranan ei, tin hopi chens cu nos ta sinti nos ofendi. Pa lief cu mucha por ta, ta bisto cu nan ta falta e madures, experencia y sabiduria cu generalmente ta bini cu edad.—Job 12:12.
Sinembargo, na un ocasion Hesus a bisa su discipelnan: “Di berdad mi ta bisa boso, si boso no comberti y bira manera mucha, boso lo no drenta e reino di shelo.” (Mateo 18:3) Kico Hesus tabata kiermen? Ki cualidadnan mucha chikito tin cu ta bon pa adultonan imita?
Cultiva Humildad Manera di Mucha
Pensa riba e situacion cu a pone Hesus haci e remarca ei. Despues di un biahe largo ora Hesus a yega Capernaum, el a puntra su discipelnan: “Ta kico boso tabata discuti na caminda?” E discipelnan a sinti berguensa y a keda keto, pasobra nan tabata discuti cua di nan tabata mas importante. Finalmente nan a tuma e curashi pa puntra Hesus: “Ken anto ta esun di mas grandi den e reino di shelo?”—Marco 9:33, 34; Mateo 18:1.
Podise bo ta keda sorprendi cu Hesus su discipelnan—despues di tabata hunto cu ne casi tres aña—tabata pleita tocante posicion of rango. Sinembargo, nan a lanta den e religion Hudiu cu a duna masha importancia na e asuntonan ei. Evidentemente, e background religioso aki hunto cu imperfeccion humano a influencia e manera di pensa di e discipelnan.
Marco 9:35) Probablemente e palabranan aki a laga nan keda babuca. Hesus su manera di rasona a bai directamente contra e conceptonan Hudiu di loke ta grandesa! Caba Hesus a yama un mucha chikito—podise un hobensito—bin cerca dje. Mientras e tabata brasa e mucha cu cariño, el a enfatisa su punto: “Di berdad mi ta bisa boso, si boso no comberti y bira manera mucha, boso lo no drenta e reino di shelo. Esun anto cu humilia su mes manera e mucha aki ta esun di mas grandi den e reino di shelo.”—Mateo 18:3, 4.
Hesus a cai sinta y a yama e discipelnan cerca dje y a bisa nan: “Si un hende kier ta esun di prome, lag’e ta e ultimo di tur, y sirbidor di tur.” (Ki un ehempel practico di humildad! Imagina bo e escena. Un grupo di homber grandi serio para rond di un mucha chikito, cu nan bista fiha riba e mucha. E mucha lo tabata hopi timido y inocente, sin rivalidad y malicia, masha sumiso y sin pretension! Si, e mucha tabata un bunita ehempel di e cualidad di humildad cu Dios ta gusta.
Hesus su punto ta masha cla. Si nos kier hereda e Reino di Dios, nos tin cu cultiva e tipo di humildad cu mucha tin. Den e famia di Jehova no tin luga pa competencia ni orguyo. (Galationan 5:26) De echo esakinan ta net e caracteristicanan cu a pone Satanas e Diabel rebela contra Dios. P’esei no ta nada straño cu Jehova ta odia e caracteristicanan aki!—Proverbionan 8:13.
Cristiannan berdadero ta haci esfuerso pa sirbi y no pa domina. Berdadero humildad ta motiva nos pa sirbi otro hende sin importa con desagradabel e tarea ta of con humilde esun cu nos ta sirbi ta. E sirbishi humilde ei ta duna berdadero satisfaccion. Hesus a bisa: “Ken cu ricibi un mucha manera esaki den mi nomber, ta ami e ta ricibi; y ken cu ricibi mi, no ta ami e ta ricibi, sino Esun cu a manda mi.” (Marco 9:37) Ora nos ta cultiva un actitud generoso y humilde manera di mucha, esaki ta uni nos cu e Personahe di mas halto den universo y cu su Yiu. (Juan 17:20, 21; 1 Pedro 5:5) Nos ta experencia tambe e felicidad cu dunamento ta trece. (Echonan 20:35) Y nos tin e satisfaccion di por contribui na e pas y unidad cu ta bisto entre e pueblo di Dios.—Efesionan 4:1-3.
Dispuesto pa Siña y Cla pa Confia
Siguientemente Hesus a señala un otro les cu adultonan por siña for di mucha: “Esun cu no ricibi e reino di Dios manera un mucha lo no drenta den dje.” (Marco 10:15) Muchanan no ta solamente humilde sino tambe dispuesto pa siña. “Nan ta absorba informacion manera spons”, un mama a bisa.
Pues pa nos hereda e Reino di Dios, nos tin cu acepta y obedece e mensahe di Reino. (1 Tesalonicensenan 2:13) Mescos cu yiu recien naci nos tin cu “anhela na e lechi puro di e palabra, asina cu pa medio di dje [nos] por crece den salbacion.” (1 Pedro 2:2) Pero kico si loke Bijbel ta siña ta parce dificil pa compronde? “Mucha ta sigui puntra ‘Dicon’ te ora nan haya contesta satisfactorio pa nan preguntanan”, segun un trahado di creche. Ta bon pa nos sigui nan ehempel. Pues sigui studia. Papia cu cristiannan cu tin experencia. Pidi Jehova sabiduria. (Santiago 1:5) Sin duda, cu tempo bo oracionnan persistente lo haya contesta.—Mateo 7:7-11.
Pero algun hende kisas ta puntra: ‘No ta facil pa otronan gaña un hende cu ta dispuesto pa siña?’ No, si su fuente di guia ta confiabel, esei lo no ta e caso. Por ehempel, di naturalesa mucha ta acudi na nan mayornan pa guia. Un tata a bisa: “Mayornan a duna prueba cu por confia nan, ya cu nan ta duna guia y proteccion diariamente na nan yiunan.” Siguramente anto, nos tin motibonan similar pa confia nos Tata celestial, Jehova. (Santiago 1:17; 1 Juan 4:9, 10) Jehova ta duna nos guia confiabel mediante su Palabra skirbi. Su spirito santo y su organisacion ta consola y sostene nos. (Mateo 24:45-47; Juan 14:26) Si nos haci uzo di e provisionnan aki nos lo ta proteha contra daño spiritual.—Salmo 91:1-16.
Ora nos cultiva confiansa den Dios manera di mucha, nos ta haya pas mental tambe. Un experto di Bijbel a remarca: “Ora nos ta mucha nos ta cuminsa un biahe sin cen pa paga e ticket, sin e minimo idea con nos biahe lo termina. Isaias 41:10.
Y toch, ni un momento so nos no ta duda cu nos mayornan lo hiba nos sano y salvo na nos destinacion.” Nos tin e mesun confiansa ei den Jehova segun cu nos ta biaha atrabes di bida?—Pleno confiansa den Dios ta yuda nos evita actitud y accionnan cu lo por pone nos spiritualidad na peliger. Mas bien, nos tin tur confiansa den Hesus su palabranan, esta, cu nos Tata celestial conoce nos echonan y cu tanten cu nos ta busca prome e Reino y Dios su husticia, Dios lo percura pa nos. Esaki lo yuda nos resisti e tentacion di consentra mucho riba interesnan material en bes di riba nos responsabilidadnan spiritual.—Mateo 6:19-34.
“Mucha Chikito den Maldad”
Aunke mucha chikito ta nace imperfecto, nan tin un mente y curason puro y refrescante. P’esei Bijbel ta urgi cristiannan: “Sea mucha chikito den maldad.”—1 Corintionan 14:20.
Pensa riba e ehempel di Monique di cinco aña, kende ansiosamente a bisa su mama: “Mi amiga nobo, Sarah, tin cabei krul mescos cu mi!” E no a menciona cu Sarah su color y rasa tabata diferente. Un mayor a bisa: “Mucha chikito no ta wak color. Nan no tin idea di rasa ni prehuicio.” Den e aspecto aki, di un manera masha bunita mucha ta refleha e punto di bista imparcial di Dios, kende ta stima hende di tur nacion.—Echonan 10:34, 35.
Mucha tin tambe e capasidad remarcabel di pordona. Un mayor a bisa: “Ora e chikitinnan Jack cu Levi bringa, nos ta manda nan pidi otro despensa, y un poco despues nan ta hunga contento cu otro atrobe. Nan no ta keda pensa riba e asunto of trec’e padilanti cada biaha ni no ta pone condicion pa pordona. Nan ta keda bon cu otro.” Esta un bunita ehempel pa adultonan imita!—Colosensenan 3:13.
Ademas, mucha chikito ta cla pa reconoce cu Dios ta existi. (Hebreonan 11:6) Hopi bes e briyo cu nan tin di naturalesa ta motiva nan pa duna testimonio cu curashi na otro hende. (2 Reinan 5:2, 3) Nan oracionnan simpel y sincero por conmove e curasonnan di mas duro. Y ora nan haya nan cu tentacion, nan por desplega un fortalesa moral remarcabel. Ki un regalo precioso muchanan ta!—Salmo 127:3, 4.
Bunitesa Restaura
Kisas bo ta puntra: ‘Ta posibel pa adultonan logra haya bek e bunita cualidadnan di infancia?’ E contesta simpel y alentador ta si! Sin duda, Hesus su mandato pa “bira manera mucha” ta duna prueba cu e ta posibel.—Mateo 18:3.
Pensa riba esaki: Un team di hende specialisa den restaura obra di arte kisas ta purba drecha un obra masha costoso. Durante e proceso aki nan ta kita capanan di sushi cu a acumula riba dje y ta drecha e mal trabou cu otronan a haci den nan intento pa restaura e obra anteriormente. Despues di hopi esfuerso cu pasenshi, e colornan original briyante di e obra y su bunitesa natural ta bira bisto pa tur hende. Asina tambe, cu esfuerso persistente, cu yudansa di Jehova su spirito santo y cu e apoyo amoroso di e congregacion cristian, nos por logra haya bek e bunita cualidadnan cu tabata florece di forma natural tempo cu nos tabata mucha.—Efesionan 5:1.
[Plachi na pagina 9]
Mucha ta humilde di naturalesa
[Plachi na pagina 10]
Mucha chikito no tin prehuicio, y nan ta cla pa pordona y lubida