Nos Mester Tin Miedo di e Binida di Cristo?

CON bo ta imagina cu e binida di Hesucristo lo ta? Bo ta mir’e como un suceso cu lo nifica calamidad, angustia y castigo pa humanidad? Of bo ta spera cu lo e pone fin na tur nos problemanan? E binida di Cristo ta algo cu nos mester tin miedo di dje? Of nos mester anhel’e?

Relaciona cu e binida di Cristo, Bijbel ta bisa: “Mira, e ta bin cu e nubianan, y tur wowo lo mir’e, ... y tur e tribunan di Tera lo lamenta pa su motibo.” (Revelacion 1:7) E binida aki ta referi na Hesus su aparicion den futuro pa recompensa e hustonan y castiga e malbadonan.

En bes di tene miedo di dje, apostel Juan a anhela e binida di Cristo. Despues cu el a ricibi e revelacion tocante su binimento y tocante kico esei lo nifica pa Tera, Juan a bisa den un oracion sincero: “Bin, Señor Hesus.” (Revelacion 22:20) Pero pakico “tur e tribunan di Tera lo lamenta pa su motibo”? Den ki sentido “tur wowo” lo mir’e? Kico e binida di Cristo lo logra? Con nos fe den dje por beneficia nos awor? E siguiente articulo lo contesta e preguntanan aki.