Bo a tuma tempo pa lesa e ultimo edicionnan di E Toren di Vigilancia? Wel, wak si bo por contesta e siguiente preguntanan:

Na ki tempo Hesus “a predica na e spiritonan den prizon”? (1 Ped. 3:19)

Aparentemente, un poco tempo despues cu Hesus a ser resucita, el a anuncia na e spiritonan malbado cu nan lo haya nan castigo mereci.​—15/6, pagina 23.

Kico ta tres dificultad cu bo tin cu vence pa bo por tin exito den bo di dos matrimonio?

Di prome: No laga bo prome matrimonio afecta esun actual. Di dos: Yuda bo amigonan sa con pa trata bo casa nobo. Di tres: Siña confia bo partner nobo den caso cu esun prome no tabata fiel.​—1/7, pagina 9-10.

Na ki tempo Hesus lo husga hende como carne of cabrito? (Mat. 25:32)

Lo e haci esey ora e bin pa husga hende durante e tribulacion grandi, despues cu tur religion falso ser destrui.​—15/7, pagina 6.

Na ki tempo hende malbado menciona den e comparacion di trigo y mal yerba lo yora y morde riba djente? (Mat. 13:36, 41, 42)

Esey lo ta durante e tribulacion grandi, ora nan realisa cu nan lo no scapa destruccion.​—15/7, pagina 13.

Na ki tempo loke Hesus a bisa tocante e esclavo fiel y prudente a cumpli? (Mat. 24:45-47)

Loke el a bisa no a cuminsa cumpli na Pentecoste di aña 33, sino despues di 1914. Na aña 1919, Hesus a nombra e esclavo riba su sirbidornan di cas, y esaki ta inclui tur cristian cu ta ser alimenta den sentido spiritual.​—15/7, pagina 21-23.

Na ki tempo Hesus ta nombra su esclavo fiel riba tur su pertenencianan?

Esey lo ta den futuro, durante e tribulacion grandi, ora e esclavo fiel ricibi nan recompensa di bida den cielo.​—15/7, pagina 25.

Acaso e personanan cu Bijbel no ta menciona nan nomber tabata mal hende of no tabata importante?

Nos no mester conclui esey. Tin tanto bon hende como mal hende cu Bijbel no ta menciona nan nomber. (Ruth 4:1-3; Mat. 26:18) Den caso di e angelnan, Bijbel ta duna nos e nomber di solamente dos angel fiel.​—1/8, pagina 10.

Aparte di “e poder cu ta bin di Dios”, kico mas a yuda 230 Testigo sobrevivi e marcha largo for di campo di concentracion di Sachsenhausen?

Nan tabata anima otro constantemente pa sigui padilanti a pesar cu nan tabata zwak pa motibo di hamber y maleza.​—15/8, pagina 18.

Dicon e relato cu ta conta con e nacion di Israel a crusa Riu Jordan pa drenta e Tera Priminti ta un gran animacion pa nos?

A pesar cu nivel di e awa tabata halto y e riu tabata core masha duro, Jehova a stop e awa di core pa asina su pueblo por a crusa. Esey sigur a fortalece nan fe y confianza den Jehova, y e relato ey por ta hopi alentador pa nos tambe.​—15/9, pagina 16.

Kico e echo cu Bijbel frecuentemente ta haci mencion di color ta indica?

Esey ta mustra cu Dios sa cu color por tin efecto riba nos emocionnan y tambe por yuda nos corda cos.​—1/10, pagina 14-15.

Con e profecia di Mikeas 5:5 tocante ‘wardador di carne y lider’ ta cumpli awe?

Nos ta compronde cu e ‘shete wardador di carne y ocho lider’ ta representa e ancianonan nombra den congregacion. Nan ta esnan cu ta fortaleciendo e pueblo di Dios pa e binidero atake profetisa contra nan.​—15/11, pagina 20.

Kico ta algun motibo pakico nos mester di Dios?

Nos tin mester di bon guia y tambe contesta riba e preguntanan tocante problemanan di bida. Dios ta ofrece nos ambos cos. Ademas, e ta duna e yudansa necesario pa nos por biba bon y feliz, y pa logra esaki lo e cumpli cu e promesanan cu tin den su Palabra.​—1/12, pagina 4-6.