Milagernan Cu Lo Tuma Luga Pronto
Milagernan Cu Lo Tuma Luga Pronto
IMAGINA cu bo tin cu haci un operacion complica y bo a haya sa cu e ciruhano nunca a yega di haci e tipo di operacion ey. Con lo bo sinti bo? Sin duda lo bo ta preocupa, no ta berdad? Pero con lo bo sinti bo si, di otro banda, bo haya sa cu e dokter aki ta e mihor ciruhano den su ramo y cu e tin hopi experencia cu e tipo di operacion ey y cu el a yega di haci cientos di nan cu bon resultado? Esey lo no duna bo mas confianza cu e lo por yuda bo?
E mundo enfermo cu nos ta biba aden awe mester haci un “operacion” grandi. Jehova, como e gran ciruhano, a priminti pa medio di su Palabra, Bijbel, cu lo e haci e tera aki un paradijs. (2 Pedro 3:13) Pero pa logra esey, e tin cu kita maldad prome, esta, elimin’e completamente. (Salmo 37:9-11; Proverbionan 2:21, 22) Tur e condicionnan deplorabel cu nos ta mira rond di nos awe mester keda elimina prome cu nos planeta por bira un paradijs atrobe. Ta cu un milager so por logra esaki.—Revelacion 21:4, 5.
Testigonan di Jehova ta kere cu e cambionan grandi aki lo tuma luga pronto. Nan ta sigur di esaki, pasobra e milagernan cu Jehova Dios a haci caba ta duna prueba cu e tin poder pa cumpli cu su promesanan. Laga nos compara seis di e milagernan cu tin den Bijbel cu e promesanan cu e ta duna pa futuro.
Purba siña mas di e promesanan di Bijbel pa futuro. Segun cu bo fe ta crece, lo bo bira mas convenci di bo speransa—esta, e speransa di beneficia personalmente di e milagernan cu Jehova lo haci pronto.
[Cuadro/Plachi na pagina 7]
MILAGER:
HESUS A ALIMENTA MILES DI HENDE CU ALGUN PAN Y PISCA.—MATEO 14:13-21; MARCO 8:1-9; JUAN 6:1-14.
PROMESA:
“Tera a duna su fruta; Dios, nos Dios, ta bendiciona nos.”—SALMO 67:6.
NIFICACION PA NOS:
HENDE LO NO PASA HAMBER MAS.
MILAGER:
HESUS A PONE HENDE CIEGO MIRA.—MATEO 9:27-31; MARCO 8:22-26.
PROMESA:
“Wowo di e ciegonan lo mira.”—ISAIAS 35:5.
NIFICACION PA NOS:
TUR HENDE CIEGO LO MIRA ATROBE.
MILAGER:
HESUS A CURA HENDE DESHABILITA.—MATEO 11:5, 6; JUAN 5:3-9.
PROMESA:
“E cohonan lo bula manera bina.”—ISAIAS 35:6.
NIFICACION PA NOS:
LO NO TIN HENDE DESHABILITA MAS.
MILAGER:
HESUS A CURA VARIOS MALEZA.—MARCO 1:32-34; LUCAS 4:40.
PROMESA:
“Ningun habitante lo no bisa: ‘Mi ta malo.’”—ISAIAS 33:24.
NIFICACION PA NOS:
LO NO TIN NINGUN SORTO DI MALEZA MAS. NOS LO DISFRUTA DI SALUD PERFECTO.
MILAGER:
HESUS TABATIN CONTROL RIBA E FORSANAN DI NATURALEZA.—MATEO 8:23-27; LUCAS 8:22-25.
PROMESA:
“Nan lo traha cas y biba den nan; tambe nan lo planta cunucunan di wendruif y come nan fruta. Nan lo no traha en vano.”—ISAIAS 65:21, 23.
“Lo bo ta leu di opresion, pasobra lo bo no tin miedo; y leu di teror, pasobra esey lo no yega cerca bo.”—ISAIAS 54:14.
NIFICACION PA NOS:
LO NO TIN DESASTER NATURAL MAS.
MILAGER:
HESUS A LANTA HENDE FOR DI MORTO.—MATEO 9:18-26; LUCAS 7:11-17.
PROMESA:
“Tur esnan cu ta den graf . . . lo sali afo.”—JUAN 5:28, 29.
“Lama a entrega e mortonan den dje, y morto y Graf a entrega e mortonan den nan.”—REVELACION 20:13.
NIFICACION PA NOS:
NOS SERNAN KERI CU A MURI LO SER RESUCITA.
