Riba e anochi prome cu Hesus a entrega su bida como sacrificio, el a duna su fiel siguidornan instruccion pa recorda, of conmemora, su sacrificio. Uzando e pan sin zuurdeeg y e biña cora cu tabatin nan dilanti, el a introduci loke hende ta yama e Cena di Señor y a bisa: “Sigui haci esaki na mi memoria.”—Lucas 22:19.

Tur aña, testigonan di Jehova ta reuni rond mundo pa conmemora e morto di Hesus riba e fecha cu el a muri. E aña aki, e Conmemoracion ta cay riba dialuna 14 di april, despues cu solo baha.

Bo ta keda cordialmente invita pa bin reuni cu nos. Na e ocasion ey lo bo haya mas informacion tocante e balor di Hesus su sacrificio di rescate. Entrada ta completamente gratis y no ta pasa collect. E persona cu a duna bo e revista aki por bisa bo e ora y e sitio caminda lo tene e Conmemoracion den bo area, of bo por bay na nos website jw.org pa bo haya sa e detayenan ey. Pa bo no perde e evento aki, lo ta bon pa bo marca e fecha riba bo kalender.