Pregunta Cu Bijbel Ta Contesta
Kico lo sosode cu hende den futuro?
Con e morto di Hesus por logra forma un sociedad caminda tur hende di berdad ta interesa den otro?
Sin duda, hende lo sigui bay dilanti riba tereno di ciencia. Pero hende mes por logra forma un sociedad caminda tur hende di berdad ta interesa den otro? No. Awendia, mundo ta yen yen di hende egoista y golos. Pero Dios tin algo mihor pa nos den futuro.—Lesa 2 Pedro 3:13.
E Palabra di Dios ta bisa cu den futuro hende rond mundo lo stima otro. Hende lo biba den siguridad y niun hende lo no haci otro daño.—Lesa Mikeas 4:3, 4.
Con Dios lo caba cu egoismo?
Dios no a crea hende cu e tendencia di bira egoista. Pero, ora e prome homber a desobedece Dios, el a bira imperfecto. Ta pa su motibo hende ta egoista awe. A pesar di esey, Dios lo uza Hesus pa haci hende perfecto.—Lesa Romanonan 7:21, 24, 25.
Di acuerdo cu Dios su boluntad, Hesus a muri como sacrificio pa salba nos di e consecuencianan di e desobediencia di e prome homber. (Romanonan 5:19) Pues, Hesus a habri caminda pa hende disfruta di un futuro maraviyoso, den cua nan lo no tin e tendencia egoista mas di haci malo.—Lesa Salmo 37:9-11.
You May Also Like
E TOREN DI VIGILANCIA
Promesanan Cu Lo Cumpli Sigur
Hopi profecia di Bijbel a cumpli caba, y tin otronan cu mester cumpli ainda den futuro.
E TOREN DI VIGILANCIA
Pronto Dios Lo Caba cu Tur Sufrimento
Ki prueba tin cu Dios pronto lo caba cu tur sufrimento y inhusticia?
