SIGUI VIGILA!
2022: Un Aña Turbulento—Kico Bijbel Ta Bisa?
Durante aña 2022, guera, problema economico y desaster natural tabata hopi den noticia. Ta Bijbel so por splica nificacion di e sucesonan aki.
Berdadero nificacion di algun suceso cu a tuma luga durante 2022
E sucesonan cu a tuma luga durante e aña cu a pasa ta mas prueba cu nos ta bibando den e tempo cu Bijbel ta yama “e ultimo dianan.” (2 Timoteo 3:1) E periodo ey a cuminsa na aña 1914. Mira con e siguiente sucesonan ta cuadra cu loke Bijbel a bisa hopi tempo adelanta tocante nos tempo:
“Guera.”—Mateo 24:6.
“Na Aña 2022, Europa A Bolbe Hay’e cu Guera.” a
Wak e articulo: “Rusia A Invadi Ucrania.”
“Scarsedad di cuminda.”—Mateo 24:7.
“2022: Un Aña Historico pa Loke Ta Scarsedad di Cuminda.” b
Wak e articulo: “E Guera na Ucrania Ta Contribui na Scarsedad di Cuminda Rond Mundo.”
“Pest.”—Lucas 21:11.
“Polio a bolbe lanta cabes. Tabatin brota di algo manera bruela (monkeypox). Y COVID-19 ta sigui causa problema pa humanidad. E malezanan ey ta mustra con peligroso maleza contagioso ta y con vulnerabel hende ta.” c
Wak e articulo: “6 Miyon Hende A Muri Debi na COVID.”
“Escenanan spantoso.”—Lucas 21:11.
“Na aña 2022, tabatin ola di calor, secura, candela di mondi y inundacion. Durante zomer di aña 2022, tabatin varios desaster natural cu a causa hopi destruccion. Miles di hende a muri, y hopi hende mester a bandona nan cas. No tin duda: Hende lo corda tur e sucesonan doloroso ey.” d
Wak e articulo: “Temperatura Ta Subi Drasticamente Rond Mundo.”
“Desordo.”—Lucas 21:9.
“Mas y mas hende ta rabia pa motibo di e problemanan economico cu ta surgi, specialmente debi na costo di bida cu ta subi. Durante aña 2022, tabatin hopi protesta contra e gobiernonan debi na problema economico, mas cu nunca prome.” e
Wak e articulo: “Costo di Bida Ta Subi Rond Mundo.”
Kico nos por spera otro aña?
Niun hende no por bisa cu exactitud kico lo sosode na aña 2023. Loke si nos sa ta cu pronto e Reino di Dios, of Dios su gobierno celestial, lo tuma accion. (Daniel 2:44) Si, e gobierno di Dios lo caba cu tur loke ta pone hende sufri, y lo e percura pa boluntad di Dios cumpli aki riba Tera.—Mateo 6:9, 10.
Nos ta anima bo pa “keda vigila”, manera Hesucristo a conseha nos, pa bo por mira con e sucesonan na mundo ta cumplimento di profecia biblico. (Marco 13:37) Por fabor, tuma contacto cu nos pa haya sa mas tocante con Bijbel por yuda bo awor y con abo y bo famia por disfruta di e mihor futuro cu Bijbel ta priminti.
a AP News, “Na Aña 2022, Europa A Bolbe Hay’e cu Guera”, Jill Lawless, 8 di december 2022.
b World Food Programme, “Scarsedad di Cuminda Rond Mundo.”
c JAMA Health Forum, “Bibando den un Era di Pandemia—COVID-19; Monkeypox; Polio; Maleza X”, Lawrence O. Gostin, JD, 22 di september 2022.
d Earth.Org, “Mal Tempo Extremo Durante Zomer 2022—Con Bin?” Martina Igini, 24 di october 2022.
e Carnegie Endowment for International Peace, “Mundialmente, Hopi Hende A Protesta Debi na Problema Economico Durante 2022”, Thomas Carothers y Benjamin Feldman, 8 di december 2022.
You May Also Like
PREGUNTA CU BIJBEL TA CONTESTA
Kico Ta e Señal di “e Ultimo Dianan”, of di “e Tempo Stipula di e Fin”?
Bijbel ta papia di varios suceso cu lo yuda nos haya sa si nos ta bibando den e ultimo dianan.
E TOREN DI VIGILANCIA
Pronto Dios Lo Caba cu Tur Sufrimento
Ki prueba tin cu Dios pronto lo caba cu tur sufrimento y inhusticia?
MAS TOPICO
Berdadero Speransa pa un Mihor Futuro
Dicon e promesanan di Bijbel ta diferente for di e promesanan cu hende ta haci y for di loke hende ta bisa lo sosode den futuro?
TOCANTE NOS
Pidi un Bishita
Papia tocante un topico di Bijbel of haya sa mas tocante testigonan di Jehova.
