Na Haiti e violencia pa motibo di gang ta for di control. Na Sur Africa, Mexico y otro pais den Latino America hende ta sufri hopi pa motibo di crimen violento. Hasta na luga caminda tin menos violencia cu antes, hende ainda ta sinti nan insigur y ansha. Dicon? Pasobra nan ta scucha informe di crimen, manera ladronicia y vandalismo.

 Kico Bijbel ta bisa tocante e violencia cu ta tumando luga rond mundo?

 Bijbel ta bisa cu violencia lo ta parti di e señal di e “conclusion di e era aki.” (Mateo 24:3) Ora Hesus a describi e sucesonan cu ta forma parti di e señal, el a bisa:

•   “Pa motibo di aumento di maldad, amor di mayoria di hende lo fria.”—Mateo 24:12

 Ademas, Bijbel ta profetisa cu “den e ultimo dianan” hende lo ta “sin dominio propio, feroz, sin amor pa loke ta bon.” (2 Timoteo 3:1-5) E caracteristicanan egoista ey ta hiba na e comportacion violento cu nos ta mira awendia.

 Pero nos tin speransa. Bijbel ta priminti cu pronto lo no tin violencia mas.

•   “Djis aki, lo no tin hende malbado mas. Lo bo bay wak caminda nan tabata, ma nan lo no t’ey. Pero hende manso lo hereda Tera, y nan lo disfruta di paz na abundancia.”—Salmo 37:10, 11.

 Siña mas tocante e speransa cu Bijbel ta duna y dicon bo por tin sigur cu e sucesonan cu nos ta mira den nos tempo ta cumpli cu profecia di Bijbel. Wak e siguiente articulonan.

 “Berdadero Speransa pa un Mihor Futuro”

 “Kico Ta e Señal di ‘e Ultimo Dianan’, of di ‘e Tempo di e Fin’?”

 “Beibel A Bisa Kon Hende Lo Pensa i Aktua den Nos Tempu”