E lidernan di mundo y varios organisacion internacional no ta logra trece paz na mundo. Desde Segundo Guera Mundial, tin mas y mas conflicto y violencia. Mas o menos, dos mil miyon hende, esta, un cuart di e poblacion mundial, ta ser afecta pa motibo di conflicto.

 Dicon hende no por logra trece paz? Kico Bijbel ta bisa?

1.  1. Actitud di hende ta stroba nan hasta di purba di drecha asunto cu otro. Hopi tempo pasa, Bijbel a describi actitud di e hendenan di nos tempo: “Hende lo stima nan mes, stima placa; nan lo ta bromado, arogante, ... desleal, ... nan lo no ta dispuesto pa cera ningun acuerdo; ... sin dominio propio, feroz, ... cabesura, hincha di orguyo.”​—2 Timoteo 3:2-4.

2.  2. Ni individual ni como grupo, hende no tin e capacidad pa resolve nan problemanan sin yudansa di nan Creador, Jehova a Dios. Bijbel ta bisa cu “no ta keda na un persona pa e mes dirigi su pasonan.”—Jeremias 10:23.

3.  3. Ta Satanas, of Diabel, ta goberna e mundo aki. E ta un gobernante poderoso y malbado. E “ta gaña henter e Tera habita.” (Revelacion 12:9) Pues, tanten cu “henter mundo ta den poder di e Malbado”, lo tin guera y conflicto.​—1 Juan 5:19.

 Bijbel ta sigura nos cu pronto lo tin paz mundial. Bijbel ta mustra cu ta bay tin paz mundial danki na Dios, y no debi na esfuerso humano.

•   “Esaki ta loke Jehova ta bisa: ‘Mi sa bon bon loke mi tin na mente pa boso. Mi kier duna boso paz, y no calamidad. Lo mi duna boso un speransa y un bon futuro.’”​—Jeremias 29:11.

 Con Dios lo realisa e promesa ey? Bijbel ta mustra cu Dios lo aplasta Satanas. (Romanonan 16:20) Pa medio di “e Reino di Dios”, cu ta un gobierno celestial, Dios lo trece paz rond mundo. (Lucas 4:43) Bou di guia di Hesucristo, Rey di e Reino di Dios, hende lo siña biba na paz cu otro.​—Isaias 9:6, 7.

•   Pa haya mas informacion, lesa e articulo: “Kico e Reino di Dios Lo Haci?”