Na aña 2023, e lucha contra soledad a bira un prioridad rond mundo. Hopi hende ta sufri debi na soledad. Ta posibel pa gana e bataya contra soledad?

•   “Soledad y isolacion ta un menasa grandi. Nan por afecta nos salud y bienestar.”—Dr. Vivek Murthy, hefe di departamento di salubridad publico na Merca. Dokter Murthy a sigui bisa: “Nos tur por logra vence soledad.” Con asina? “Tur dia, nos tin cu dal stap chikito pa fortalece nos amistadnan.” a

 Isolacion no ta e unico causa di soledad. Tin hende ta lucha cu soledad maske tin hopi hende rond di nan. Sea cual sea e motibo pakico un hende ta lucha cu soledad, Bijbel por yuda nos. Bijbel tin conseho practico cu por yuda nos den nos lucha contra soledad. Nos mester cera bon amistad y fortalece nos amistadnan.

 Comunica bon. No djis papia di bo sintimentonan so. Sea un bon scuchado tambe. Mas interes bo mustra den otro hende, mas fuerte bo amistad cu nan lo bira.

•   Principio di Bijbel: “No busca boso mes interes so, ma tambe interes di otro hende.”—Filipensenan 2:4.

 Cera amistad cu mas hende. Sea dispuesto pa cera amistad cu hende mas grandi cu bo, cu hende mas jong cu bo y cu hende di otro cultura of nacionalidad.

•   Principio di Bijbel: “Habri boso curason hancho.”—2 Corintionan 6:13.

 Pa mas informacion tocante con bo por cera amistad fuerte, lesa e articulo: “Con pa Satisface Nos Hamber pa Amistad.”