Si, pasobra e mihor yudansa ta bin di “Dios, kende ta consola esnan cu ta deprimi.”—2 Corintionan 7:6.

•   Forsa. Dios ta “consola” nos, pasobra maske e no ta kita tur nos problemanan, ora nos pidie, e ta duna nos e forsa cu nos mester pa trata cu nos situacion. (Filipensenan 4:13) Nos por ta sigur cu e ta cla pa scucha nos, pasobra Bijbel ta bisa: “SEÑOR ta cerca di e hende di curason kibra, y ta salba esnan di spirito abati.” (Salmo 34:18, Beibel Santu) En realidad, Dios por tende nos sclamacion pa yudansa hasta ora nos no por haya palabra pa expresa nos sintimentonan.—Romanonan 8:26, 27.

•   Ehempel cu por anima nos. Un escritor di Bijbel a expresa su angustia na Dios cu e palabranan: “For di e profundidadnan mi a sclama na bo, o SEÑOR.” (Salmo 130:1, Beibel Santu) Kico a yuda e salmista aki lucha cu su depresion? El a corda cu Dios no ta keda culpa hende pa e malo cu nan ta haci sino ta dispuesto pa pordona pica. Mas bien, el a bisa Dios: “Si Bo kòrda nos pikánan, SEÑOR, ken lo por wanta bo huisio? Serka Bo nos por haña pordon pa nos siña respetá Bo.”​—Salmo 130:3, 4, Beibel na papiamentu koriente.

•   Speransa. Ademas di e consuelo cu Dios ta duna nos awe, el a priminti tambe di caba cu tur dificultad cu ta deprimi hende. Ora e cumpli cu e promesa ey, “e cosnan di antes [incluso depresion] lo no wordo recorda mas ni bin na memoria.”​—Isaias 65:17, Beibel Santu.

 Nota: Aunke nos como testigonan di Jehova tin e confianza cu Dios ta yuda nos, nos ta busca tambe tratamento medico pa e maleza di depresion. (Marco 2:17) Pero, nos no ta recomenda ningun tratamento medico en particular. Ta keda na cada persona pa tuma su mes decision ora ta trata asunto di salud.