Claro cu si. Hesus a indica cu su siguidornan por busca tratamento medico ora el a bisa cu “hende bon di salud no tin mester di dokter, ma hende malo si.” (Mateo 9:12) Aunke Bijbel no ta un buki medico, e ta contene principionan pa guia hende cu kier agrada Dios.

Pregunta cu bo tin cu haci bo mes

 1. Mi ta compronde e tratamento cu dokter kier duna mi? Bijbel ta conseha nos pa busca informacion confiabel en bes di “kere tur cos.”—Proverbionan 14:15, Beibel Santu.

 2. Mi mester busca un di dos of di tres opinion? Ta bon cu bo por acudi na algun di e “hopi consehero[nan]” cu tin, specialmente ora bo condicion di salud ta grave.—Proverbionan 15:22, Beibel Santu.

 3. E tratamento ta bay contra e mandamento di Bijbel pa “abstene ... di sanger”?—Echonan 15:20.

 4. E diagnostico of tratamento tin di haber cu spiritismo of bruheria? Ta bon pa sa esey, pasobra Bijbel ta condena “bruheria.” (Galationan 5:19-21) Pa bo haya sa si e tin di haber cu spiritismo of bruheria, haci bo mes e siguiente preguntanan:

•   E persona cu ta duna tratamento ta practica spiritismo?

•   E tratamento ta basa riba e creencia cu ta un enemigo cu ta practica bruheria of un dios cu bo a ofende a causa e maleza?

•   E persona cu ta duna tratamento ta uza rito religioso, magia, obheto of otro practica di bruheria tanto den preparacion como den uzo di remedi?

 5. Mi ta demasiado preocupa cu mi salud? Bijbel ta conseha: “Laga tur hende mira ki rasonabel boso ta.” (Filipensenan 4:5) Ora bo ta rasonabel, esey lo yuda bo concentra riba “e cosnan mas importante”, manera asuntonan spiritual.—Filipensenan 1:10; Mateo 5:3.