4 DI MAART 2022
RUSIA

E Palabranan Animante di Otro Ruman Ta Fortalece Ruman Lyudmila Shchekoldina

PLAY

Corte di Districto Pavlovskiy di Teritorio Krasnodar pronto lo anuncia veredicto den e caso contra Ruman Lyudmila Shchekoldina. Ainda fiscal no a bisa ki sentencia lo e pidi pa Ruman Lyudmila.

Algun Suceso Cu A Tuma Luga

23 di april 2020

E autoridadnan a cuminsa un caso penal contra Lyudmila despues cu el a papia cu un persona tocante Bijbel cu despues a resulta di ta un polis secreto
29 di april 2020

E autoridadnan a rista Lyudmila su cas pa nuebe ora largo y a interog’e. El a ser acusa oficialmente di promove actividad di un organisacion extremista
21 di juni 2021

E caso penal a cuminsa den corte

Informacion Personal

Lyudmila Shchekoldina

Naci na: 1976 (Alexandrovka, Teritorio Krasnodar)

Background: Na mucha, el a siña toca piano. El a bira juffrouw di scol

E tabata puntra su mes kico ta e proposito di bida y pakico tabatin asina tanto inhusticia. El a cuminsa studia Bijbel cu testigonan di Jehova y haya contesta satisfactorio pa su preguntanan. El a batisa na aña 1995

Loke Nos Ruman A Bisa

Ki animacion bo a haya for di otro ruman?

Recientemente, algun ruman muher a traha un video pa mi. Un di nan a bisa: “Ora mi pensa riba bo, mesora mi ta corda riba e ehempel di e mucha muher Israelita. Dicon? E ... tabata parce un mucha debil, pero e tabata manera un guerero poderoso! Pa ami, bo tambe ta dunando e mesun ehempel di curashi.”

E superintendente di circuito a manda un carta pa mi cu texto di Bijbel animante pa mi pensa ariba. Un di nan tabata Salmo 68:28. El a mustra con e texto ta aplica na mi. El a skirbi: “Bo ta pasando den un tempo dificil aworaki. Sinembargo, mi sa cu bo amor pa Jehova y bo lealtad na dje lo yuda bo para firme ... Jehova ta orguyoso di su sirbidornan leal.”

Mi ta warda e comentarionan animante ey den mi dagboek, y mi ta lesa nan hopi biaha.

Nos tin sigur cu Lyudmila y tur nos otro rumannan cu ta pasando den prueba lo para firme cu Jehova su yudansa.—Salmo 68:28.

COMUNICADO