21 DI SEPTEMBER 2022 | INFORMACION NOBO: 2 DI JANUARI 2023
RUSIA

INFORMACION NOBO—NOS RUMAN A BAY PRIZON | Algun Motibo pa Keda Contento

PLAY

Dia 28 di december 2022, Corte di Districto Oktyabrskiy na Krasnoyarsk a condena Ruman Aleksandr Filatov. Corte a dicta un sentencia di 6 aña di prizon contra Ruman Aleksandr. Ruman Aleksandr a keda deteni.

Algun Suceso Cu A Tuma Luga

9 di juli 2021

A cuminsa un caso penal contra Aleksandr. E ta ser acusa di a organisa actividad pa un organisacion extremista
11 di juli 2021

E autoridadnan a rista su cas
13 di juli 2021

Aleksandr a ser aresta y hiba na Ministerio di Asunto Interino
15 di juli 2021

Nan a pon’e den aresto preventivo
20 di januari 2022

Caso den corte ta cuminsa

Informacion Personal

Aleksandr Filatov

Naci na: 1984 (Sharypovo, Teritorio Krasnoyarsk)

Background: El a traha como ingeniero y electricien

Su mama a siñ’e tocante Jehova. Na 1994, el a batisa como testigo di Jehova

El a casa cu Yelena na 2007. Nan tin dos yiu homber

Loke Yelena, casa di Aleksandr, a bisa tocante Aleksandr a

Kico a yuda Aleksandr soporta su situacion den prizon durante su aresto preventivo?

Aleksandr tin un schrift pa e skirbi tur e bendicionnan cu el a experencia. Den e schrift, e ta skirbi tur motibo cu e tin pa keda contento. E ta purba di busca cos positivo den e cosnan dificil cu e ta pasa aden. El a bisa tambe cu lesamento di Bijbel y oracion ta yud’e keda positivo.

Mi tambe ta purba di anima Aleksandr. Prome cu mi skirbi un carta p’e, mi ta pensa tocante cos cu por anim’e. Por ehempel, mi ta pensa tocante un les cu mi a saca for di un texto di Bijbel cu mi a lesa of algun palabra di animacion cu e rumannan a comparti cu mi.

Aleksandr ta fiel na Jehova, y e ta pone un bon ehempel pa nos. Su ehempel ta corda nos cu Jehova ta bendiciona hende cu ta sirbie cu alegria y cu curason contento.—Deuteronomio 28:47.

a Durante preparacion di e articulo aki, Ruman Filatov tabata den aresto preventivo, y nos no por a hacie pregunta.

COMUNICADO