18 DI NOVEMBER 2021
RUSIA

INFORMACION NOBO | Ruman Andrey Ledyaykin Su Amistad cu Jehova y cu Su Rumannan Ta Yud’e Para Firme

PLAY

Corte di Stad di Severskiy di Region Tomsk a condena Ruman Andrey Ledyaykin. Corte a dicta un sentencia di 26 luna den prizon contra Ruman Andrey. Mesora, e autoridadnan a detene Ruman Andrey.

Algun Suceso Cu A Tuma Luga

12 di juli 2021

Andrey su caso penal den corte a cuminsa
30 di maart 2021

Andrey a ser acusa di participa den actividad extremista
29 di maart 2021

Nan a prohibi Andrey di biaha
25 di maart 2021

Nan a cuminsa un caso penal contra di Andrey. Pa e motibo ey, el a perde su trabou
14 di juli 2020

Agente di Agencia Federal di Siguridad di Rusia (FSB) y dos polis a aresta Andrey na su trabou. Despues, nan a rista su cas 12 ora largo
maart y april 2020

Un agente di FSB a haci comosifuera e ta interesa den Bijbel. El a filma combersacion cu e tabatin cu Andrey y otro ruman sin cu nan tabata sa

Informacion Personal

Andrey Ledyaykin

Naci na: 1988 (Seversk, Region Tomsk)

Background: E gusta ski, schaats, landa y cana den naturaleza. E tabata traha como accountant

Despues cu su welo a muri, e tabatin pregunta tocante morto, Dios y futuro. Despues di a duda un tiki el a acepta un invitacion for di un amigo pa asisti na un reunion. El a keda masha impresiona cu e amor cu nan a demostra na dje y el a batisa na aña 2013. Actualmente, e ta e unico testigo di Jehova den su famia

Loke Nos Ruman A Bisa

Con bo amistad cu Jehova a fortalece bo?

Durante tur e tempo aki, Jehova no a bandona mi ... Nunca mi no a yega di sinti Jehova su yudansa y apoyo mes tanto cu mi a sintie durante e tempo aki. E sa cu mi ta sufri pa motibo di su nomber y nunca e no ta bandona esnan leal na dje. Jehova ta e mihor amigo cu un persona por tin!

Con bo amistad cu bo rumannan a fortalece bo?

Tin biaha mi no sa kico pa bisa ora mi mira cuanto amor e rumannan ta demostra na mi. Ta bisto cu ora nos ta pasando den un problema, ta comosifuera tur nos rumannan ta pasando den e problema ey hunto cu nos.

Ta un animacion pa mira cu a pesar di tur e dificultadnan cu Andrey ta pasando aden, Jehova ta dunando Andrey “un trato special.”—Salmo 4:3.

COMUNICADO