1 DI FEBRUARI 2023
RUSIA

“No Ta Mi Circunstancianan Mester A Cambia”

PLAY

Corte di e stad Kovrovskiy, na region Vladimir pronto lo anuncia su veredicto den un caso penal contra Ruman Boris Simonenko. Fiscal no a bisa ainda ki sentencia lo e pidi pa Ruman Simonenko.

Informacion Personal

Boris Simonenko

Naci na: 1955 (Ucrania)

Background: Tabata minero

El a casa cu Ida na aña 1978. Nan tin un yiu homber, Aleksey

Ida a cuminsa studia Bijbel cu testigonan di Jehova prome. Cu tempo, Boris tambe a cuminsa studia Bijbel, pasobra el a mira e beneficionan di aplica principio di Bijbel den su famia. Ida a batisa na aña 1996; Aleksey a batisa na aña 1998, y Boris a batisa na aña 2000

Loke Nos Ruman A Bisa

Con bo ta keda positivo a pesar di e dificultadnan cu bo ta pasando aden?

Na un congreso regional, mi a tende un discurso cu a anima mi hopi. E ruman a bisa: “Ta mihor pa bo ta den prizon y bo ta bon cu Dios, na luga di ta pafo di prizon sin Dios.” Esey a yuda mi compronde algo importante: No ta mi circunstancianan mester a cambia pa mi ta feliz, pero mi manera di mira e circunstancianan ey mester a cambia. Semper mi ta keda corda riba loke e ruman a bisa. E palabranan ey ta anima mi pa mi no entrega. Esey ta corda mi riba e texto di Salmo 27:13. E ta bisa: “Kico lo a para di mi si mi no tabatin fe cu lo mi mira Jehova su bondad tanten cu mi ta na bida?” Mi tin 20 aña caba ta sirbi Jehova. Pero loke mi ta pasando aden aworaki a yuda mi ta mas cerca di Jehova.

Nos tin sigur cu Jehova lo sigui duna Boris y su famia forsa tanten cu nan ta keda cerca di dje.—1 Cronicanan 16:27.

Algun Suceso Cu A Tuma Luga

8 di februari 2021

Sin cu Boris tabata sa, e autoridadnan tabata graba su combersacionnan na telefon pa por cuminsa un caso penal contra dje
17 di februari 2021

E autoridadnan a rista su cas. Despues, nan a interoga Boris y deten’e temporalmente
18 februari 2021

Caso penal a cuminsa. E autoridadnan a acusa Boris di dirigi reunion di testigo di Jehova via Internet. Nan a pone Boris bou di aresto preventivo
13 di juli 2021

E autoridadnan a kita Boris su aresto preventivo y pon’e bou di aresto na cas
17 di februari 2022

E autoridadnan a kita Boris su detencion na cas, y nan a dun’e ordo pa e no biaha
15 di september 2022

A cuminsa trata e caso penal den corte

COMUNICADO