3 DI JUNI 2024
RUSIA

“Tur Cos den Mi Bida Ta Draai Rond di Jehova”

PLAY

Pronto, Corte di Districto di Vyselkovskiy di Teritorio Krasnodar lo anuncia un veredicto den e caso contra Ruman Yelena Gadrshina. Fiscal no a pidi un castigo ainda pa Ruman Yelena.

Informacion Personal

Yelena Gadrshina

Naci na: 1958 (Bazarny Sygan, Region Ulyanovsk)

Background: Prome cu el a baha cu pensioen, e tabata traha como boekhouder

E tin un yiu muher

Ora el a cuminsa studia Bijbel, el a siña cu e Reino di Dios lo trece paz duradero pa humanidad. Esey a dun’e hopi consuelo. El a ser batisa na aña 1999

Loke Nos Ruman A Bisa

Kico ta yuda bo pa bo no tin miedo?

Salmo 74:22 ta corda mi di algo importante. E ta bisa: “O Dios, lanta ariba, y defende bo caso.” E texto ey ta corda mi cu, en realidad, e caso aki no ta bay tocante ami como persona, pero e caso ta tocante Jehova y su nomber. Pesey, mi tin tur confianza cu Jehova lo yuda mi pa alaba su nomber. Tin un otro cos cu ta yuda mi hopi pa mi no tin miedo: Mi ta corda mi mes loke ta mas importante den mi bida. Tuma e planetanan como ehempel. Nan ta draai rond di solo, y pesey tur cos ta funciona bon. Den mi caso ta mescos. Tur cos den mi bida ta draai rond di Jehova; e ta e persona mas importante den mi bida. Pa e motibo ey, mi bida ta hopi bon.

Nos ta contento cu nos por confia den Jehova, mescos cu Ruman Yelena. Jehova semper lo uza su poder pa apoya nos y defende nos.—Salmo 54:1, 2.

Algun Suceso Cu A Tuma Luga

13 di februari 2022

E autoridadnan a rista su cas. Nan a confisca su aparatonan electronico, su carchinan di banco y su datonan personal
15 di juni 2023

Caso penal a cuminsa
10 di augustus 2023

E autoridadnan a interoga Ruman Yelena y dun’e ordo pa e no biaha
30 di januari 2024

A cuminsa trata e caso penal den corte

COMUNICADO