E sucursal na Spaña recientemente a caba di renoba un di su edificionan. E edificio aki lo ser uza principalmente pa e departamento di traduccion. E renobacion di e edificio aki ta parti di un proyecto grandi di renobacion cu ta plania pa caba na 2025.

Awor, e edificio nobo tin un bibliotheek tambe. E bibliotheek tin e capacidad pa warda te cu 4000 buki di referencia pa e trabou di traduccion. Den e bibliotheek, tin algun buki cu no ta disponibel den forma digital.

Ruman John Bursnall, un miembro di e comite di sucursal a bisa: “E trabou na e sucursal di Spaña a cambia masha hopi durante e ultimo 25 añanan. Prome, e sucursal tabata ser uza principalmente pa warda cos y pa imprimi literatura. Awor, e sucursal lo ser uza tambe pa traduci literatura na Spaño, na Idioma di Seña Spaño y pa haci transcripcion di Braille na varios idioma Europeo. Pa e motibo ey, mester a amplia e espacio na e oficina di sucursal. E renobacion aki sigur lo yuda nos yuda nos rumannan rond mundo mihor.”

Ya caba a cuminsa cu e renobacion di cuater edificio. Un cantidad di 200 boluntario di construccion lo yuda cu e renobacion aki. Nan ta trahando 70 cas temporal riba e tereno di sucursal pa acomoda e boluntarionan aki.

E trabou di haci hende discipel ta sigui bay dilanti na Spaña. Tin un cantidad di 120.530 publicador na Spaña. Na e momento aki, tin 23.565 pionero regular na Spaña. Ocho biaha tabatin maximo nobo den e cantidad di predicador di tempo completo durante e ultimo aña.

Nos ta sigur cu Jehova lo sostene e proyecto aki pa asina esey por cumpli cu e proposito di alaba su nomber santo.—Salmo 61:8.