Dia 13 di april 2022, yobida pisa a afecta parti di provincia KwaZulu-Natal, Sur Africa. Centenares di hende a muri, y e awa a causa hopi daño. Algun area a haya 300 milimeter di awasero den un periodo di 24 ora. Hopi area a keda sin coriente of conexion di awa. Awa a destrui hopi caya.

• Niun di nos rumannan no a muri

• Un yiu muher di un ruman muher a ser herida levemente ora un muraya a cay riba dje

• Un ruman homber a ser herida levemente ora awa a lastra su cas bay cu ne

• 27 cas a ser destrui

• 102 cas a haya daño

• 87 publicador mester a bay for di nan cas

• 2 Salon di Reino tin daño leve

• A forma un Comite di Yudansa pa coordina e trabounan di yudansa

• Anciano di congregacion y superintendente di circuito ta dunando yudansa practico na e publicadornan cu tin mester di yudansa

• E rumannan ta sigui tur instruccion di precaucion relaciona cu COVID-19

Nos tin sigur cu Jehova lo sigui yuda nos rumannan cu ta pasando den momento dificil. Mientrastanto, nos ta warda ansiosamente pa e bendicionnan eterno cu Jehova lo duna nos den futuro.—2 Corintionan 4:18.