Riba 24 di februari 2022, Rusia a invadi Ucrania. Tin mas cu 129.000 testigo di Jehova (sin conta nan yiunan) cu ta biba na Ucrania. E sucursal na Ucrania a forma 27 Comite di Yudansa pa yuda nos rumannan. Nos rumannan na Ucrania ta mustrando berdadero amor cristian. Nan ta dunando yudansa practico y sosten emocional na otro y na nan prohimo durante e tempo di crisis aki.

Mayoria di nos rumannan a keda na Ucrania, pero algun di nan a tuma e decision personal pa bandona e pais. E rumannan cu a huy a keda pega den fila largo. Tin biaha, e filanan aki tabata 30 kilometer largo. Ademas, nan mester a warda entre tres pa cuater dia pa pasa duana. Tabatin ruman na Ucrania mes cu tabata duna e rumannan cu tabata warda den fila algo di come of di bebe y nan tabata duna otro yudansa practico. Anto ora cu finalmente e rumannan di Ucrania cu tabata huy a logra pasa frontera y drenta otro pais, nan tabata topa varios ruman cu tabata yama nan bonbini cu borchi di jw.org. E rumannan ey tabata cla pa consola y yuda nos rumannan di Ucrania.

• Cu tristeza, nos mester informa cu, riba 1 di maart 2022, 1 ruman sordo na Kharkiv a muri durante e bombardeonan. Su casa a ser gravemente herida

• 3 otro ruman tambe a ser herida

• Mas cu 5.000 publicador a bandona nan cas

• 2 cas a ser destrui

• 3 cas tabatin daño grandi

• 35 cas tabatin daño leve

• 2 Salon di Reino tabatin daño

• Hopi publicador a perde coriente, calefaccion (verwarming), telefon y no tabatin suficiente awa

• Sucursal a forma 27 Comite di Yudansa

• E comitenan a yuda 867 publicador haya otro luga mas sigur pa keda

• E comitenan ta trahando pa percura loke e rumannan tin mester, manera cuminda y awa

E cifranan aki riba ta di e prome informenan cu a drenta.

Nos ta pidi Dios pa duna nos rumannan sabiduria y comprondemento pa trata cu e situacion dificil aki y pa e yuda nan sigui mustra berdadero amor cristian.—Proverbionan 9:10; 1 Tesalonicensenan 4:9.