11 DI MAART 2022
UCRANIA
ULTIMO INFORME #2 | Nos Rumannan Ta Mustra Amor Durante e Crisis na Ucrania
Na e luganan cu tabatin hopi bringamento, manera na Mariupol, no tin coriente of calefaccion (verwarming); telefon y Internet tambe a cay afo. E bentananan di hopi cas a ser destrui. Ademas, cuminda y awa ta cabando. Mas cu 2.500 ruman a keda pega na Mariupol. Na algun stad, entre otro Bucha, Chernihiv, Hostomel, Irpin, Kyiv y Sumy, a habri ruta special y safe pa yuda hende evacua. Esey a permiti hopi di nos rumannan huy pa luga mas safe.
Un ruman di 36 aña di edad, kende ta anciano y pionero, tabata biba na Hostomel. E cu su casa y su mayornan a haya nan ta bandona e stad. El a conta un tiki tocante kico nan a pasa aden ora cu guera a yega nan stad. El a bisa:
“Helicopter tabata bula riba nos cas. Henter ora tabatin vehiculo di guera cu tabata core tur caminda den e cayanan. Soldaat a drenta nos cas ora nos tabata sconde den bodega. Un di e soldaatnan a los varios tiro den direccion di e bodega. Algun di e balanan a dal e go bag di mi mama pero niun no a alcansa nos. Pa mas o menos tres pa cuater ora, nos no tabata move ni haci niun zonido. Tabatin bom ta explota pafo y hopi tiroteo ... E siguiente mainta, nos a sali bay cu auto. Na caminda, diripiente tabatin bringamento net unda nos tabata. Tabatin tanki di guera riba caya ... Tabata masha peligroso mes. Pero lo tabata hasta mas peligroso si nos a keda den e bodega unda nos tabata.
Loke ta pasando rond di nos a cambia henter nos bida. E situacion a pone cu nos mester a aplica varios principio di Bijbel. Por ehempel, e principionan cu ta anima nos pa no preocupa pa e dia di mañan, pa sea contento cu loke ta necesario, y pa nos confia den Jehova den tur situacion.”
Nos sa cu nos Dios, Jehova, sa di tur e dificultadnan cu nos rumannan ta pasando aden na Ucrania. Jehova lo sigui yuda nan sigur.—2 Pedro 2:9.
Un famia ta sconde den bodega di nan cas. Despues, nan por a huy pa un luga mas safe
E siguiente cifranan ta for di informe cu nos a haya di Ucrania te cu 10 di maart 2022.
Con Esaki A Afecta Nos Rumannan?
2 publicador a muri
8 publicador a ser herida
25.407 publicador a bandona nan cas pa bay otro luga di e pais cu ta mas safe
25 cas a ser destrui
59 cas tin daño grandi
222 cas tin daño leve
7 Salon di Reino tin daño
Trabou di Yudansa
Tin 27 Comite di Yudansa na Ucrania
E comitenan a yuda 10.566 publicador haya otro luga mas safe pa keda
9.635 publicador a huy pa otro pais. Eynan, nos rumannan ta yudando e publicadornan ey
You May Also Like
SIGUI VIGILA!
Crisis di Refugiado—Loke Bijbel Ta Bisa
Bijbel ta splica kico realmente ta algun causa di e crisis aki. Ademas, Bijbel ta bisa ki solucion permanente tin pa e crisis aki.
SIGUI VIGILA!
Rusia A Invadi Ucrania—Profecia Biblico Ta Cumpliendo?
Haya sa loke e suceso aki ta encera.
PREGUNTA CU HOPI HENDE SA HACI
Testigonan di Jehova Ta Yuda Ora di Desaster Natural?
Haya sa con nos ta duna yudansa practico ora di desaster natural tanto pa esnan cu ta Testigo como esnan cu no ta Testigo.