Testigonan di Jehova na Hungria Ta Ser Elogia pa Nan Durante Inundacion
Na juni 2013, tabatin yobida pisa cu a causa cu e riunan a inunda na Europa Central. Na Hungria, casi henter e Riu Danube a subi e nivel di mas halto den historia.
En bista di e situacion di emergencia, e Ministerio di Recurso Humano di e pais a pidi e sucursal di testigonan di Jehova di Hungria pa yuda den un trabou pa preveni daño di inundacion. E ora ey, sucursal a invita e congregacionnan cu tabata cerca di Riu Danube pa yuda den e actividad di prevencion di inundacion cu autoridadnan local a organisa.
E reaccion di e congregacionnan tabata asombroso. Durante varios dia, mas cu 900 Testigo di 72 congregacion a participa den e trabou di reforsa e oriya dje riu. Nan mester a bisti un badge cu e palabranan “testigonan di Jehova” riba dje hunto cu nan nomber y nomber di e luga cu nan ta biba.
Den un stad, un representante di Cruz Cora di Hungria a manda e siguiente mensahe pa un congregacion: “Nos debe boso gradicimento y respet. No ta tur dia nos ta mira union y disposicion pa yuda manera boso a demostra, sin menciona di con leu boso a bin! Cu orguyo mi por bisa cu boso a pone un maraviyoso ehempel pa nos stad.”
Ademas, e presidente di un organisacion pa yuda ora di desaster, kende ta un miembro tambe di e Parlamento di Hungria, a manda sucursal un carta pa gradici e Testigonan pa nan apoyo.