Bryn, di Noord Carolina (Merca), ta forma parti di un di e Comitenan di Contacto cu Hospital cu tin den e area ey. E comitenan ey ta colabora estrechamente cu hospital pa atende necesidad di pashent cu ta testigo di Jehova.

 Debi na e pandemia di COVID-19, hopi hospital no tabata permiti nan pashentnan haya bishita. Bryn a yama e director di e departamento di servicio pastoral y spiritual di un hospital local pa sa con lo e por duna sosten na e pashentnan cu ta testigo di Jehova.

 Nan a pasa Bryn su yamada pa e assistent di e director. Como cu no tabatin mag di bishita pashent, Bryn a puntra si nan por duna e pashentnan cu ta testigo di Jehova su number di telefon pa asina e por papia cu nan. E assistent a bay di acuerdo pa haci esey.

 Anto Bryn a papia cu e assistent tocante e personal di hospital. Bryn a bis’e cu e ta aprecia tur e trabounan cu nan ta haci y cu e ta spera cu nan ta bon di salud. El a bisa e assistent cu el a lesa un caminda cu hopi hende, specialmente hende cu ta traha na hospital, ta bou di stress pa motibo di e pandemia.

 E assistent a confirma cu COVID-19 a causa hopi stress na hospital.

 E ora ey, Bryn a bisa: “Nos website tin informacion cu por yuda hende trata cu stress. Si bo bay na jw.org y bo type ‘stress’ den e hoki Busca, lo bo haya algun articulo cu por anima e trahadornan di hospital.”

 Mientras nan tabata papia, e assistent a bay na e website, type e palabra “stress”, y el a mira e articulonan tocante con pa trata cu stress. El a bisa: “Waw, tremendo! Mi ta bay mustra e director. Esaki lo por yuda e hendenan cu ta traha na hospital y otro hende. Mi ta bay print algun di e articulonan aki y parti nan.”

 Un par di siman despues, Bryn a papia cu e director. E director a indica cu nan a subi e website y print varios articulo tocante stress y otro tema relaciona cu esey. Nan a duna e articulonan ey na verpleegster y tambe na otro trahador di hospital.

 Bryn a bisa: “E director a bisa mi masha danki pa nos trabounan y pa e articulonan asina bon skirbi. El a bisa cu el a haya nan masha practico.”