Nos a ripara cu hopi hende cu tin un religion caba ta gusta combersa riba topiconan biblico. Claro cu nos ta respeta un persona su creencia, y nos no ta forsa ningun hende pa acepta nos mensahe.

 Ora nos ta papia riba e tema di religion, nos ta trata di aplica e conseho di Bijbel pa haci esaki na un “manera suave” y cu “respet profundo.” (1 Pedro 3:15) Nos sa cu algun hende lo rechasa nos mensahe. (Mateo 10:14) Sinembargo, ta te ora nos papia cu un hende, nos lo haya sa con e ta reacciona. Nos ta consciente tambe cu circunstancia di hende por cambia.

 Por ehempel, un persona por ta mucho ocupa pa papia cu nos awe, pero un otro dia lo e ta contento pa combersa cu nos. Ademas, hende lo por haya nan mes cu problema of situacion nobo den bida cu ta lanta nan interes den e mensahe di Bijbel. Pesey nos ta purba di papia cu hende na mas cu un ocasion.