KANTIKA 75
“At’ami Aki! Manda Ami!”
-
1. Reproche Dios ta soportá;
su nòmber nan ta difamá,
yamando⁀e débil i kruel.
‘No tin Dios mes!’ segun⁀e infiel.
Ta ken lo sali defendé
su nòmber grandi⁀i elogi’é?
(REFREIN 1)
‘Manda mi, Dios, at’ami⁀aki!
Bo gloria lo mi deskribí.
Onor mas grandi no por tin, Dios!
Sí, manda mi,⁀at’ami⁀aki!’
-
2. Esnan ku no ta respet’é
ta akus’é, ta ofend’é.
Algun ta sirbi ídolo
i otro stima Sésar so.
Ta ken lo spièrta⁀e malechor
dje dia grandi di Señor?
(REFREIN 2)
‘Manda mi, Dios, at’ami⁀aki!
Malbado lo mi atvertí.
Onor mas grandi no por tin, Dios!
Sí, manda mi,⁀at’ami⁀aki!’
-
3. E mansunan ta suspirá;
maldat ta sigui oumentá.
Di kurason nan ke⁀e bèrdat
pa nan por tin trankilidat.
Ta ken lo kita inkietut
i guia nan na rektitut?
(REFREIN 3)
‘Manda mi, Dios, at’ami⁀aki!
Humildenan lo mi⁀instruí.
Onor mas grandi no por tin, Dios!
Sí, manda mi,⁀at’ami⁀aki!’
(Wak tambe Sal. 10:4; Eze. 9:4.)
